Дотоодын цэргийн штаб
ДОТООДЫН ЦЭРГИЙН 2022 ОНЫ ТАЙЛАНГИЙН ХУРАЛ ЗОХИОН БАЙГУУЛЖ, ТЭРГҮҮНИЙ ХАМТ ОЛОН, АЖИЛ МЭРГЭЖЛИЙН АВАРГА АЛБА ХААГЧДАА ШАЛГАРУУЛАВ.
Дотоодын цэргийн анги, байгууллагуудын 2022 оны үйл ажиллагааны тайлангийн хурал, алба хаагчдад шагнал гардуулах ажиллагааг энэ оны 12 дугаар сарын 26-ны өдөр Цагдаагийн ерөнхий газрын "Сүлд" чуулгад зохион байгууллаа. 
Арга хэмжээнд Цагдаагийн ерөнхий газрын дарга, дотоодын цэргийн командлагч хошууч генерал Ж.Болд, Дотоодын цэргийн штабын дарга, бригадын генерал Р.Чингис, мөн Цагдаагийн ерөнхий газрын Захиргааны удирдлагын газрын дарга, цагдаагийн хурандаа Л.Нямдаваа, Төлөвлөлт, зохион байгуулалтын хэлтсийн дарга цагдаагийн хурандаа Ц.Наранбаатар, Дотоодын цэргийн штабын даргын зөвлөлийн гишүүд, төв, орон нутгийн анги, тусгай салбарын алба хаагч нар тахимаар болон цахимаар оролцлоо.
Дотоодын цэргийн 2022 онд дэвшүүлсэн зорилтыг ханган биелүүлэх, хуулиар хүлээсэн чиг үүргийг хэрэгжүүлэхэд идэвх зүтгэл үр бүтээл гарган ажиллаж, ажлын үр дүнгээр бусдыгаа хошуучлан ажилласан алба хаагч, хамт олныг Дотоодын цэргийн тэргүүний хамт олон, ажил мэргэжлийн аварга алба хаагчаар шалгаруулж батламж, цом, мөнгөн шагналаар шагнасан юм.
Цагдаагийн ерөнхий газрын Хөдөлмөрийн тэргүүний алба хаагчаар Дотоодын цэргийн 805 дугаар ангийн захирагч, хурандаа Ж.Түмэнтулга, Дотоодын цэргийн 05 дугаар ангийн МҮОНРТ-ийн хамгаалалтын салбарын харуулын дарга, дэслэгч А.Мөнхбат, Дотоодын цэргийн 810 дугаар ангийн харуулчин, дэд ахлагч Ж.Баттулга нар тус тус шалгарлаа.
Дотоодын цэргийн “Тэргүүний хамт олон”-оор хурандаа Ж.Түмэнтулга захирагчтай 805 дугаар анги, “Ажил мэргэжлийн аварга удирдах алба хаагч”-аар 05 дугаар ангийн гэрээт салбарын захирагч, дэд хурандаа Д.Мөнхбаяр, “Ажил мэргэжлийн аварга, захиргааны алба хаагч”-аар Штабын харуул хамгаалалтын хэлтсийн хамгаалалт, төлөвлөлт хариуцсан чиглэлийн ахлах офицер, хошууч Э.Баярсайхан, “Ажил мэргэжлийн аварга офицер”-оор 809 дүгээр тусгай салбарын довтлогч, ахлах дэслэгч С.Өлзийбаатар, “Ажил мэргэжлийн аварга, ахлагч”-аар 805 дугаар ангийн харуулчин, ахлах ахлагч Ц.Батмөнх, “Ажил мэргэжлийн аварга, ар талын алба хаагч, ажилтан”-аар 810 дугаар ангийн барилга орон сууц, ашиглалтын ахлах офицер, хошууч С.Амгаланжаргал, “Ажил мэргэжлийн аварга, хамгийн шилдэг ахлагч”-аар 810 дугаар ангийн цагдаагийн тасгийн цагдаа зохицуулагч, цагдаагийн ахлах ахлагч Г.Отгонбаяр нар шалгарсан байна.
Мөн Штабын даргын тушаалаар Дотоодын цэргийн 805 дугаар ангийн ар тал хангалтын авто инженер дэд хурандаа Н.Баттогтохыг Дотоодын цэргийн “Албаны төлөө” тэмдгээр, 05 дугаар ангийн Ар тал хангалтын ээлжийн тогооч Д.Загарыг “Батламж” мөнгөн шагналаар тус тус шагналаа. 
Арга хэмжээний үеэр Цагдаа, дотоодын цэргийн байгууллагаас 2023 онд дэвшүүлсэн зорилт, цаашид авч хэрэгжүүлэх ажил, арга хэмжээний талаар Цагдаагийн ерөнхий газрын Захиргааны удирдлагын газрын дарга, цагдаагийн хурандаа Л.Нямдаваа танилцуулсан юм.
Улиран одож буй 2022 онд эрхэлсэн ажилдаа идэвх зүтгэл гарган хамт олноо манлайлан “Тэргүүний хамт олон”, “Ажил мэргэжлийн аварга”-аар шалгарсан болон нийт шагнагдсан алба хаагчдад баяр хүргэж цаашдынх нь ажил, хөдөлмөрт өндөр амжилт хүсье.
ДОТООДЫН ЦЭРГИЙН ШТАБ