Мэдээ

"МӨНГӨН ӨВӨЛ-2025" ЦАСНЫ БАЯРЫН АРГА ХЭМЖЭЭ ЗОХИОН БАЙГУУЛЖ БАЙНА

Цагдаа, Дотоодын цэргийн байгууллагын 2025 онд дэвшүүлсэн зорилтын хүрээнд Дотоодын цэргийн штабын даргын баталсан удирдамжийн дагуу Улаанбаатар хүрээний Дотоодын цэргийн штаб, анги, тусгай салбарын алба хаагчдын эрүүл мэндийг хамгаалах, хөдөлгөөний дутагдлаас урьдчилан сэргийлэх, хамт олны дунд эерэг дулаан уур амьсгалыг бүрдүүлэх зорилгоор “Мөнгөн өвөл-2025” цасны баярын арга хэмжээг энэ оны 02 дугаар сарын 14-ний өдөр Баянзүрх дүүргийн 9 дүгээр хороо Улиастайн аманд зохион байгуулж байна.

Арга хэмжээнд штаб, анги, тусгай салбарын удирдлага, 400 гаруй алба хаагч оролцож "Олс таталт", "Хөгжөөнт буухиа", "Цасны сумо", "Flash mob" зэрэг хөгжөөнт тэмцээнүүдийг зохион байгуулж, шалгарсан алба хаагчдыг шагнаж, урамшууллаа.