Дотоодын цэргийн штаб

"ЦЭРГИЙН ТАНГАРАГ” ӨРГҮҮЛЭХ ЁСЛОЛЫН АРГА ХЭМЖЭЭ БОЛЛОО

11 сарын 12, 2025

ᠴᠡᠷᠢᢉ ᠦ᠋ᠨ ᠲᠠᠩᠭᠠᠷᠢᠭ” ᠡᠷᢉᠦᢉᠦᠯᢈᠦ ᠶᠣᠰᠤᠯᠠᠯ ᠤ᠋ᠨ ᠠᠷᠭ᠎ᠠ ᢈᠡᠮᠵᠢᠶ᠎ᠡ ᠪᠣᠯᠤᠯ᠎ᠠ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭ᠎ᠠ ᠳ᠋ᠤ ᠰᠢᠨ᠎ᠡ ᠪᠡᠷ ᠪᠣᠯᠤᠨ ᠰᠢᠯᠵᠢᠨ ᠲᠣᠮᠢᠯᠠᠭᠳᠠᠭᠰᠠᠨ ᠣᠹᠢᠼᠧᠷ᠂ ᠠᠬᠠᠯᠠᠭᠴᠢ ᠪᠦᠷᠢᠯᠳᠦᢈᠦᠨ ᠢ᠋ᠶᠡᠷ ᠡᢈᠡ ᠣᠷᠤᠨ ᠳ᠋ᠤ ᠪᠠᠨ ᠦᠨᠡᠨᠴᠢ ᠶ᠋ᠢᠨ ᠪᠠᠲᠤᠯᠠᠭ᠎ᠠ ᠪᠣᠯᠤᠭᠰᠠᠨ “ᠴᠡᠷᠢᢉ ᠦ᠋ᠨ ᠲᠠᠩᠭᠠᠷᠢᠭ" ᠡᠷᢉᠦᢉᠦᠯᢈᠦ ᠶᠣᠰᠤᠯᠠᠯ ᠤ᠋ᠨ ᠠᠷᠭ᠎ᠠ ᢈᠡᠮᠵᠢᠶ᠎ᠡ ᠶ᠋ᠢ ᠥᠨᠦᠳᠦᠷ (᠒᠐᠒᠕᠂᠑᠑᠂᠑᠒) ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠘᠐᠕ ᠳ᠋᠋ᠤᠭᠠᠷ ᠠᠩᢉᠢ ᠶ᠋ᠢᠨ ᠪᠠᠶᠢᠷᠢᠯᠠᠯ ᠳ᠋ᠤ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯ᠎ᠠ᠃ ᠲᠠᠩᠭᠠᠷᠢᠭ ᠡᠷᢉᠦᢈᠦ ᠶᠣᠰᠤᠯᠠᠯ ᠤ᠋ᠨ ᠠᠷᠭ᠎ᠠ ᢈᠡᠮᠵᠢᠶᠡᠨ ᠳ᠋ᠦ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭ᠎ᠠ᠂ ᠪᠷᠢᠭᠠᠳ᠋ ᠤ᠋ᠨ ᢉᠧᠨᠧᠷᠠᠯ ᠷ‍᠂ᠴᠢᠩᢉᠢᠰ ᠪᠣᠯᠤᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭ᠎ᠠ ᠶ᠋ᠢᠨ ᠵᠥᠪᠯᠡᠯ ᠦ᠋ᠨ ᢉᠡᠰᠢᢉᠦᠳ᠂ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠲᠥᠯᠦᢉᠡᠯᠡᠯ ᠣᠷᠤᠯᠴᠠᠯ᠎ᠠ᠃ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭ᠎ᠠ᠂ ᠪᠷᠢᠭᠠᠳ᠋ ᠤ᠋ᠨ ᢉᠧᠨᠧᠷᠠᠯ ᠷ‍᠂ᠴᠢᠩᢉᠢᠰ ᠲᠠᠩᠭᠠᠷᠢᠭ ᠡᠷᢉᠦᢉᠰᠡᠨ ᠨᠡᠶᠢᠲᠡ ᠪᠡᠶ᠎ᠡ ᠪᠦᠷᠢᠯᠳᠦᢈᠦᠨ ᠳ᠋ᠦ ᠪᠠᠶᠠᠷ ᢈᠦᠷᢉᠡᠵᠦ᠂ ᢈᠡᠯᠡᢉᠰᠡᠨ ᠦᢉᠡᠨ ᠳ᠋ᠦ ᠪᠡᠨ “ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢ ᢉᠡᠵᠦ ᠴᠡᠷᠢᢉ ᠦ᠋ᠨ ᠲᠠᠩᠭᠠᠷᠢᠭ ᠡᠷᢉᠦᠵᠦ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠠᠩᢉᠢ᠂ ᠪᠠᠶᠢᠭᠤᠯᠤᠯᠭ᠎ᠠ ᠳ᠋ᠤ ᠠᠵᠢᠯᠯᠠᠵᠤ ᠪᠠᠶᠢᠭ᠎ᠠ ᠴᠡᠷᠢᢉ ᠦ᠋ᠨ ᠵᠢᠩᢈᠢᠨᠢ ᠠᠯᠪᠠ ᠬᠠᠭᠠᠭᠴᠢ ᠶ᠋ᠢ ᠣᠶᠢᠯᠠᠭᠠᠨ᠎ᠠ ᢉᠡᠵᠦ ᠬᠠᠤᠯᠢᠴᠢᠯᠠᠭᠰᠠᠨ᠃ ᠴᠡᠷᠢᢉ ᠦ᠋ᠨ ᠲᠠᠩᠭᠠᠷᠢᠭ ᠳ᠋ᠤ ᠲᠠ ᠪᠦᢈᠦᠨ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠢ᠋ᠶᠠᠨ ᠬᠠᠤᠯᠢ᠂ ᠴᠡᠷᠢᢉ ᠦ᠋ᠨ ᠳᠦᠷᠢᠮ ᠢ᠋ ᠰᠠᢈᠢᠨ ᠪᠡᠶᠡᠯᠡᢉᠦᠯᢈᠦ᠂ ᠬᠠᠯᠳᠠᠰᠢ ᠦᢉᠡᠢ ᠳᠠᠷᠬᠠᠨ ᠪᠠᠶᠢᠳᠠᠯ ᠢ᠋ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠬᠤ ᠠᠷᠢᠭᠤᠨ ᠡᢉᠦᠷᢉᠡ ᠪᠠᠶᠢᠭ᠎ᠠ ᠪᠥᢉᠡᠳ ᠲᠠᠩᠭᠠᠷᠢᠭ ᠤ᠋ᠨ ᠦᢉᠡ᠂ ᠥᢉᠦᠯᠡᠪᠦᠷᠢ ᠪᠦᠷᠢ ᠳ᠋ᠦ ᠠᠰᠤᠷᠤ ᠶᠡᢈᠡ ᠦᠨ᠎ᠡ᠂ ᠴᠡᠨ᠎ᠡ ᠠᠭᠤᠯᠤᠭᠳᠠᠳᠠᠭ ᠪᠣᠯᠬᠤ ᠶ᠋ᠢ ᠢᠮᠠᠭᠲᠠ ᠰᠠᠨᠠᠵᠤ ᠶᠠᠪᠤᠬᠤ ᢈᠡᠷᠡᢉ ᠲᠡᠢ᠃ ᠲᠠ ᠪᠦᢈᠦᠨ ᠢ᠋ ᠡᠷᢉᠦᢉᠰᠡᠨ ᠲᠠᠩᠭᠠᠷᠢᠭ ᠲᠤ ᠪᠠᠨ ᠦᠨᠡᠨᠴᠢ ᠪᠡᠷ ᠵᠢᠳᢈᠦᠨ᠂ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠦᠨᠳᠦᠰᠦᠨ ᠦ᠋ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠬᠤ ᠦᠨᠳᠦᠰᠦᠨ ᠴᠢᢉ ᠡᢉᠦᠷᢉᠡ ᠪᠡᠨ ᠬᠠᠤᠯᠢ ᠳ᠋ᠤ ᠵᠢᠭᠠᠭᠰᠠᠨ ᠪᠦᠷᠢᠨ ᠡᠷᢈᠡ ᠶ᠋ᠢᠨ ᢈᠦᠷᠢᠶᠡᠨ ᠳ᠋ᠦ ᢈᠡᠷᠡᢉᠵᠢᢉᠦᠯᢈᠦ ᠶ᠋ᠢᠨ ᠲᠥᠯᠦᢉᠡ ᠮᠡᠷᢉᠡᠵᠢᠯ ᠦ᠋ᠨ ᠥᠨᠳᠦᠷ ᠤᠷ᠎ᠠ ᠴᠢᠳᠠᠪᠤᠷᠢ ᠭᠠᠷᠭᠠᠨ ᢈᠢᠴᠢᠶᠡᠩᢉᠦᠶᠢᠯᠡᠨ ᠠᠵᠢᠯᠯᠠᠨ᠎ᠠ ᢉᠡᠳᠡᢉ ᠲᠦ ᠢᠲᠡᢉᠡᠯ ᠲᠡᢉᠦᠰ ᠪᠠᠶᠢᠨ᠎ᠠ᠃ ” ᢈᠡᠮᠡᠨ ᠲᠣᠳᠤᠳᠬᠠᠯ᠎ᠠ᠃ ᠴᠡᠷᠢᢉ ᠦ᠋ᠨ ᠲᠠᠩᠭᠠᠷᠢᠭ ᠡᠷᢉᠦᢉᠰᠡᠨ ᠨᠡᠶᠢᠲᠡ ᠣᠹᠢᠼᠧᠷ᠂ ᠠᠬᠠᠯᠠᠭᠴᠢ ᠨᠠᠷ ᠲᠤ ᠪᠠᠨ ᠪᠠᠶᠠᠷ ᢈᠦᠷᢈᠡᠵᠦ᠂ ᠠᠵᠢᠯ ᠤ᠋ᠨ ᠠᠮᠵᠢᠯᠲᠠ ᢈᠦᠰᠡᠶ᠎ᠡ! ᠮᠣᠩᠭᠣᠯ ᠲᠥᠷᠦ ᠶ᠋ᠢᠨ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠴᠣᠭ ᠵᠢᠪᠬᠤᠭ᠎ᠠ᠂ ᠰᠦᠯᠳᠡ ᢈᠡᠶᠢᠮᠣᠷᠢ ᠮᠥᠩᢈᠡ ᠳ᠋ᠦ ᠮᠠᠨᠳᠤᠨ ᠪᠠᠳᠠᠷᠠᠬᠤ ᠪᠣᠯᠲᠤᠭᠠᠢ!

Дотоодын цэргийн байгууллагад шинээр болон шилжин томилогдсон офицер, ахлагч бүрэлдэхүүнээр эх орондоо үнэнчийн баталгаа болсон “Цэргийн тангараг" өргүүлэх ёслолын арга хэмжээг өнөөдөр (2025.11.12) Дотоодын цэргийн 805 дугаар ангийн байрлалд зохион байгууллаа.

Тангараг өргөх ёслолын арга хэмжээнд Дотоодын цэргийн штабын дарга, бригадын генерал Р.Чингис болон штабын даргын зөвлөлийн гишүүд, алба хаагчдын төлөөлөл оролцлоо.

Дотоодын цэргийн штабын дарга, бригадын генерал Р.Чингис тангараг өргөсөн нийт бие бүрэлдэхүүнд баяр хүргэж, хэлсэн үгэндээ “Дотоодын цэргийн алба хаагч гэж Цэргийн тангараг өргөж, дотоодын цэргийн анги, байгууллагад ажиллаж байгаа цэргийн жинхэнэ алба хаагчийг ойлгоно гэж хуульчилсан.

Цэргийн тангарагд Та бүхэн Монгол Улсынхаа хууль, цэргийн дүрмийг сахин биелүүлэх, халдашгүй дархан байдлыг батлан хамгаалах ариун үүрэг байгаа бөгөөд тангаргийн үг, өгүүлбэр бүрд асар их үнэ, цэнэ агуулагддаг болохыг ямагт санаж явах хэрэгтэй.

Та бүхнийг өргөсөн тангарагтаа үнэнчээр зүтгэн, Монгол Улсын Үндэсний аюулгүй байдлыг хангах үндсэн чиг үүргээ хуульд заасан бүрэн эрхийн хүрээнд хэрэгжүүлэхийн төлөө мэргэжлийн өндөр ур чадвар гарган хичээнгүйлэн ажиллана гэдэгт итгэл төгс байна.” хэмээн тодотголоо.