Дотоодын цэргийн штаб
СУРГАЛТЫН ТӨВИЙН НЭЭЛТИЙН ҮЙЛ АЖИЛЛАГААГ ЗОХИОН БАЙГУУЛАВ.
2023 оны 2 дугаар ээлжээр татагдан ирсэн хугацаат цэргийн алба хаагчдын цэргийн анхан шатны бэлтгэл эзэмшүүлэх сургалтын төвийн нээлтийн үйл ажиллагааг энэ оны 10 дугаар сарын 25-ны өдөр зохион байгуулж "Цэргийн анхан шатны бэлтгэл эзэмшүүлэх сургалтыг зохион байгуулах тухай" ангийн захирагчийн тушаалыг захиргааны удирдлага эрхэлсэн орлогч, хошууч Б.Алтангэрэл уншиж танилцуулан ангийн захирагч, хурандаа Ж.Түмэнтулга Цэргийн анхан шатны бэлтгэл эзэмшүүлэх сургалтын үйл ажиллагааг нээн үг хэлж сургалтад хамрагдах алба хаагчдад амжилт хүсэж баяр хүргэлээ.
Тус арга хэмжээний үеэр 3 дугаар салбарын салааны захирагч дэслэгч Д.Оюун-Эрдэнэ 2 дугаар салбарын хамгаалалтын ажилтан дэд ахлагч М.Баттулга нар ая дууны мэндчилгээ дэвшүүллээ. Цэргийн анхан шатны бэлтгэл эзэмшүүлэх сургалтын төвийн нээлтийн хичээлийг дэд хурандаа Б.Бекболат “Цэрэг эх оронч хүмүүжил” сэдвээр орж шинээр албанд татагдан ирсэн дайчдад албаа нэр төртэй үнэнчээр хаахыг захиж ажиллаа.
