100 жил
"БИЕИЙН ХҮЧ, ТУСГАЙ ХЭРЭГСЛИЙН СУРГАГЧ БАГШ БЭЛТГЭХ СУРГАЛТЫН НЭЭЛТИЙН АРГА ХЭМЖЭЭ БОЛЛОО"
ᠪᠡᠶᠡ ᠶ᠋ᠢᠨ ᢈᠦᠴᠦ᠂ ᠲᠤᠰᠬᠠᠢ ᢈᠡᠷᠡᢉᠰᠡᠯ ᠦ᠋ᠨ ᠰᠤᠷᠭᠠᠭᠴᠢ ᠪᠠᠭᠰᠢ ᠪᠡᠯᠡᠳᢈᠡᢈᠦ ᠰᠤᠷᠭᠠᠯᠲᠠ ᠶ᠋ᠢᠨ ᠨᠡᢉᠡᢉᠡᠯᠲᠡ ᠶ᠋ᠢᠨ ᠠᠷᠭᠠ ᢈᠡᠮᠵᠢᠶᠡ ᠪᠣᠯᠤᠯᠠ
ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠪᠡᠶᠡ ᠶ᠋ᠢᠨ ᢈᠦᠴᠦ᠂ᠲᠤᠰᠬᠠᠢ ᢈᠡᠷᠡᢉᠰᠡᠯ ᢈᠡᠷᠡᢉᠯᠡᢈᠦ ᠮᠡᠳᠡᠯᢉᠡ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢ ᠳᠡᢉᠡᢉᠰᠢᠯᠡᢉᠦᠯᢈᠦ᠂ᠰᠤᠷᠭᠠᠭᠴᠢ ᠪᠠᠭᠰᠢ ᠪᠡᠯᠡᠳᢈᠡᢈᠦ ᠵᠣᠷᠢᠯᠭᠠ ᠪᠠᠷ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ᠂ᠮᠣᠩᠭᠣᠯ ᠤ᠋ᠨ ᠭᠠᠷᠳᠠᠨ ᠲᠤᠯᠤᠭᠠᠨ ᠤ᠋ ᠬᠣᠯᠪᠤᠭᠠ ᠲᠠᠢ ᠬᠠᠮᠲᠤᠷᠠᠨ ᠰᠤᠷᠭᠠᠯᠲᠠ ᠶ᠋ᠢᠨ ᠨᠡᢉᠡᢉᠡᠯᠲᠡ ᠶ᠋ᠢᠨ ᠠᠷᠭᠠ ᢈᠡᠮᠵᠢᠶᠡ ᠶ᠋ᠢ ᠥᠨᠦᠳᠦᠷ /᠒᠐᠒᠖᠂᠐᠒᠂᠐᠔/ ᠴᠡ᠂ᠶᠡ᠂ᢉᠡ᠆ᠶ᠋ᠢᠨ «ᢈᠦᠴᠦ» ᠠᠯᠪᠠᠨ ᠤ᠋ ᠪᠡᠯᠡᠳᢈᠡᠯᠵᠢᠯᠲᠡ ᠶ᠋ᠢᠨ ᠽᠠᠯ ᠳ᠋ᠤ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠯᠠ᠃ ᠰᠤᠷᠭᠠᠯᠲᠠ ᠶ᠋ᠢᠨ ᠨᠡᢉᠡᢉᠡᠯᠲᠡ ᠳ᠋ᠦ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ᠂ ᠬᠤᠷᠠᠩᠳᠠ ᠨ᠂ᡀᠠᠭᠪᠠᠰᠠᠶᠢᠬᠠᠨ᠂ ᠳᠣᠲᠤᠭᠠᠳᠤ ᢈᠡᠷᠡᢉ ᠦ᠋ᠨ ᠶᠡᢈᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠠᠯᠪᠠᠨ ᠤ᠋ ᠪᠡᠯᠡᠳᢈᠡᠯ ᠦ᠋ᠨ ᠢᠨ᠋ᠰᠲ᠋ᠢᠲ᠋ᠦ᠋ᠲ ᠦ᠋ᠨ ᠠᠬᠠᠯᠠᠬᠤ ᠪᠠᠭᠰᠢ᠂ᠳᠡᠳ᠋ ᠬᠤᠷᠠᠩᠳᠠ᠂ ᠮᠣᠩᠭᠣᠯ ᠤ᠋ᠨ ᠭᠠᠷᠳᠠᠨ ᠲᠤᠯᠤᠭᠠᠨ ᠤ᠋ ᠬᠣᠯᠪᠤᠭᠠᠨ ᠤ᠋ ᠲᠡᠷᠢᢉᠦᠨ᠂ᠣᠯᠠᠨ ᠤᠯᠤᠰ ᠤ᠋ᠨ ᢈᠡᠮᠵᠢᠶᠡᠨ ᠦ᠋ ᠮᠠᠰᠲ᠋ᠧᠷ ᠬᠠᠷᠠ ᠪᠦᠰᠡ ᠶ᠋ᠢᠨ ᠡᠵᠡᠨ ᠬᠠ᠂ᠣᠨᠠᠯᠪᠧᠻ᠂ᠮᠣᠩᠭᠣᠯ ᠤ᠋ᠨ ᠭᠠᠷᠳᠠᠨ ᠲᠤᠯᠤᠭᠠᠨ ᠤ᠋ ᠰᠠᠯᠪᠤᠷᠢ ᠡ᠂ᠵᠠ ᠳᠡᠪᠵᠢᠶᠡᠨ ᠦ᠋ ᠵᠠᢈᠢᠷᠤᠯ᠂ᠣᠯᠠᠨ ᠤᠯᠤᠰ ᠤ᠋ᠨ ᢈᠡᠮᠵᠢᠶᠡᠨ ᠦ᠋ ᠮᠠᠰᠲ᠋ᠧᠷ᠂ ᠬᠠᠷᠠ ᠪᠦᠰᠡ ᠶ᠋ᠢᠨ ᠡᠵᠡᠨ ᠰ᠂ᠡᠩᢈᠡᠰᠠᠶᠢᠬᠠᠨ᠂ ᠥᠮᠦᢉᠡᠯᠡᢉᠴᠢ ᠠᠻᠠᠳᠧᠮᠢ ᠶ᠋ᠢᠨ ᠵᠠᢈᠢᠷᠤᠯ᠂ ᠮᠣᠩᠭᠣᠯ ᠤ᠋ᠨ ᠭᠠᠷᠳᠠᠨ ᠲᠤᠯᠤᠭᠠᠨ ᠤ᠋ ᠬᠣᠯᠪᠤᠭᠠᠨ ᠤ᠋ ᠤᠳᠤᠷᠢᠳᠬᠤ ᠵᠥᠪᠯᠡᠯ ᠦ᠋ᠨ ᢉᠡᠰᠢᢉᠦᠨ᠂ᠰᠫᠣᠷᠲ ᠤ᠋ᠨ ᠮᠠᠰᠲ᠋ᠧᠷ ᠪ᠂ᠪᠠᠲᠤ᠆ᠢᠷᠦᢉᠡᠯᠲᠦ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ ᠶ᠋ᠢᠨ ᠵᠥᠪᠯᠡᠯ ᠦ᠋ᠨ ᢉᠡᠰᠢᢉᠦᠳ᠂ ᠱᠲ᠋ᠠᠪ᠂ ᠠᠩᢉᠢ᠂ ᠲᠤᠰᠬᠠᠢ ᠰᠠᠯᠪᠤᠷᠢ ᠶ᠋ᠢᠨ ᠑᠕᠐ ᠭᠠᠷᠤᠢ ᠠᠯᠪᠠ ᠬᠠᠭᠠᠭᠴᠢᠳ ᠣᠷᠤᠯᠴᠠᠯᠠ᠃ ᠴᠠᠭᠳᠠᠭᠠ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠬᠠᠤᠯᠢ ᠪᠠᠷ ᢈᠦᠯᠢᠶᠡᢉᠰᠡᠨ ᠨᠡᠶᠢᠲᠡ ᠶ᠋ᠢᠨ ᢈᠡᠪ ᠵᠢᠷᠤᠮ ᠰᠠᢈᠢᠭᠤᠯᠬᠤ᠂ᠣᠯᠠᠨ ᠨᠡᠶᠢᠲᠡ ᠶ᠋ᠢᠨ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠬᠤ᠂ ᠤᠯᠤᠰ ᠤ᠋ᠨ ᠣᠨᠴᠠ ᠴᠢᠬᠤᠯᠠ ᠣᠪᠶᠧᠻᠲ ᠢ᠋ ᠬᠠᠮᠠᠭᠠᠯᠠᠬᠤ ᠦᠶᠡ ᠳ᠋ᠦ ᠥᠪᠡᠷ ᠦ᠋ᠨ ᠪᠣᠯᠤᠨ ᠬᠠᠮᠲᠤᠷᠠᠭᠴᠢ ᠶ᠋ᠢᠨ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠬᠤ᠂ ᠪᠡᠶᠡ ᠬᠠᠮᠠᠭᠠᠯᠠᠬᠤ ᠤᠷᠠᠯᠢᠭ ᠤ᠋ᠨ ᠴᠢᢉᠯᠡᠯ ᠪᠣᠯ ᠡᢈᠡ ᠣᠷᠤᠨ᠂ ᠠᠷᠠᠳ ᠲᠦᠮᠡᠨ ᠢ᠋ᠶᠡᠨ ᠬᠠᠮᠠᠭᠠᠯᠠᠬᠤ ᠶᠤᠮ᠃ ᠪᠡᠶᠡ ᠬᠠᠮᠠᠭᠠᠯᠠᠬᠤ ᠤᠷᠠᠯᠢᠭ ᠢ᠋ᠶᠠᠷ ᢈᠢᠴᠢᠶᠡᠯᠯᠡᠵᠦ ᠡᢈᠢᠯᠡᢉᠰᠡᠨ ᠢ᠋ᠶᠡᠷ ᠪᠡᠶᠡ ᠶ᠋ᠢᠨ ᢈᠦᠴᠦ᠂ᠲᠤᠰᠬᠠᠢ ᢈᠡᠷᠡᢉᠰᠡᠯ ᢈᠡᠷᠡᢉᠯᠡᢈᠦ ᠮᠡᠳᠡᠯᢉᠡ᠂ ᠤᠷᠠ ᠴᠢᠳᠠᠪᠤᠷᠢᠲᠠᠢ᠂ ᠰᠠᢈᠢᠯᠭᠠ ᠪᠠᠲᠤ᠂ ᠬᠠᠷᠢᠭᠤᠴᠠᠯᠭᠠᠲᠠᠢ᠂ ᠰᠡᠳᢈᠢᠯ ᠵᠦᠢ ᠶ᠋ᠢᠨ ᠪᠡᠯᠡᠳᢈᠡᠯᠲᠡᠢ᠂ ᠵᠥᠪ ᠬᠠᠨᠳᠤᠯᠭᠠ᠂ ᠵᠥᠪ ᠠᠷᠭᠠ ᠪᠠᠷᠢᠯ᠂ ᠵᠥᠪ ᠰᠢᠢᠳᠪᠦᠷᠢ ᠭᠠᠷᠭᠠᠬᠤ ᠤᠷᠠ ᠴᠢᠳᠠᠪᠤᠷᠢᠲᠠᠢ ᠠᠯᠪᠠ ᠬᠠᠭᠠᠭᠴᠢ ᠪᠤᠢ ᠪᠣᠯᠳᠠᠭ ᠢ᠋ᠶᠠᠷ ᠢ᠋ᠶᠠᠨ ᠣᠨᠴᠠᠯᠢᠭ ᠶᠤᠮ᠃
Дотоодын цэргийн байгууллагын алба хаагчдын биеийн хүч, тусгай хэрэгсэл хэрэглэх мэдлэг ур чадварыг дээшлүүлэх, сургагч багш бэлтгэх зорилгоор Дотоодын цэргийн штаб, Монголын гардан тулааны холбоотой хамтран сургалтын нээлтийн арга хэмжээг өнөөдөр /2026.02.04/ ЦЕГ-ын "ХҮЧ" албаны бэлтгэлжилтийн зааланд зохион байгуулагдлаа.
Сургалтын нээлтэд Дотоодын цэргийн штабын дарга, хурандаа Н.Лхагвасайхан, Дотоод хэргийн их сургуулийн Биеийн тамир, албаны бэлтгэлийн институтийн ахлах багш, дэд хурандаа, Монголын гардан тулааны холбооны тэргүүн, олон улсын хэмжээний мастер хар бүсийн эзэн Х.Оналбек, Монголын Гардан тулааны салбар ЭЗО дэвжээний захирал, олон улсын хэмжээний мастер, хар бүсийн эзэн С.Энхсайхан, Өмгөөлөгч академийн захирал, Монголын гардан тулааны холбооны удирдах зөвлөлийн гишүүн, спортын мастер Б.Бат-Ерөөлт, дотоодын цэргийн штабын даргын зөвлөлийн гишүүд, штаб, анги, тусгай салбарын 150 гаруй алба хаагчид оролцлоо.
Цагдаа, дотоодын цэргийн байгууллагын алба хаагчдын хуулиар хүлээсэн нийтийн хэв журам сахиулах, олон нийтийн аюулгүй байдлыг хангах, улсын онц чухал объектыг хамгаалах үед өөрийн болон хамтрагчийн аюулгүй байдлыг хангах, бие хамгаалах урлагийн чиглэл бол эх орон, ард түмнээ хамгаалах юм.
Бие хамгаалах урлагаар хичээллэж эхэлснээр биеийн хүч, тусгай хэрэгсэл хэрэглэх мэдлэг, ур чадвартай, сахилга бат, хариуцлагатай, сэтгэл зүйн бэлтгэлтэй, зөв хандлага, зөв арга барил, зөв шийдвэр гаргах ур чадвартай алба хаагч бий болдгоороо онцлог юм.
