100 жил
"ДОТООДЫН ЦЭРГИЙН БАЙГУУЛЛАГЫН ТҮРҮҮЧ, БАГА ДАРГА НАРЫГ ЧАДАВХЖУУЛАХ СУРГАЛТ ЭХЭЛЛЭЭ"
ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠲᠦᠷᠦᢉᠦᠴᠢ᠂ ᠪᠠᠭᠠ ᠳᠠᠷᠤᠭᠠ ᠨᠠᠷ ᠢ᠋ ᠴᠢᠳᠠᠪᢈᠢᠵᠢᠭᠤᠯᠬᠤ ᠰᠤᠷᠭᠠᠯᠲᠠ ᠡᢈᠢᠯᠡᠯᠡ
ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠳ᠋ᠤ ᠒᠐᠒᠕ ᠣᠨ ᠤ᠋ ᠨᠢᢉᠡ᠂ᠬᠣᠶᠠᠳᠤᠭᠠᠷ ᠡᢉᠡᠯᠵᠢ ᠪᠡᠷ ᠲᠠᠲᠠᠭᠳᠠᠨ ᠢᠷᠡᢉᠰᠡᠨ ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢᠳ ᠲᠤ ᠲᠡᠷᠡ ᠳᠤᠮᠳᠠ ᠪᠠᠨ ᠲᠦᠷᠦᢉᠦᠴᠢ᠂ᠪᠠᠭᠠ ᠳᠠᠷᠤᠭᠠ ᠨᠠᠷ ᠢ᠋ ᠴᠢᠳᠠᠪᢈᠢᠵᠢᠭᠤᠯᠬᠤ ᠰᠤᠷᠭᠠᠯᠲᠠ ᠥᠨᠦᠳᠦᠷ ᠡᠴᠡ ᠡᢈᠢᠯᠡᠵᠦ ᠪᠠᠶᠢᠭᠠ ᠪᠥᢉᠡᠳ ᠡᠨᠡ ᠣᠨ ᠤ᠋ ᠐᠒ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠐᠒᠂᠐᠓᠂᠐᠔᠆ᠶ᠋ᠢᠨ ᠡᠳᠦᠷ ᠦ᠋ᠳ ᠲᠦ ᠣᠨᠤᠯ᠂ ᠳᠠᠳᠤᠯᠭᠠ ᠶ᠋ᠢᠨ ᢈᠡᠯᠪᠡᠷᠢ ᠪᠡᠷ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠬᠤ ᠶᠤᠮ᠃ ᠡᠨᠡ ᢈᠦ ᠰᠤᠷᠭᠠᠯᠲᠠ ᠪᠠᠷ ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠰᠠᢈᠢᠯᠭᠠ᠂ᠬᠠᠷᠢᠭᠤᠴᠠᠯᠭᠠ᠂ ᢈᠦᠮᠦᠨᠯᠢᢉ᠂ ᠵᠥᠪ ᠪᠣᠯᠪᠠᠰᠤᠨ ᠬᠠᠷᠢᠯᠴᠠᠭᠠ᠂ ᠬᠠᠨᠳᠤᠯᠭᠠ᠂ᠶᠣᠰᠤ ᠵᠦᠢ ᠶ᠋ᠢ ᠳᠡᢉᠡᢉᠰᠢᠯᠡᢉᠦᠯᢈᠦ᠂ ᢈᠦᠮᠦᠨ ᠦ᠋ ᠡᠷᢈᠡ ᠶ᠋ᠢᠨ ᠲᠤᠬᠠᠢ ᠣᠶᠢᠯᠠᠭᠠᠯᠲᠠ᠂ ᢉᠡᠮᠲᠦ ᢈᠡᠷᠡᢉ᠂ᠵᠥᠷᠢᠴᠡᠯ ᠳ᠋ᠦ ᠬᠣᠯᠪᠤᠭᠳᠠᠬᠤ ᠠ᠋ᠴᠠ ᠤᠷᠢᠳᠴᠢᠯᠠᠨ ᠰᠡᠷᢉᠡᠶᠢᠯᠡᢈᠦ᠂ ᠤᠳᠤᠷᠢᠳᠬᠤ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢ ᠲᠥᠯᠦᠪᠰᠢᢉᠦᠯᢈᠦ᠂ᠡᠳᠦᠷ ᠲᠤᠲᠤᠮ ᠤ᠋ᠨ ᠴᠠᠭ ᠤ᠋ᠨ ᠬᠤᠪᠢᠶᠠᠷᠢᠲᠤ ᠦᠶᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠴᠡᠷᠢᢉ ᠦ᠋ᠨ ᠨᠡᠶᠢᠲᠡᠯᠢᢉ ᠳᠦᠷᠢᠮ ᠦ᠋ᠳ᠂ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠳ᠋ᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠶ᠋ᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠵᠢᠭᠠᠪᠤᠷᠢ ᠶ᠋ᠢᠨ ᢈᠦᠷᠢᠶᠡᠨ ᠳ᠋ᠦ ᠲᠥᠯᠦᠪᠯᠡᠨ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠮᠡᠳᠡᠯᢉᠡ᠂ ᠳᠠᠳᠤᠯᠭᠠ᠂ ᠤᠷᠠ ᠴᠢᠳᠠᠪᠤᠷᠢ ᠰᠠᠭᠤᠯᠭᠠᠬᠤ ᠵᠣᠷᠢᠯᠭᠠ ᠲᠠᠢ ᠶᠤᠮ᠃ ᠥᠨᠦᠳᠦᠷ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ ᠠᠰᠠᠨ ᠪᠷᠢᠭᠠᠳ᠋ ᠤ᠋ᠨ ᢉᠧᠨᠧᠷᠠᠯ ᠲ᠂ᢈᠦᠷᠡᠯᠪᠠᠭᠠᠲᠤᠷ «ᠴᠡᠷᠢᢉ ᠦ᠋ᠨ ᠠᠯᠪᠠᠨ ᠳ᠋ᠤ ᠪᠠᠭᠠ ᠳᠠᠷᠤᠭᠠ ᠨᠠᠷ ᠤ᠋ᠨ ᠡᢉᠦᠷᢉᠡ᠂ᠣᠷᠤᠯᠴᠠᠭᠠ︽ ᠰᠡᠳᠦᠪ ᠢ᠋ᠶᠡᠷ᠂ ᠦᠶᠢᠯᠡᠴᠢᠯᠡᢉᠡᠨ ᠦ᠋ ᠭᠠᠪᠢᠶᠠᠲᠤ ᠠᠵᠢᠯᠲᠠᠨ᠂ ᠴᠠᠭᠳᠠᠭᠠ ᠶ᠋ᠢᠨ ᠬᠤᠷᠠᠩᠳᠠ ᠪ᠂ᠡᠷᠳᠡᠨᠢᠨᠣᠮ ︽ᠥᠪᠡᠷ ᠦ᠋ᠨ ᠠᠵᠢᠯ ᠠᠮᠢᠳᠤᠷᠠᠯ ᠤ᠋ᠨ ᠵᠠᠮᠨᠠᠯ ᠤ᠋ᠨ ᠲᠠᠯᠠᠭᠠᠷᢈᠢ ᠶᠠᠷᠢᠯᠴᠠᠯᠭᠠ", ᠦᠨᠳᠦᠰᠦᠨ ᠦ᠋ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠬᠤ ᠶ᠋ᠢᠨ ᠶᠡᢈᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠠᠬᠠᠯᠠᠭᠴᠢ ᠪᠥᢉᠡᠳ ᠠᠬᠠᠯᠠᠭᠴᠢ ᠶ᠋ᠢᠨ ᠫᠣᠯᠢᠲ᠋ᠧᢈᠨᠢᠻ ᠦ᠋ᠨ ᠻᠣᠯᠯᠧᠵᠢ ᠶ᠋ᠢᠨ ᠵᠠᢈᠢᠷᠤᠯ᠂ᠲᠡᠷᠢᢉᠦᠨ ᠠᠬᠠᠯᠠᠭᠴᠢ ᠪ᠂ᠮᠦᠩᢈᠡᠪᠠᠶᠠᠷ «ᠴᠡᠷᠢᢉ ᠦ᠋ᠨ ᠠᠯᠪᠠ᠆ᠬᠠᠷᠢᠯᠴᠠᠭᠠ ᠬᠠᠨᠳᠤᠯᠭᠠ» ᠰᠡᠳᠦᠪ ᠢ᠋ᠶᠡᠷ ᠲᠤᠰ ᠲᠤᠰ ᠰᠤᠷᠭᠠᠯᠲᠠ ᠶ᠋ᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ ᠪᠠᠶᠢᠨᠠ᠃
Дотоодын цэргийн байгууллагад 2025 оны нэг, хоёрдугаар ээлжээр татагдан ирсэн хугацаат цэргийн алба хаагчдад тэр дундаа түрүүч, бага дарга нарыг чадавхжуулах сургалт өнөөдрөөс эхэлж байгаа бөгөөд энэ оны 02 дугаар сарын 02,03,04-ний өдрүүдэд онол, дадлагын хэлбэрээр зохион байгуулагдах юм.
Энэхүү сургалтаар хугацаат цэргийн алба хаагчдын сахилга, хариуцлага, хүнлэг, зөв боловсон харилцаа, хандлага, ёс зүйг дээшлүүлэх, хүний эрхийн тухай ойлголт, гэмт хэрэг, зөрчилд холбогдохоос урьдчилан сэргийлэх, удирдах ур чадварыг төлөвшүүлэх, өдөр тутмын цагийн хуваарьт үйл ажиллагааг Монгол Улсын цэргийн нийтлэг дүрмүүд, Дотоодын цэргийн байгууллагад цэргийн албыг зохион байгуулах зааврын хүрээнд төлөвлөн зохион байгуулах мэдлэг, дадлага, ур чадвар суулгах зорилготой юм.
Өнөөдөр Дотоодын цэргийн штабын дарга асан бригадын генерал Т.Хүрэлбаатар "Цэргийн албанд бага дарга нарын үүрэг, оролцоо" сэдвээр, Үйлчилгээний гавьяат ажилтан, цагдаагийн хурандаа Б.Эрдэнэном "Өөрийн ажил амьдралын замналын талаарх ярилцлага", Үндэсний батлан хамгаалахын их сургуулийн ахлагч бөгөөд Ахлагчийн политехникийн коллежийн захирал, тэргүүн ахлагч Б.Мөнхбаяр "Цэргийн алба-харилцаа хандлага" сэдвээр тус тус сургалтыг зохион байгуулж байна.
