Мэдээ

“ТЭРБУМ МОД” ҮНДЭСНИЙ ХӨДӨЛГӨӨНИЙ ХҮРЭЭНД МОД ТАРИХ АЖЛЫГ ЗОХИОН БАЙГУУЛЛАА

Монгол Улсын Ерөнхийлөгч, Зэвсэгт хүчний ерөнхий командлагчийн санаачилсан "Тэрбум мод" Үндэсний хөдөлгөөн, Дотоодын цэргийн анги, тусгай салбарт хэрэгжүүлэх ажлын төлөвлөгөө“-ний хүрээнд тус ангийн алба хаагчид болон хугацаат цэргийн алба хаагчид Баянзүрх дүүрэгт байрлах "Олон улсын эко цэцэрлэгт хүрээлэн", Үндэсний цэцэрлэгт хүрээлэнд байрлах “Дотоодын цэргийн хүндэтгэлийн хөшөө”-т цогцолбор болон ангийн байрлалд улиас, бургас, голт бор, өрөл, тэхийн шээг, монос, гүйлс шинэс, гацуур, нарс зэрэг 10 төрлийн 2,300 ширхэг мод тарьж ногоон байгууламжийг нэмэгдүүлэн ажиллалаа.

Мөн ангийн 2 алба хаагчийн хашаанд тус бүр 50 ширхэг мод тарих ажлыг зохион байгууллаа.

Хүн бүр жилд дор хаяж нэг мод тарьснаар:

 Нэг хүний жилийн хүчилтөрөгчийн хэрэгцээг хангана

Агаарын бохирдлыг бууруулна

Уур амьсгалын өөрчлөлтийг саармагжуулна

Байгаль орчинд эерэг өөрчлөлт авчирна

БИДНИЙ ТАРИХ ТЭРБУМ МОД ТАНЫ ТАРИХ НЭГ МОДНООС ЭХЭЛНЭ