100 жил
"ХУГАЦААТ ЦЭРГИЙН АЛБА ХААГЧИДТАЙ УУЛЗАЖ, ЧӨЛӨӨТ ЯРИА ӨРНҮҮЛЛЭЭ"
ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢᠳ ᠲᠠᠢ ᠠᠭᠤᠯᠵᠠᠵᠤ᠂ ᠴᠢᠯᠦᢉᠡᠲᠦ ᠶᠠᠷᠢᠶᠠ ᠥᠷᠨᠢᢉᠦᠯᠦᠯᠡ
ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠠ᠋ᠴᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ ᠪᠤᠢ “ᠶᠡᢈᠡ ᠵᠠᠩᠵᠤᠨ ᠳ᠂ᠰᠦᢈᠡᠪᠠᠭᠠᠲᠤᠷ ᠤ᠋ᠨ ᠮᠥᠷ ᠢ᠋ᠶᠡᠷ…” ᠠᠷᠭᠠ ᢈᠡᠮᠵᠢᠶᠡᠨ ᠦ᠋ ᢈᠦᠷᠢᠶᠡᠨ ᠳ᠋ᠦ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠠᠪᠤᠷᠭᠤ ᠣ᠂ᠬᠠᠩᠭᠠᠢ᠂ ᠤᠯᠤᠰ ᠤ᠋ᠨ ᠵᠠᠭᠠᠨ ᠪ᠂ᠪᠠᠲᠤ᠆ᠥᠯᠵᠡᠢ᠂ ᠤᠯᠤᠰ ᠤ᠋ᠨ ᠬᠠᠷᠴᠠᠭᠠ ᠭ᠂ᠠᠯᠲᠠᠨᢉᠡᠷᠡᠯ᠂ᠤᠯᠤᠰ ᠤ᠋ᠨ ᠬᠠᠷᠴᠠᠭᠠ ᠨ᠂ᠪᠠᠲᠤᠵᠠᠶᠠᠭᠠ᠂ ᠤᠯᠤᠰ ᠤ᠋ᠨ ᠨᠠᠴᠢᠨ ᠴ᠂ᠴᠣᠭᠪᠠᠶᠠᠷ ᠨᠠᠷ ᠤ᠋ᠨ ᠪᠥᢈᠡᠴᠦᠳ ᠪᠣᠯᠤᠨ ᠶᠡᢈᠡ ᠵᠠᠩᠵᠤᠨ ᠳ᠂ᠰᠦᢈᠡᠪᠠᠭᠠᠲᠤᠷ ᠤ᠋ᠨ ᠭᠤᠴᠢ ᠥᢈᠢᠨ ᠰ᠂ᠰᠦᢈᠡᠵᠢᠷᠭᠠᠯᠮᠠ᠂ ᠭᠤᠴᠢ ᢈᠦᠦ ᠵ᠂ᠬᠠᠶᠢᠳᠠᠷ ᠨᠠᠷ ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢᠳ ᠲᠠᠢ ᠠᠭᠤᠯᠵᠠᠵᠤ᠂ ᠴᠢᠯᠦᢉᠡᠲᠦ ᠶᠠᠷᠢᠶᠠ ᠥᠷᠨᠢᢉᠦᠯᠦᠯᠡ᠃ ᠠᠭᠤᠯᠵᠠᠯᠲᠠ ᠶ᠋ᠢᠨ ᠦᠶᠡ ᠪᠡᠷ ᠲᠡᠳᠡ ᠶᠡᢈᠡ ᠵᠠᠩᠵᠤᠨ ᠳ᠂ᠰᠦᢈᠡᠪᠠᠭᠠᠲᠤᠷ ᠤ᠋ᠨ ᠲᠡᠦᢈᠡᠨ ᠭᠠᠪᠢᠶᠠ᠂ᠦᠶᠢᠯᠡ ᢈᠡᠷᠡᢉ ᠦ᠋ᠨ ᠲᠤᠬᠠᠢ ᠣᠶᠢᠯᠠᠭᠠᠯᠲᠠ ᠥᢉᢈᠦ ᠡᠴᠡ ᠭᠠᠳᠠᠨᠠ ᠮᠣᠩᠭᠣᠯ ᠡᠷᠡ ᢈᠦᠮᠦᠨ ᠦ᠋ ᠶᠣᠰᠤ ᠵᠤᠳᠠᠭ᠂ᠲᠡᠰᠪᠦᠷᠢ ᠬᠠᠲᠠᠭᠤᠵᠢᠯ᠂ ᠵᠣᠷᠢᠯᠭᠠ ᠳ᠋ᠤ ᠪᠠᠨ ᠦᠨᠡᠨᠴᠢ ᠪᠠᠶᠢᠬᠤ ᠵᠠᠩ ᠴᠢᠨᠠᠷ᠂ ᠡᢈᠡ ᠣᠷᠤᠨ ᠤ᠋ ᠪᠠᠨ ᠡᠮᠦᠨᠡ ᢈᠦᠯᠢᠶᠡᢉᠰᠡᠨ ᠡᢉᠦᠷᢉᠡᠲᠦ ᠠᠯᠪᠠ ᠪᠠᠨ ᠨᠡᠷᠡ ᠲᠥᠷᠦᠲᠡᠢ᠂ ᠪᠠᠬᠠᠷᠬᠠᠯᠲᠠᠢ ᠬᠠᠭᠠᠬᠤ ᠶ᠋ᠢᠨ ᠤᠳᠬᠠ ᠤᠴᠢᠷ ᠢ᠋ ᠥᠪᠡᠷ ᠦ᠋ᠨ ᠠᠮᠢᠳᠤᠷᠠᠯ᠂ ᠰᠫᠣᠷᠲ ᠤ᠋ᠨ ᠵᠠᠮᠨᠠᠯ ᠠ᠋ᠴᠠ ᠵᠢᠱᠢᠶᠡ ᠲᠠᠲᠠᠨ ᠥᢉᠦᠯᠡᠪᠡ᠃ ᠪᠠᠶᠢᠯᠳᠤᠭᠴᠢ ᠨᠠᠷ ᠰᠣᠨᠢᠷᠬᠠᠭᠰᠠᠨ ᠠᠰᠠᠭᠤᠯᠲᠠ ᠪᠠᠨ ᠴᠢᠯᠦᢉᠡᠲᠡᠢ ᠠᠰᠠᠭᠤᠵᠤ᠂ ᠤᠷᠮᠠ ᠵᠣᠷᠢᠭ᠂ ᠢᠲᠡᢉᠡᠯ ᠨᠠᠶᠢᠳᠠᠪᠤᠷᠢ ᠳᠦᢉᠦᠷᠡᠩ ᠳᠤᠯᠠᠭᠠᠨ ᠶᠠᠷᠢᠶᠠ ᠥᠷᠨᠢᢉᠦᠯᠦᢉᠰᠡᠨ ᠨᠢ ᠵᠠᠯᠠᠭᠤ ᠴᠡᠷᠢᢉ ᠦ᠋ᠳ ᠲᠦ ᠪᠣᠳᠠᠲᠤ ᠤᠷᠮᠠ ᠥᢉᢉᠦᢉᠰᠡᠨ ᠠᠴᠢ ᠬᠣᠯᠪᠤᠭᠳᠠᠯᠲᠠᠢ ᠠᠭᠤᠯᠵᠠᠯᠲᠠ ᠪᠣᠯᠤᠯᠠ᠃
Дотоодын цэргийн байгууллагаас зохион байгуулж буй “Их Жанжин Д.Сүхбаатарын мөрөөр…” арга хэмжээний хүрээнд Монгол Улсын аварга О.Хангай, Улсын заан Б.Бат-Өлзий, Улсын харцага Г.Алтангэрэл, Улсын харцага Н.Батзаяа, Улсын начин Ч.Цогбаяр нарын бөхчүүд болон Их Жанжин Д.Сүхбаатарын гуч охин С.Сүхжаргалмаа, гуч хүү З.Хайдар нар хугацаат цэргийн алба хаагчидтай уулзаж, чөлөөт яриа өрнүүллээ.
Уулзалтын үеэр тэд Их Жанжин Д.Сүхбаатарын түүхэн гавьяа, үйл хэргийн тухай ойлголт өгөхөөс гадна Монгол эр хүний ёс жудаг, тэсвэр хатуужил, зорилгодоо үнэнч байх зан чанар, эх орныхоо өмнө хүлээсэн үүрэгт албаа нэр төртэй, бахархалтай хаахын утга учрыг өөрийн амьдрал, спортын замналаас жишээ татан өгүүлэв.
Байлдагч нар сонирхсон асуултаа чөлөөтэй асууж, урам зориг, итгэл найдвар дүүрэн дулаан яриа өрнүүлсэн нь залуу цэргүүдэд бодит урам өгсөн ач холбогдолтой уулзалт боллоо.
