Дотоодын цэргийн штаб
“ЭРҮҮЛ БИЕ-ЗӨВ ДАДАЛ” ЯВГАН АЯЛЛААР МАНЗУШИР ХИЙДЭЭС БОГДХАН УУЛЫН ЦЭЦЭЭ ГҮНИЙ НОЁН ОРГИЛ ЧИГЛЭЛД 16.2 КИЛОМЕТР ЗАМЫГ ТУУЛЛАА
Монгол Улсын Ерөнхийлөгч, Зэвсэгт хүчний ерөнхий командлагчийн ивээл дор зохион байгуулагдах “Төрийн цэргийн болон хууль сахиулах байгууллагын залуу офицеруудын чуулган”-ыг угтан залуу алба хаагчдыг мэргэжлээрээ бахархах, мэдлэг, ур чадвар, албандаа хандах хандлага, итгэл үнэмшлийг дээшлүүлэх, хамтын нөхөрлөлийг бэхжүүлэх зорилгоор “Эрүүл бие-Зөв дадал” явган аяллыг зохион байгууллаа.
Энэхүү явган аялалд Батлан хамгаалах яам, Зэвсэгт хүчний жанжин штаб, Төрлийн цэргийн командлал, Хил хамгаалах ерөнхий газар, Дотоодын цэрэг, Шүүхийн шийдвэр гүйцэтгэх ерөнхий газар, Онцгой байдлын ерөнхий газар, Цагдаагийн ерөнхий газар, Тагнуулын ерөнхий газар, Төрийн тусгай хамгаалалтын газрын 170 гаруй алба хаагчид оролцлоо.
Арга хэмжээнд оролцогчид “Эрүүл бие-Зөв дадал” явган аяллаар Манзушир хийдээс Богдхан уулын Цэцээ гүний ноён оргил чиглэлд 16.2 километр замыг туулсан юм.
