Мэдээ

ИХ ЖАНЖИН Д.СҮХБААТАРЫН ХӨШӨӨНД ЦЭЦЭГ ӨРГӨЖ ХҮНДЭТГЭЛ ҮЗҮҮ

 Их жанжин Д.Сүхбаатарын мэндэлсний 133 жилийн ойг тохиолдуулан Сүхбаатар дүүргийн засаг даргын тамгын газар, цэргийн штабтай хамтран Жанжин Д.Сүхбаатарын нэрэмжит нийслэлийн ерөнхий боловсролын 2 дугаар сургуулийн урд байрлах Д.Сүхбаатарын хөшөөнд цэцэг өргөх ёслолын арга хэмжээг зохион байгууллаа.

Тус арга хэмжээнд Сүхбаатар дүүргийн Боловсролын хэлтсийн дарга, Д.Адъяасүрэн, Цэргийн штабын дарга, хурандаа Б.Болдбаяр, Нийслэлийн ерөнхий боловсролын 2 дугаар сургуулийн удирдлага, багш, сурагчид оролцлоо.

Төр нийгмийн зүтгэлтэн, гарамгай жанжин Д.Сүхбаатар нь 1893 оны 2 дугаар сарын 2-ны өдөр Маймаа хотноо Сэцэн хан аймгийн Ёст бэйс Доржжавын хошууны харьяат ард Дамдины гэрт төрсөн. 1921 оны 3 дугаар сарын 24-өөс 1922 оны 12 дугаар сар хүртэл Цэргийн яамны Тэргүүн сайдаар, 1921 оны 4 дүгээр сарын 10-аас 1923 оны 2 дугаар сар хүртэл Бүх цэргийн зөвлөлийн гишүүн, 1921 оны 2 дугаар сараас насан эцэс болтлоо Бүх цэргийн жанжны албыг тус тус хашиж байв.