100 жил
Дотоодын цэргийн 05, 805, 810 дугаар анги, 837 дугаар тусгай салбарын цэргийн ротын офицер, ахлагч бүрэлдэхүүнд сургалт зохион байгуулж байна.
ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠐᠕᠂ ᠘᠐᠕᠂ ᠘᠑᠐ ᠳ᠋ᠤᠭᠠᠷ ᠠᠩᢉᠢ᠂ ᠘᠓᠗ ᠳ᠋ᠤᠭᠠᠷ ᠲᠤᠰᠬᠠᠢ ᠰᠠᠯᠪᠤᠷᠢ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠷᠣᠲ ᠤ᠋ᠨ ᠣᠹᠢᠼᠧᠷ᠂ᠠᠬᠠᠯᠠᠭᠴᠢ ᠪᠦᠷᠢᠯᠳᠦᢈᠦᠨ ᠳ᠋ᠦ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠴᠡᠷᠢᢉ ᠦ᠋ᠨ ᠨᠡᠶᠢᠲᠡᠯᠢᢉ ᠳᠦᠷᠢᠮ ᠢ᠋ ᢈᠡᠷᠡᢉᠵᠢᢉᠦᠯᢈᠦ᠂ᠴᠡᠷᠢᢉ ᠦ᠋ᠨ ᠠᠯᠪᠠ ᠶ᠋ᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ᠂ ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢ ᠲᠠᠢ ᠬᠠᠷᠢᠴᠠᠬᠤ ᠮᠡᠳᠡᠯᢉᠡ᠂ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢ ᠳᠡᢉᠡᢉᠰᠢᠯᠡᢉᠦᠯᢈᠦ ᠵᠣᠷᠢᠯᠭᠠ ᠪᠠᠷ ᠰᠤᠷᠭᠠᠯᠲᠠ ᠶ᠋ᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ ᠪᠠᠶᠢᠨᠠ᠃ ᠥᠨᠦᠳᠦᠷ «ᠲᠥᠷᠦ ᠶ᠋ᠢᠨ ᠠᠯᠪᠠ ᠬᠠᠭᠠᠭᠴᠢ ᠶ᠋ᠢᠨ ᠶᠣᠰᠤ ᠵᠦᠢ ᠶ᠋ᠢᠨ ᠵᠠᠷᠴᠢᠮ᠂ ᢈᠦᠮᠦᠨ ᠦ᠋ ᠡᠷᢈᠡ ᠶ᠋ᠢᠨ ᠲᠠᠯᠠᠭᠠᠷᢈᠢ ᠣᠶᠢᠯᠠᠭᠠᠯᠲᠠ«, ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠰᠰᢉᠡᠾ᠆ᠶ᠋ᠢᠨ ᠳᠠᠷᠤᠭᠠ᠂ ᠬᠤᠷᠠᠩᠳᠠ ᠬᠠ᠂ᠨᠠᠷᠠᠨᠪᠠᠭᠠᠲᠤᠷ᠂︽ᠣᠹᠢᠼᠧᠷ᠂ ᠠᠬᠠᠯᠠᠭᠴᠢ ᠪᠦᠷᠢᠯᠳᠦᢈᠦᠨ ᠦ᠋ ᠶᠣᠰᠤ ᠵᠦᠢ᠂ ᠠᠩᠬᠠᠷᠬᠤ ᠠᠰᠠᠭᠤᠳᠠᠯ», ᠴᠡ᠂ᠶᠡ᠂ᢉᠡ᠆ᠶ᠋ᠢᠨ ᠡᠷᠦᠰᠳᠡᠯ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠤ᠋ᠨ ᢈᠡᠯᠲᠡᠰ ᠦ᠋ᠨ ᠠᠬᠠᠯᠠᠬᠤ ᠪᠠᠶᠢᠴᠠᠭᠠᠭᠴᠢ ᠴᠠᠭᠳᠠᠭᠠ ᠶ᠋ᠢᠨ ᠬᠤᠷᠠᠩᠳᠠ ᠻ᠂ ᠨᠢᠮᠠᠳᠠᠸᠠ᠂︽ᢈᠦᠮᠦᠨ ᠪᠠᠶᠢᠬᠤ᠂ ᢈᠦᠮᠦᠨᠯᠢᢉ ᠶᠣᠰᠤᠨ ᠤ᠋ ᠣᠶᠢᠯᠠᠭᠠᠯᠲᠠ«,ᠰᠤᠷᠭᠠᠭᠴᠢ ᠪᠠᠭᠰᠢ ᠨᠠ᠂ᠪᠢᠮᠪᠠᠵᠢᠷᠭᠠᠯ᠂ ︽ᢈᠢᠮᠡᠯ ᠣᠶᠤᠨ ᠤᠬᠠᠭᠠᠨ ᠤ᠋ ᠣᠶᠢᠯᠠᠭᠠᠯᠲᠠ᠂ ᠴᠠᠭᠳᠠᠭᠠ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠳ᠋ᠤ ᠠᠰᠢᠭᠯᠠᠵᠤ ᠪᠠᠶᠢᠭᠠ ᠳᠡᠪᠰᠢᠯᠲᠡᠲᠦ ᠲᠧᢈᠨᠣᠯᠣᢉᠢ», ᠴᠠᠭᠳᠠᠭᠠ ᠶ᠋ᠢᠨ ᠶᠡᠷᠦᠩᢈᠡᠢ ᠭᠠᠵᠠᠷ ᠤ᠋ᠨ ᠰᠲ᠋ᠷᠠᠲ᠋ᠧᢉᠢ᠂ ᠪᠣᠳᠤᠯᠭᠠ᠂ ᠢᠨ᠋᠊ᠨᠣᠸᠠᠼ ᢈᠥᢉᠵᠢᠯ ᠦ᠋ᠨ ᠠᠯᠪᠠᠨ ᠤ᠋ ᠠᠬᠠᠯᠠᠬᠤ ᠮᠡᠷᢉᠡᠵᠢᠯᠲᠡᠨ᠂ ᠴᠠᠭᠳᠠᠭᠠ ᠶ᠋ᠢᠨ ᠠᠬᠠᠯᠠᠬᠤ ᠳᠡᠰᠯᠡᢉᠴᠢ ᠤ᠂ᠮᠦᠩᢈᠡᠰᠣᠶᠤᠮᠪᠤ ᠨᠠᠷ ᠲᠤᠰ ᠲᠤᠰ ᠰᠡᠳᠦᠪ ᠢ᠋ᠶᠡᠷ ᠰᠤᠷᠭᠠᠯᠲᠠ ᠶ᠋ᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ᠃ ᠡᠨᠡ ᢈᠦ ᠰᠤᠷᠭᠠᠯᠲᠠ ᠳ᠋ᠤ ᠬᠠᠮᠤᠷᠤᠭᠳᠠᠭᠰᠠᠨ ᠢ᠋ᠶᠠᠷ ᢈᠦᠮᠦᠨ ᠦ᠋ ᠡᠷᢈᠡ ᠶ᠋ᠢᠨ ᠲᠤᠬᠠᠢ ᠣᠶᠢᠯᠠᠭᠠᠯᠲᠠ᠂ᠴᠡᠷᠢᢉ ᠦ᠋ᠨ ᢉᠡᠮᠲᠦ ᢈᠡᠷᠡᢉ᠂ ᢈᠦᠮᠦᠨ ᠪᠠᠶᠢᠬᠤ ᠲᠤᠬᠠᠢ ᢈᠦᠮᠦᠨᠯᠢᢉ ᠶᠣᠰᠤᠨ ᠤ᠋ ᠣᠶᠢᠯᠠᠭᠠᠯᠲᠠ᠂ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠶᠡᠷᠦᠩᢈᠡᠶᠢᠯᠡᢉᠴᠢ ᠶ᠋ᠢᠨ ᠒᠐᠒᠒ ᠣᠨ ᠤ᠋ ᠑᠘᠐ ᠳ᠋ᠤᠭᠠᠷ ᠵᠠᠷᠯᠢᠭ ᠢ᠋ᠶᠠᠷ ᠪᠠᠲᠤᠯᠠᠭᠳᠠᠭᠰᠠᠨ ᠴᠡᠷᠢᢉ ᠦ᠋ᠨ ᠨᠡᠶᠢᠲᠡᠯᠢᢉ ᠳᠦᠷᠢᠮ ᠦ᠋ᠳ᠂ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠻᠣᠮᠮᠠᠨ᠋ᠳ᠋ᠯᠠᠭᠴᠢ ᠶ᠋ᠢᠨ ᠒᠐᠒᠔ ᠣᠨ ᠤ᠋ ᠠ/᠔᠖ ᠳ᠋ᠤᠭᠠᠷ ᠲᠤᠰᠢᠶᠠᠯ ᠢ᠋ᠶᠠᠷ ᠪᠠᠲᠤᠯᠠᠭᠳᠠᠭᠰᠠᠨ ᠴᠡᠷᠢᢉ ᠦ᠋ᠨ ᠠᠯᠪᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠵᠢᠭᠠᠪᠤᠷᠢ ᠶ᠋ᠢᠨ ᠳᠠᠭᠠᠭᠤ ᠠᠯᠪᠠ ᠬᠠᠭᠠᠭᠴᠢᠳ ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢ ᠨᠠᠷ ᠢ᠋ ᠤᠳᠤᠷᠢᠳᠤᠨ ᠴᠢᢉᠯᠡᢉᠦᠯᢈᠦ᠂ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢ ᠶ᠋ᠢᠨ ᠨᠡᠶᠢᠲᠡᠯᠢᢉ ᠡᠷᢈᠡ᠂ ᠡᢉᠦᠷᢉᠡ᠂ ᠬᠣᠭᠤᠷᠤᠨᠳᠤ ᠶ᠋ᠢᠨ ᠬᠠᠷᠢᠯᠴᠠᠭᠠ᠂ ᠠᠯᠪᠠᠨ ᠲᠤᠰᠢᠶᠠᠯᠲᠠᠨ ᠤ᠋ ᠡᢉᠦᠷᢉᠡ᠂ ᠴᠡᠷᠢᢉ ᠦ᠋ᠨ ᠠᠯᠪᠠ ᠶ᠋ᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ᠂ ᠴᠡᠷᠢᢉ ᠦ᠋ᠨ ᠰᠠᢈᠢᠯᠭᠠ᠂ ᠲᠡᢉᠦᠨ ᠢ᠋ ᠰᠠᢈᠢᠨ ᠪᠡᠶᠡᠯᠡᢉᠦᠯᢈᠦ ᠴᠣᠭᠴᠠ ᠮᠡᠳᠡᠯᢉᠡ᠂ ᠳᠠᠳᠤᠯ ᠣᠯᠵᠤ ᠠᠪᠬᠤ ᠶᠤᠮ᠃
"Төрийн алба хаагчийн ёс зүйн зарчим, Хүний эрхийн талаарх ойлголт", Дотоодын цэргийн штабын ССГХ-ийн дарга, хурандаа Х.Наранбаатар, "Офицер, ахлагч бүрэлдэхүүний ёс зүй, анхаарах асуудал", ЦЕГ-ын Эрсдэл аюулгүй байдлын хэлтсийн ахлах байцаагч цагдаагийн хурандаа К.Нямдаваа, "Хүн байх, хүнлэг ёсны ойлголт", сургагч багш Н.Бямбажаргал, "Хиймэл оюун ухааны ойлголт, Цагдаа, дотоодын цэргийн байгууллагад ашиглаж байгаа дэвшилтэд технологи", Цагдаагийн ерөнхий газрын Стратеги, бодлого, инновац хөгжлийн албаны ахлах мэргэжилтэн, цагдаагийн ахлах дэслэгч У.Мөнхсоёмбо нар тус тус сэдвээр сургалтыг зохион байгууллаа.
Энэхүү сургалтад хамрагдсанаар Хүний эрхийн тухай ойлголт, Цэргийн гэмт хэрэг, хүн байх тухай хүнлэг ёсны ойлголт, Монгол Улсын Ерөнхийлөгчийн 2022 оны 180 дугаар зарлигаар батлагдсан Цэргийн нийтлэг дүрмүүд, Дотоодын цэргийн командлагчийн 2024 оны А/46 дугаар тушаалаар батлагдсан Цэргийн алба зохион байгуулах зааврын дагуу алба хаагчид хугацаат цэргийн алба хаагч нарыг удирдан чиглүүлэх, цэргийн алба хаагчийн нийтлэг эрх, үүрэг, хоорондын харилцаа, албан тушаалтны үүрэг, цэргийн албыг зохион байгуулах, цэргийн сахилга, түүнийг сахин биелүүлэх цогц мэдлэг, дадал олж авах юм.
