Мэдээ

ДОТООДЫН ЦЭРГИЙН БАЙГУУЛЛАГЫН УДИРДАХ АЛБАН ТУШААЛД АЖИЛЛАЖ БАЙСАН ҮЕ ҮЕИЙН ДАРГА НАР БОЛОН АХМАД АЖИЛТНУУДТАЙ УУЛЗАЛТ ЗОХИОН БАЙГУУЛЖ, САНАЛ СОЛИЛЦЛОО

Дотоодын цэргийн штаб, анги, байгууллагын удирдах албан тушаалд ажиллаж байсан үе үеийн дарга болоод ахмад ажилтнуудад хүндэтгэл үзүүлэх, байгууллагаас хийж, хэрэгжүүлсэн ажил, цаашдын хөгжлийн бодлогыг танилцуулж санал, сэтгэгдлийг сонсох уулзалтыг зохион байгууллаа. Уулзалтад Дотоодын цэргийн штабын дарга бригадын генерал Р.Чингис, Дэд бөгөөд ажиллагааны удирдлагын газрын дарга хурандаа Н.Мөнх-Итгэл дотоодын цэргийн штабын даргын зөвлөлийн гишүүд болон дотоодын цэргийн байгууллагад удирдах ажилтнаар ажиллаж байсан ахмад ажилтан Бригадын генерал Т.Хүрэлбаатар, хурандаа У.Бат-Эрдэнэ, Ц.Гансүх, Ж.Амгалан, Ж.Цогтбаатар, Д.Дугарсүрэн, цагдаагийн хурандаа Ц.Наранбаатар нар оролцож Дотоодын цэргийн байгууллагын цаашдын хөгжлийн чиг хандлага, хэрэгжүүлэх арга хэмжээний талаар санал солилцлоо.