100 жил
ГАРДАН ТУЛААНЫ “СУРГАГЧ БАГШ БЭЛТГЭХ СУРГАЛТ”-ЫН ХААЛТЫН АРГА ХЭМЖЭЭ БОЛЛОО
ᠭᠠᠷᠳᠠᠨ ᠲᠤᠯᠤᠭᠠᠨ ᠤ᠋ “ᠰᠤᠷᠭᠠᠭᠴᠢ ᠪᠠᠭᠰᠢ ᠪᠡᠯᠡᠳᢈᠡᢈᠦ ᠰᠤᠷᠭᠠᠯᠲᠠ”᠆ᠤ᠋ᠨ ᠬᠠᠭᠠᠯᠲᠠ ᠶ᠋ᠢᠨ ᠠᠷᠭᠠ ᢈᠡᠮᠵᠢᠶᠡ ᠪᠣᠯᠤᠯᠠ
ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠪᠡᠶᠡ ᠶ᠋ᠢᠨ ᢈᠦᠴᠦ᠂ᠲᠤᠰᠬᠠᠢ ᢈᠡᠷᠡᢉᠰᠡᠯ ᢈᠡᠷᠡᢉᠯᠡᢈᠦ ᠮᠡᠳᠡᠯᢉᠡ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢ ᠳᠡᢉᠡᢉᠰᠢᠯᠡᢉᠦᠯᢈᠦ᠂ᠰᠤᠷᠭᠠᠭᠴᠢ ᠪᠠᠭᠰᠢ ᠪᠡᠯᠡᠳᢈᠡᢈᠦ ᠵᠣᠷᠢᠯᠭᠠ ᠪᠠᠷ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ᠂ᠮᠣᠩᠭᠣᠯ ᠤ᠋ᠨ ᠭᠠᠷᠳᠠᠨ ᠲᠤᠯᠤᠭᠠᠨ ᠤ᠋ ᠬᠣᠯᠪᠤᠭᠠ ᠲᠠᠢ ᠬᠠᠮᠲᠤᠷᠠᠭᠰᠠᠨ ᠰᠤᠷᠭᠠᠯᠲᠠ ᠶ᠋ᠢ ᠑᠔ ᠬᠣᠨᠤᠭ ᠤ᠋ᠨ ᠬᠤᠭᠤᠴᠠᠭᠠᠨ ᠳ᠋ᠤ ᠠᠮᠵᠢᠯᠲᠠᠲᠠᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ᠂ᠠᠯᠪᠠ ᠬᠠᠭᠠᠭᠴᠢᠳ ᠲᠤ «ᠰᠤᠷᠭᠠᠭᠴᠢ ᠪᠠᠭᠰᠢ«-ᠡᠶᠢᠨ ᢉᠡᠷᠡᠴᠢᠯᠡᢉᠡ ᠭᠠᠷᠳᠠᠭᠤᠯᠬᠤ ᠬᠠᠭᠠᠯᠲᠠ ᠶ᠋ᠢᠨ ᠠᠷᠭᠠ ᢈᠡᠮᠵᠢᠶᠡ ᠥᠨᠦᠳᠦᠷ (᠒᠐᠒᠖᠂᠐᠒᠂᠑᠓) ᠪᠣᠯᠤᠯᠠ᠃ ᠠᠷᠭᠠ ᢈᠡᠮᠵᠢᠶᠡᠨ ᠳ᠋ᠦ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ᠂ ᠬᠤᠷᠠᠩᠳᠠ ᠨ᠂ᡀᠠᠭᠪᠠᠰᠠᠶᠢᠬᠠᠨ᠂ ᠳᠣᠲᠤᠭᠠᠳᠤ ᢈᠡᠷᠡᢉ ᠦ᠋ᠨ ᠶᠡᢈᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠠᠯᠪᠠᠨ ᠤ᠋ ᠪᠡᠯᠡᠳᢈᠡᠯ ᠦ᠋ᠨ ᠢᠨ᠋ᠰᠲ᠋ᠢᠲ᠋ᠦ᠋ᠲ ᠦ᠋ᠨ ᠠᠬᠠᠯᠠᠬᠤ ᠪᠠᠭᠰᠢ᠂ᠮᠣᠩᠭᠣᠯ ᠤ᠋ᠨ ᠭᠠᠷᠳᠠᠨ ᠲᠤᠯᠤᠭᠠᠨ ᠤ᠋ ᠬᠣᠯᠪᠤᠭᠠᠨ ᠤ᠋ ᠲᠡᠷᠢᢉᠦᠨ᠂ ᠣᠯᠠᠨ ᠤᠯᠤᠰ ᠤ᠋ᠨ ᢈᠡᠮᠵᠢᠶᠡᠨ ᠦ᠋ ᠮᠠᠰᠲ᠋ᠧᠷ ᠬᠠᠷᠠ ᠪᠦᠰᠡ ᠕ ᠳ᠋ᠠᠨ᠂ᠳᠡᠳ᠋ ᠬᠤᠷᠠᠩᠳᠠ ᠬᠠ᠂ᠣᠨᠠᠯᠪᠧᠻ᠂ ᠮᠣᠩᠭᠣᠯ ᠤ᠋ᠨ ᠭᠠᠷᠳᠠᠨ ᠲᠤᠯᠤᠭᠠᠨ ᠤ᠋ ᠰᠠᠯᠪᠤᠷᠢ ᠡ᠂ᠵᠠ᠂ᠣ ᠳᠡᠪᠵᠢᠶᠡᠨ ᠦ᠋ ᠵᠠᢈᠢᠷᠤᠯ᠂ᠣᠯᠠᠨ ᠤᠯᠤᠰ ᠤ᠋ᠨ ᢈᠡᠮᠵᠢᠶᠡᠨ ᠦ᠋ ᠮᠠᠰᠲ᠋ᠧᠷ᠂ ᠬᠠᠷᠠ ᠪᠦᠰᠡ ᠔ ᠳ᠋ᠠᠨ᠂ ᠴᠠᠭᠳᠠᠭᠠ ᠶ᠋ᠢᠨ ᠪᠡᠯᠡᠳᢈᠡᠯ ᠬᠤᠷᠠᠩᠳᠠ ᠰ᠂ᠡᠩᢈᠡᠰᠠᠶᠢᠬᠠᠨ ᠪᠣᠯᠤᠨ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ ᠶ᠋ᠢᠨ ᠵᠥᠪᠯᠡᠯ ᠦ᠋ᠨ ᢉᠡᠰᠢᢉᠦᠳ᠂ ᠱᠲ᠋ᠠᠪ᠂ ᠠᠩᢉᠢ᠂ ᠲᠤᠰᠬᠠᠢ ᠰᠠᠯᠪᠤᠷᠢ ᠶ᠋ᠢᠨ ᠒᠘ ᠠᠯᠪᠠ ᠬᠠᠭᠠᠭᠴᠢᠳ ᠣᠷᠤᠯᠴᠠᠯᠠ᠃ ᠰᠤᠷᠭᠠᠯᠲᠠ ᠶ᠋ᠢ ᠠᠮᠵᠢᠯᠲᠠᠲᠠᠢ ᠳᠠᠭᠤᠰᠬᠠᠵᠤ «ᠰᠤᠷᠭᠠᠭᠴᠢ ᠪᠠᠭᠰᠢ»-ᠡᠶᠢᠨ ᢉᠡᠷᠡᠴᠢᠯᠡᢉᠡ ᠶ᠋ᠢ ᠭᠠᠷᠳᠠᠵᠤ ᠠᠪᠤᠭᠰᠠᠨ ᠠᠯᠪᠠ ᠬᠠᠭᠠᠭᠴᠢᠳ ᠴᠠᠭᠠᠰᠢᠳᠠ ᠥᠪᠡᠷ ᠦ᠋ᠨ ᠠᠩᢉᠢ᠂ᠰᠠᠯᠪᠤᠷᠢ ᠳ᠋ᠤ ᠪᠠᠨ ᠰᠤᠷᠭᠠᠯᠲᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ᠂ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠪᠡᠶᠡ ᠪᠢᠯᠳᠠᠷ ᠤ᠋ᠨ ᠪᠡᠯᠡᠳᢈᠡᠯᠵᠢᠯᠲᠡ ᠶ᠋ᠢ ᠳᠡᢉᠡᢉᠰᠢᠯᠡᢉᠦᠯᢈᠦ᠂ᠪᠡᠶᠡ ᠶ᠋ᠢᠨ ᢈᠦᠴᠦ᠂ ᠲᠤᠰᠬᠠᠢ ᠮᠡᢈᠡ ᠶ᠋ᠢ ᠬᠠᠤᠯᠢ ᠳ᠋ᠤ ᠨᠡᠶᠢᠴᠡᢉᠦᠯᠦᠨ᠂ ᠣᠨᠤᠪᠴᠢᠲᠠᠢ᠂ ᠠᠶᠤᠯ ᠦᢉᠡᠢ ᢈᠡᠷᠡᢉᠯᠡᢈᠦ ᠰᠣᠶᠤᠯ ᠢ᠋ ᠲᠥᠯᠦᠪᠰᠢᢉᠦᠯᢈᠦ ᠰᠤᠷᠭᠠᠭᠴᠢ ᠪᠠᠭᠰᠢ ᠨᠠᠷ ᠪᠣᠯᠵᠤ ᠪᠠᠶᠢᠭᠠ ᠪᠥᢉᠡᠳ ᠥᠨᠳᠦᠷ ᠬᠠᠷᠢᠭᠤᠴᠠᠯᠭᠠ᠂ ᠦᠯᠢᢉᠡᠷ ᠮᠠᠩᠯᠠᠶᠢᠯᠠᠯ ᠱᠠᠭᠠᠷᠳᠠᠭᠰᠠᠨ ᠡᢉᠦᠷᢉᠡ ᠶ᠋ᠢ ᢈᠦᠯᠢᠶᠡᠵᠦ ᠪᠠᠶᠢᠭᠠ ᠶᠤᠮ᠃ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ᠂ ᠬᠤᠷᠠᠩᠳᠠ ᠨᠠ᠂ᡀᠠᠭᠪᠠᠰᠠᠶᠢᠬᠠᠨ ᢈᠡᠯᠡᢉᠰᠡᠨ ᠦᢉᠡᠨ ᠳ᠋ᠦ ᠪᠡᠨ: ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠦᠶᠢᠯᠡ ᠠᠵᠢᠯᠯᠠᠭᠠᠨ ᠳ᠋ᠤ ᠪᠡᠶᠡ ᠶ᠋ᠢᠨ ᢈᠦᠴᠦ᠂ᠲᠤᠰᠬᠠᠢ ᠮᠡᢈᠡ ᢈᠡᠷᠡᢉᠯᠡᢈᠦ ᠨᠢ ᠵᠥᠪᢈᠡᠨ ᠲᠧᢈᠨᠢᠻ᠂ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢᠨ ᠠᠰᠠᠭᠤᠳᠠᠯ ᠪᠤᠰᠤ᠂ ᢈᠦᠮᠦᠨ ᠦ᠋ ᠡᠷᢈᠡ ᠶ᠋ᠢ ᠳᠡᢉᠡᠳᠦᠯᠡᢉᠰᠡᠨ᠂ ᠮᠡᠷᢉᠡᠵᠢᠯ ᠦ᠋ᠨ ᠶᠣᠰᠤ ᠵᠦᠢ᠂ ᠰᠠᢈᠢᠯᠭᠠ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠰᠠᠯᠤᠰᠢ ᠦᢉᠡᠢ ᠬᠣᠯᠪᠤᠭᠠᠲᠠᠢ ᢉᠡᠳᠡᢉ ᠢ᠋ ᠣᠨᠴᠠᠯᠠᠨ ᠲᠡᠮᠳᠡᢉᠯᠡᠯᠡ᠃ ᠮᠥᠨ ᠰᠤᠷᠭᠠᠯᠲᠠ ᠶ᠋ᠢ ᠥᠨᠳᠦᠷ ᠲᠦᠪᠰᠢᠨ ᠳ᠋ᠦ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ᠂ ᠮᠡᠳᠡᠯᢉᠡ ᠲᠤᠷᠰᠢᠯᠭᠠ ᠪᠠᠨ ᠬᠠᠷᠠᠮ ᠦᢉᠡᠢ ᠬᠤᠪᠢᠶᠠᠯᠴᠠᠭᠰᠠᠨ ᠮᠣᠩᠭᠣᠯ ᠤ᠋ᠨ ᠭᠠᠷᠳᠠᠨ ᠲᠤᠯᠤᠭᠠᠨ ᠤ᠋ ᠬᠣᠯᠪᠤᠭᠠᠨ ᠤ᠋ ᠰᠤᠷᠭᠠᠭᠴᠢ ᠪᠠᠭᠰᠢ ᠨᠠᠷ᠂ ᠬᠠᠮᠲᠤᠷᠠᠨ ᠠᠵᠢᠯᠯᠠᠭᠰᠠᠨ ᠨᠡᠶᠢᠲᠡ ᠪᠦᠷᠢᠯᠳᠦᢈᠦᠨ ᠳ᠋ᠦ ᠲᠠᠯᠠᠷᠬᠠᠯ ᠢᠯᠡᠷᢈᠡᠶᠢᠯᠡᢉᠰᠡᠨ ᠶᠤᠮ᠃
Дотоодын цэргийн байгууллагын алба хаагчдын биеийн хүч, тусгай хэрэгсэл хэрэглэх мэдлэг ур чадварыг дээшлүүлэх, сургагч багш бэлтгэх зорилгоор Дотоодын цэргийн штаб, Монголын гардан тулааны холбоотой хамтарсан сургалтыг 14 хоногийн хугацаанд амжилттай зохион байгуулж, алба хаагчдад "СУРГАГЧ БАГШ"-ийн гэрчилгээ гардуулах хаалтын арга хэмжээ өнөөдөр (2026.02.13) боллоо.
Арга хэмжээнд Дотоодын цэргийн штабын дарга, хурандаа Н.Лхагвасайхан, Дотоод хэргийн их сургуулийн Биеийн тамир, албаны бэлтгэлийн институтийн ахлах багш, Монголын гардан тулааны холбооны тэргүүн, олон улсын хэмжээний мастер хар бүс 5 дан, дэд хурандаа Х.Оналбек, Монголын Гардан тулааны салбар ЭЗО дэвжээний захирал, олон улсын хэмжээний мастер, хар бүс 4 дан, цагдаагийн бэлтгэл хурандаа С.Энхсайхан болон дотоодын цэргийн штабын даргын зөвлөлийн гишүүд, штаб, анги, тусгай салбарын 28 алба хаагчид оролцлоо.
Сургалтыг амжилттай дуусгаж "СУРГАГЧ БАГШ"-ийн гэрчилгээг гардаж авсан алба хаагчид цаашид өөрийн анги, салбартаа сургалт зохион байгуулах, алба хаагчдын бие бялдрын бэлтгэлжилтийг дээшлүүлэх, биеийн хүч, тусгай мэхийг хуульд нийцүүлэн, оновчтой, аюулгүй хэрэглэх соёлыг төлөвшүүлэх сургагч багш нар болж байгаа бөгөөд өндөр хариуцлага, үлгэр манлайлал шаардсан үүргийг хүлээж байгаа юм.
Дотоодын цэргийн штабын дарга, хурандаа Н.Лхагвасайхан хэлсэн үгэндээ: Дотоодын цэргийн байгууллагын үйл ажиллагаанд биеийн хүч, тусгай мэх хэрэглэх нь зөвхөн техник, ур чадварын асуудал бус, хүний эрхийг дээдэлсэн, мэргэжлийн ёс зүй, сахилга хариуцлагатай салшгүй холбоотой гэдгийг онцлон тэмдэглэлээ.
Мөн сургалтыг өндөр түвшинд зохион байгуулж, мэдлэг туршлагаа харамгүй хуваалцсан Монголын гардан тулааны холбооны сургагч багш нар, хамтран ажилласан нийт бүрэлдэхүүнд талархал илэрхийлсэн юм.
