Дотоодын цэргийн штаб
"ХАМГААЛАЛТЫН АЖИЛТАН", "ЦАГДАА-ЖОЛООЧ" МЭРГЭЖИЛ ОЛГОХ СУРГАЛТ ЯВАГДАЖ БАЙНА
Цагдаагийн ерөнхий газрын дарга, Дотоодын цэргийн командлагчийн тушаалаар Дотоодын цэргийн 05, 805 дугаар ангиудын хугацаат цэргийн алба хаагчдыг “Хамгаалалтын ажилтан”, “Цагдаа-жолооч” мэргэжил олгох сургалтад хамруулах зорилгоор судалгааны ажлыг зохион байгуулж, тэнцсэн хугацаат цэргийн алба хаагчдыг Цагдаа, дотоодын цэргийн сургалтын нэгдсэн төвийн “Хамгаалалтын ажилтан”, “Цагдаа-жолооч” мэргэжил олгох сургалтад хамруулж байна.
Мэргэжил олгох сургалт энэ оны 03 дугаар сарын 20-ны өдрөөс 04 дүгээр сарын 28-ны өдрийг хүртэл явагдана.
Уг сургалтад хамрагдаж төгссөн алба хаагчид цагдаа, дотоодын цэргийн байгууллагын ахлагчийн албан тушаалын сул орон тоонд томилогдож ажлын байраар хангагдах юм.
