Мэдээ

ҮЕР УСНЫ АЮУЛААС УРЬДЧИЛАН СЭРГИЙЛЬЕ

ДУЛААНЫ САРУУДАД ХҮЧТЭЙ АЯНГА ЦАХИЛГААНТАЙ, УСАРХАГ БОРОО ОРЖ ҮЕР УСНЫ АЮУЛ ГАРЧ БАЙГААТАЙ ХОЛБОГДУУЛАН ДОТООДЫН ЦЭРГИЙН БАЙГУУЛЛАГААС ИРГЭД ТА БҮХЭНД ДАРААХ ЗӨВЛӨМЖИЙГ ХҮРГЭЖ БАЙНА.

 

1. Үер усны аюулаас урьдчилан сэргийлэх сэрэмжлүүлэг, мэдээ, дохиог хэвлэл мэдээллийн хэрэгсэл, мэдээллийн бусад эх сурвалжаас тогтмол хүлээн авч сэрэмжлэх, бусдад дамжуулах
2. Усархаг, үргэлжилсэн хүйтэн бороотой үед болон аадар, мөндөр орж байхад, аян замд гарахыг хойшлуулах
3. Гэр, хашаа, саравч, орон байрыг үерийн усны зам, голын гольдрол, гуу, жалга, хуурай сайр, ус хальдаг эрэг, тутамд барихгүй байх
4. Бага насны хүүхдийг хараа хяналтгүйгээр гол мөрөн, нуур, цөөрмийн орчимд тоглуулахгүй, орхихгүй байх
5.  Чухал бичиг баримт, үнэт зүйлсээ үерийн усанд урсах, норохоос хамгаалсан найдвартай газар хадгалах,
6.  Цэвэр ус болон хүнсний нөөц, дулаан хувцсыг усанд автахааргүй орчинд хадгалах
7. Үерийн усаар халдварт өвчний нян тээгддэг тул цэвэрлэгээ хийх, энэ ажилд мэргэжлийн байгууллагаас туслалцаа авах
8. Гэр хороололд амьдардаг бол бие засах газар, муу усны нүх /сав/-ийг ариутгах, цэвэрлэх
9. Үерийн усанд норсон хүнсний бүтээгдэхүүнийг устгах, хоол хүнс бэлтгэдэг болон ахуйн хэрэглээний сав суулгыг буцалгаж ариутгах
10. Үерийн ус зайлуулах суваг шуудуу татах, далан хашлага барих зэргээр өөрийн болоод бусдын амь нас, эрүүл мэнд, эд хөрөнгийг болзошгүй гамшиг ослоос урьдчилан сэргийлэхийг зөвлөж байна.