Дотоодын цэргийн штаб
АНГИ, БАЙГУУЛЛАГЫН ҮЙЛ АЖИЛЛАГААГ ЕРӨНХИЙ БОЛОВСРОЛЫН СУРГУУЛИЙН СУРАГЧДАД СУРТАЛЧЛАН ТАНИУЛАВ
Өмнөговь аймгийн Цогтцэций сумын Ерөнхий боловсролын 1, 2 дугаар сургуулийн сурагчдад цэрэг-эх оронч үзэл төлөвшүүлэх, олон талт хамтын ажиллагааг өрнүүлэх зорилгоор цэргийн үлээвэр найрал хөгжимтэй угтах мэндчилгээ, Монгол Улсын төрийн дуулал, албанд хэрэглэгдэж буй галт зэвсэг, хүн нэг бүрийн тусгай хэрэгсэл, өдөр тутмын үйл ажиллагааны зурган цоморлогийн үзэсгэлэн танилцуулах ажил, арга хэмжээг энэ оны 03 дугаар сарын 12, 14-ний өдрүүдэд тус тус зохион байгууллаа.
Мөн 12 дугаар ангийн сурагчдад ирээдүйн мэргэжлээ сонгоход нь чиг баримжаа олгох зорилгоор цэргийн албаны онцлог, дотоодын цэргийн байгууллагын гүйцэтгэх чиг үүргийн талаар яриа, таниулга хийж танин мэдэхүйн асуулт, хариултын “АХА” хөгжөөнт тэмцээн зохион байгуулан эхний 3 байрт орсон сурагчдыг өргөмжлөл, дурсгалын зүйлээр шагнаж урамшуулав.
