АЛБА ХААГЧДАД ЦОЛ, ШАГНАЛ ГАРДУУЛЛАА
Монгол Улсад орчин цагийн Зэвсэгт хүчин үүсэж хөгжсөний 104 жил, “Монгол цэргийн өдөр”-ийг тохиолдуулан үндсэн чиг үүргээ нэр төртэйгөөр биелүүлж, идэвх зүтгэл үр бүтээл гарган ажилласан зарим алба хаагчдад өнөөдөр /2025.03.18/ цол, шагнал гардуулах арга хэмжээг зохион байгууллаа.
Арга хэмжээнд Дотоодын цэргийн штабын дарга, хурандаа М.Лувсандорж болон даргын зөвлөлийн гишүүд оролцлоо.
Энэхүү түүхэн өдрийг тохиолдуулан дотоодын цэргийн байгууллагын бие бүрэлдэхүүнээс Төрийн дээд шагналаар 10, Хууль зүй, дотоод хэргийн салбарын шагналаар 40, “Хурандаа” цолоор 2, бусад цолоор 50 алба хаагч шагнагдсан юм.
Та бүхэнд баяр хүргэж, ажлын амжилт хүсье
МОНГОЛ ТӨРИЙН ДОТООДЫН ЦЭРГИЙН СҮР ХҮЧ, СҮЛД ХИЙМОРЬ ҮЕИЙН ҮЕД МАНДАН БАДРАХ БОЛТУГАЙ