Дотоодын цэргийн штаб
ДОТООДЫН ЦЭРГИЙН ЗӨРЧИЛ ШАЛГАН ШИЙДВЭРЛЭХ ЭРХ БҮХИЙ АЛБАН ТУШААЛТНУУДАД ХҮНИЙ ЭРХИЙН ҮНДЭСНИЙ КОМИССООС МЭРГЭШҮҮЛЭХ СУРГАЛТЫГ ЗОХИОН БАЙГУУЛЛАА
Монголын Хүний эрхийн Үндэсний комисс, Эрүү шүүлтээс урьдчилан сэргийлэх Үндэсний ажиллагаа болон "Эрүү шүүлтээс урьдчилан сэргийлэх нийгэмлэг" олон улсын байгууллагатай хамтран Зөрчил шалган шийдвэрлэх эрх бүхий албан тушаалтнуудыг мэргэшүүлэх сургалтыг өнөөдөр (2025.04.03) штабын байрлалд зохион байгууллаа.
Энэхүү мэргэшүүлэх сургалт нь алба хаагчдад эрүү шүүлтээс урьдчилан сэргийлэх, хүний эрхийн талаарх мэдлэг, ойлголтыг нэмэгдүүлэх, хүний эрхэд суурилсан хандлага төлөвшүүлэх, хүний эрхийн мэдрэмжтэй байх дадал, чадвар эзэмшүүлэх зорилготой юм.
Сургалтын үйл ажиллагаанд Хүний эрхийн Үндэсний комиссын Эрүү шүүлтээс урьдчилан сэргийлэх асуудал эрхэлсэн гишүүн, доктор, дэд профессор Я.Цэлмэн, Эрүү шүүлтээс урьдчилан сэргийлэх хэлтсийн дарга, Ш.Үнэнтөгс, “Эрүү шүүлтээс урьдчилан сэргийлэх нийгэмлэг” Олон улсын байгууллагын ахлах зөвлөх Ben Bucklund, Дотоодын цэргийн штабын дарга, хурандаа М.Лувсандорж, штабын даргын зөвлөлийн гишүүд болон штаб анги, байгууллагын 133 алба хаагч 18 байршлаас танхимаар болон цахимаар хамрагдлаа.
