Мэдээ

Дотоодын цэргийн командлагчийн баталсан удирдамжийн хүрээнд анги, тусгай салбаруудын дунд “Тэргүүний тохижилттой дүрэмч, жагсаалч анги, салбар шалгаруулах болзолт уралдаан” 09 дүгээр сарын 16-ны өдөр Дотоодын цэргийн 809 дүгээр ангиас эхэлж 10 дугаар сарын 03-ны өдөр Өмнөговь аймгийн Цогтцэций сумын Дотоодын цэргийн 810 дугаар ангийн байрлалд үргэлжилж байна. Уралдааны хүрээнд: • Байгууллагын тохижилт, бүтээн байгуулалт • Цэргийн албыг зохион байгуулах зааврын хэрэгжилт • Нэгдсэн жагсаалын үзлэг • Дүрэмт хувцасны үзлэг • Жагсаалын үзүүлэх тоглолт • Алба хаагчдын эрх зүйн мэдлэгийн шалгалт гэсэн төрлүүдээр өрнөж байна. Тус болзолт уралдааны зорилго нь Монгол Улсын “Цэргийн нийтлэг дүрэм”, Дотоодын цэргийн “Цэргийн албыг зохион байгуулах заавар”-ын хэрэгжилтийг хангах, анги байгууллагын жигдрэлтийг сайжруулах, офицеруудын манлайллыг нэмэгдүүлэх, алба хаагчдын цэрэгжилт, жагсаалч ажиллагаа, албандаа хандах итгэл үнэмшлийг нэмэгдүүлэхэд чиглэж байна. Уралдаанд оролцож буй нийт анги, тусгай салбарууддаа амжилт хүсье.

---