Дотоодын цэргийн штаб
"МОНГОЛ ЭМЭГТЭЙ ХУРАНДАА" номын нээлт боллоо
Төрийн цэргийн болон хууль сахиулах байгууллагын эмэгтэй алба хаагчдад "Хурандаа" цол олгосны 30 жилийн ойг тохиолдуулан "Монгол хурандаа" нийгэмлэгийн "Хурандаа эмэгтэйчүүд" салбар клубээс "Монгол эмэгтэй хурандаа" фото зургийн цомог бүтээж, нээлтийн арга хэмжээ өнөөдөр (2025.03.28) офицеруудын ордны их танхимд зохион байгуулагдлаа.
Энэхүү "Монгол эмэгтэй хурандаа" номд "Хурандаа" хэмээх эрхэм цолыг хүртсэн нийт 99 эмэгтэйчүүдийн хөрөг зургийг нь цол хүртсэн шийдвэр болон тэдний амьдралын замнал, дарга, удирдлага, гэр бүлийнхэн, найз нөхдийн сэтгэлийн үгийг нийтэлсэн байхаас гадна "Хурандаа эмэгтэйчүүд" салбар клубийн үйл ажиллагаа, хурандаа нарын сонирхолтой үзүүлэлтүүд, холбогдох баримт материал, гэрэл зургийг багтааснаараа онцлог бүтээл болжээ.
Арга хэмжээнд Дотоодын цэргийн штабын дарга, хурандаа М.Лувсандорж болон даргын зөвлөлийн гишүүдийн төлөөлөл, Хошууч генерал Ж.Болд болон төрийн цэргийн болон хууль сахиулах байгууллагын удирдлагын төлөөлөл, эмэгтэй хурандаа нар, алба хаагчид оролцлоо.
