Мэдээ

ТӨРИЙН ЦЭРГИЙН БАЙГУУЛЛАГУУДЫН ДУНД ЗОХИОН БАЙГУУЛАГДСАН “ЦАГААН САР МОНГОЛ ТҮМНИЙ УЛАМЖЛАЛТ ИХ БАЯР” ТЭМЦЭЭНД ДОТООДЫН ЦЭРГИЙН БАЙГУУЛЛАГААС АМЖИЛТТАЙ ОРОЛЦЛОО.

    Монгол түмний уламжлалт сар шинийн баярыг Зэвсэгт хүчний Жанжин штабаас угтан энэ оны 01 дүгээр сарын 25, 26-ны өдрүүдэд төрийн цэргийн байгууллагуудын дунд зохион байгуулсан “Цагаан сар-Монгол түмний уламжлалт их баяр” урлагийн тэмцээн зохион байгууллаа.

    Уг тэмцээнд нийт 29 анги байгууллагын 174 алба хаагч өрсөлдөж Дотоодын цэргийн 805 дугаар ангийн Захиргааны удирдлага эрхэлсэн орлогч хошууч Б.Алтангэрэл ахлагчтай "Хишигтэн цэрэг" баг шилдэг 8 баг буюу 2 дугаар шатанд амжилттай оролцож, шилдэг дуучнаар байлдагч Г.Ариунбаатар, шилдэг хөгжөөн дэмжигч багаар Дотоодын цэргийн 805 дугаар анги шалгарч өргөмжлөл, медаль, үнэ бүхий зүйлээр шагнагдлаа.

    Энэ үеэр Зэвсэгт хүчний Жанжин штабын нэгдүгээр орлогч дарга бригадын генерал Ж.Өсөхбаяр баяр хүргэж Дотоодын цэргийн байгууллагаас оролцсон багийг ихэд онцолсон юм.

    Тэмцээнд оролцсон алба хаагчдынхаа цаашдынх нь ажил хөдөлмөр, уран бүтээлд өндөр амжилт хүсье.