Дотоодын цэргийн штаб
АЛБА ХААГЧДЫН ХҮҮХДҮҮДЭД ШАТРЫН АНХАН ШАТНЫ СУРГАЛТЫГ ЗОХИОН БАЙГУУЛЖ БАЙНА
Дотоодын цэргийн байгууллагын алба хаагчдын хүүхдүүдийн ой санамж, бүтээлч сэтгэлгээг хөгжүүлэх зорилгоор Олон Улсын шатрын Их мастер, Монгол Улсын 25 дахь Аварга, Дэлхийн Шатрын Холбооны Глобал Бодлогын Зөвлөлийн гишүүн, дасгалжуулагч, Дотоодын цэргийн 809 дүгээр ангийн хамгаалалтын ажилтан, ахлах ахлагч А.Энхтуултай хамтран алба хаагчдын хүүхдэд шатрын анхан шатны сургалтыг Дотоодын цэргийн штабын байрлалд зохион байгуулж эхэллээ.
Сургалтад Улаанбаатар хүрээний анги, байгууллагын алба хаагчдын хүүхдүүд хамрагдаж байгаа бөгөөд уг сургалтыг Олон Улсын шатрын Их мастер А.Энхтуулын үүсгэн байгуулсан "Элит брэйн" олон улсын шатрын академийн хөтөлбөрийн дагуу зохион байгуулж байгаагаараа онцлог юм.
Олон Улсын шатрын Их мастер ахлах ахлагч А.Энхтуул Дотоодын цэргийн алба хаагчдын хүүхдүүдэд зориулсан сургалтад ашиглагдах сургалтын материал болон шатрыг хувийн зүгээс бэлэг болгон хүлээлгэн өгч байгааг илэрхийлсэн юм.
