Мэдээ

“БИДНИЙ НӨХӨРЛӨЛ” ӨДӨРЛӨГИЙН НӨХӨРСӨГ ТЭМЦЭЭНИЙ ШИЛДГҮҮД ТОДОРЛОО

Монгол Улсад орчин цагийн Зэвсэгт хүчин үүсэн байгуулагдсаны 104 жилийн ой, Монгол цэргийн өдрийг угтан төрийн цэргийн болон хууль сахиулах байгууллагуудын удирдах бүрэлдэхүүний хамтын ажиллагааг бэхжүүлэх, нийтийн бие тамир, спортыг хөгжүүлэх зорилгоор Шүүхийн шийдвэр гүйцэтгэх ерөнхий газраас зохион байгуулсан “Бидний нөхөрлөл” өдөрлөгийн нөхөрсөг тэмцээний шилдгүүд тодорч, "Дотоодын цэргийн штаб" нийлбэр дүнгээр 2 дугаар байранд орлоо.

Волейболын тэмцээнд нэгдүгээр байрт Тагнуулын ерөнхий газар, хоёрдугаар байрт Төрлийн цэргийн командлалууд, гуравдугаар байрт Цагдаагийн ерөнхий газрын баг, тус тэмцээний Тэгш тоглогчоор Тагнуулын ерөнхий газрын Хэлтсийн дарга, хошууч Н.Тэгшжаргал;

Биллиардын тэмцээнд нэгдүгээр байрт Шүүхийн шийдвэр гүйцэтгэх ерөнхий газар, хоёрдугаар байрт Батлан хамгаалах яам, гуравдугаар байрт Хил хамгаалах ерөнхий газрын баг;

Буудлагын тэмцээний 9 мм-ийн ПМ гар бууны төрөлд нэгдүгээр байрт Хил хамгаалах ерөнхий газрын Хилийн цэргийн хил судлалын хүрээлэнгийн захирал, хурандаа А.Ганбилэг, хоёрдугаар байрт Агаарын цэргийн штабын дарга, хурандаа Б.Энхзоргол, гуравдугаар байрт Батлан хамгаалах яамны Стратегийн бодлого, төлөвлөлтийн газрын дарга, бригадын генерал Ч.Гандирваа;

7.62мм-ийн “АКМ” автоматын төрөлд нэгдүгээр байрт Шүүх шинжилгээний ерөнхий газрын Чанарын баталгаажуулалтын хэлтсийн дарга, хурандаа Г.Төгөлдөр, хоёрдугаар байрт Авлигатай тэмцэх газрын Мөрдөн шалгах хэлтсийн дарга, эрхэлсэн комиссар Х.Буянтүмэн, гуравдугаар байрт Дотоодын цэргийн штабын Цэргийн алба-Сургалт, хамтын ажиллагааны газрын дарга, дэд хурандаа М.Батзориг;

7.62мм-ийн “СВД” винтовын төрөлд нэгдүгээр байрт Дотоодын цэргийн штабын Дотоодын цэргийн 809 дүгээр ангийн захирагч, хурандаа Ж.Батцагаан, хоёрдугаар байрт Хил хамгаалах ерөнхий газрын Хяналт-шинжилгээ, үнэлгээ, дотоод аудитын газрын дарга, хурандаа Б.Батмөнх, гуравдугаар байрт Тусгай хүчний цэргийн командлалын Тусгай ажиллагааны хяналтын төвийн дарга, хурандаа С.Болдбаатар;

Буудлагын тэмцээний нэгдсэн дүнгээр нэгдүгээр байрт Дотоодын цэргийн штаб, хоёрдугаар байрт Төрлийн цэргийн командлалууд, гуравдугаар байрт Хил хамгаалах ерөнхий газрын баг;

Гурван тэмцээний нийлбэр дүнгээр нэгдүгээр байрт Хил хамгаалах ерөнхий газар шалгарч, шилжин явах цомын эзэн болсон бол хоёрдугаар байрт Дотоодын цэргийн штаб, гуравдугаар байрт Төрлийн цэргийн командлалуудын баг тус тус шалгарлаа.

Нийт оролцсон баг, тамирчдадаа спортын амжилт хүсье!