100 жил
ХУГАЦААТ ЦЭРГИЙН АЛБАНД ХАМТДАА НЭГ ӨДӨР” нээлттэй хаалганы өдөрлөг зохион байгууллаа
ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠᠨ ᠳ᠋ᠤ ᠬᠠᠮᠲᠤ ᠳ᠋ᠤ ᠪᠠᠨ ᠨᠢᢉᠡ ᠡᠳᠦᠷ” ᠨᠡᢉᠡᢉᠡᠯᠲᠡᠲᠡᠢ ᠬᠠᠭᠠᠯᠭᠠᠨ ᠤ᠋ ᠡᠳᠦᠷᠯᠢᢉ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ
ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠐᠕ ᠳ᠋ᠤᠭᠠᠷ ᠠᠩᢉᠢ ᠶ᠋ᠢᠨ ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢᠳ ᠢ᠋ ᠠᠷᠤ ᢉᠡᠷ ᠦ᠋ᠨ ᢈᠢᠨ ᠲᠡᠢ ᠨᠢ ᠠᠭᠤᠯᠵᠠᠭᠤᠯᠬᠤ᠂ᠠᠯᠪᠠ ᠬᠠᠭᠠᠵᠤ ᠪᠤᠢ ᠣᠷᠴᠢᠨ ᠨᠥᢈᠦᠴᠡᠯ ᠢ᠋ ᠲᠠᠨᠢᠯᠴᠠᠭᠤᠯᠬᠤ ᠵᠣᠷᠢᠯᠭᠠ ᠪᠠᠷ “ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠᠨ ᠳ᠋ᠤ ᠬᠠᠮᠲᠤ ᠳ᠋ᠤ ᠪᠠᠨ ᠨᠢᢉᠡ ᠡᠳᠦᠷ” ᠨᠡᢉᠡᢉᠡᠯᠲᠡᠲᠡᠢ ᠬᠠᠭᠠᠯᠭᠠᠨ ᠤ᠋ ᠡᠳᠦᠷᠯᠢᢉ ᠢ᠋ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ᠃ ᠠᠷᠭᠠ ᢈᠡᠮᠵᠢᠶᠡᠨ ᠦ᠋ ᢈᠦᠷᠢᠶᠡᠨ ᠳ᠋ᠦ ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠠᠷᠤ ᢉᠡᠷ ᠦ᠋ᠨ ᠲᠥᠯᠦᢉᠡᠯᠡᠯ ᠢ᠋ ᢈᠦᠯᠢᠶᠡᠨ ᠠᠪᠴᠤ ᠠᠭᠤᠯᠵᠠᠨ᠂ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠲᠡᠦᢈᠡᠨ ᠵᠠᠮᠨᠠᠯ᠂ ᠠᠩᢉᠢ ᠶ᠋ᠢᠨ ᠠᠯᠪᠠ᠂ᠦᠶᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠲᠠᠨᠢᠯᠴᠠᠭᠤᠯᠵᠤ᠂ ᠮᠣᠩᠭᠣᠯ ᠤᠯᠤᠰ ᠲᠤ ᢈᠦᠴᠦᠨ ᠲᠡᢉᠦᠯᠳᠡᠷ ᠮᠥᠷᠳᠡᢉᠳᠡᠵᠦ ᠪᠤᠢ ᠬᠠᠤᠯᠢ ᠲᠣᠭᠲᠠᠭᠠᠮᠵᠢ᠂ᠴᠡᠷᠢᢉ ᠦ᠋ᠨ ᠨᠡᠶᠢᠲᠡᠯᠢᢉ ᠳᠦᠷᠢᠮ᠂ ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠᠨ ᠤ᠋ ᠲᠠᠯᠠᠭᠠᠷᢈᠢ ᠣᠶᠢᠯᠠᠭᠠᠯᠲᠠ᠂ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠡᠷᠡᢉᠦᠯ ᠮᠡᠨᠳᠦ᠂ ᠬᠣᠭᠤᠯᠠ ᢈᠦᠨᠡᠰᠦᠨ ᠦ᠋ ᠬᠠᠩᠭᠠᠯᠲᠠ ᠶ᠋ᠢᠨ ᠲᠠᠯᠠᠭᠠᠷ ᠳᠡᠯᢉᠡᠷᠡᠩᢉᠦᠢ ᠮᠡᠳᠡᢉᠡᠯᠡᠯ ᠥᢉᠴᠦ᠂ᠴᠡᠷᠢᢉ ᠦ᠋ᠨ ᠪᠠᠶᠢᠷᠢ᠂ ᠭᠠᠯ ᠲᠣᠭᠤᠭᠠ᠂ ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠡᠳᠦᠷ ᠲᠤᠲᠤᠮ ᠤ᠋ᠨ ᠦᠶᠢᠯᠡ ᠠᠵᠢᠯᠯᠠᠭᠠ᠂ ᠬᠤᠪᠴᠠᠰᠤ ᢈᠡᠷᠡᢉᠰᠡᠯ᠂ ᠬᠣᠭᠤᠯᠠ ᢈᠦᠨᠡᠰᠦ᠂ ᠠᠯᠪᠠᠨ ᠳ᠋ᠤ ᢈᠡᠷᠡᢉᠯᠡᢉᠳᠡᠳᠡᢉ ᠵᠡᠪᠰᠡᢉ᠂ ᠲᠤᠰᠬᠠᠢ ᢈᠡᠷᠡᢉᠰᠡᠯ ᠦ᠋ᠨ ᠦᠵᠡᠰᢈᠦᠯᠡᠩ ᠢ᠋ ᠲᠠᠨᠢᠯᠴᠠᠭᠤᠯᠤᠯᠠ᠃ ᠮᠥᠨ ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠪᠡᠯᠡᠳᢈᠡᢉᠰᠡᠨ ᠤᠷᠠᠯᠢᠭ ᠤ᠋ᠨ ᢈᠡᠰᠡᢉᠴᠢᠯᠡᢉᠰᠡᠨ ᠲᠣᠭᠯᠠᠯᠲᠠ ᠶ᠋ᠢ ᠲᠣᠯᠢᠯᠠᠭᠤᠯᠵᠤ᠂ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠰᠣᠶᠤᠯ ᠤ᠋ᠨ ᠲᠡᠷᠢᢉᠦᠨ ᠦ᠋ ᠠᠵᠢᠯᠲᠠᠨ ᠴᠡᠩᠳᠣᠰᠦ᠋ᠷᠦᠩ ᠪᠣᠯᠤᠨ ᠲᠤᠰ ᠠᠩᢉᠢ ᠶ᠋ᠢᠨ ᠬᠠᠷᠠᠭᠤᠯ ᠤ᠋ᠨ ᠷᠣᠲ ᠤ᠋ᠨ ᠪᠠᠶᠢᠯᠳᠤᠭᠴᠢ ᠡ᠂ᠲᠡᠮᠦᠯᠦᠨ ᠡᠵᠢ ᠶ᠋ᠢᠨ ᠬᠠᠮᠲᠤ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠠᠷᠤ ᢉᠡᠷ ᠦ᠋ᠨ ᠲᠥᠯᠦᢉᠡᠯᠡᠯ ᠳ᠋ᠦ ᠵᠣᠷᠢᠭᠤᠯᠤᠨ ᠠᠶᠠ ᠳᠠᠭᠤᠨ ᠤ᠋ ᠮᠡᠨᠳᠦᠴᠢᠯᠡᢉᠡ ᠳᠡᠪᠰᠢᢉᠦᠯᠦᢉᠰᠡᠨ ᠶᠤᠮ᠃ ᠡᠳᠦᠷᠯᠢᢉ ᠦ᠋ᠨ ᠦᠶᠡ ᠪᠡᠷ ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢᠳ ᠠᠷᠤ ᢉᠡᠷ ᠦ᠋ᠨ ᠲᠥᠯᠦᢉᠡᠯᠡᠯ ᠦ᠋ᠨ ᠬᠠᠮᠲᠤ ᠬᠣᠭᠤᠯᠠᠯᠠᠵᠤ᠂“ᠴᠢᠩᠭᠠ ᠰᠢᠪᠡᠨᠡᢉᠡ”, “ᠱᠠᠭᠠ ᠰᠢᢉᠦᠷᠡᢈᠦ”, “ᢈᠥᢉᠵᠢᠶᠡᠨᠲᠦ ᠪᠤᠤᢈᠢᠶᠠ” ᠲᠡᠮᠡᠴᠡᢉᠡᠨ ᠨᠦ᠋ᢉᠦᠳ ᠲᠦ ᠣᠷᠤᠯᠴᠠᠨ᠂ ᠲᠡᠮᠡᠴᠡᢉᠡᠨ ᠳ᠋ᠦ ᠠᠮᠵᠢᠯᠲᠠᠲᠠᠢ ᠣᠷᠤᠯᠴᠠᠭᠰᠠᠨ ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢᠳ ᠢ᠋ ᠱᠠᠩᠨᠠᠵᠤ ᠤᠷᠮᠠᠰᠢᠭᠤᠯᠤᠯᠠ᠃ ᠡᠨᠡ ᢈᠦ ᠠᠷᠭᠠ ᢈᠡᠮᠵᠢᠶᠡ ᠨᠢ ᠠᠷᠤ ᢉᠡᠷ–ᠠᠯᠪᠠ ᠬᠠᠭᠠᠭᠴᠢ–ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠ ᠶ᠋ᠢ ᠪᠡᢈᠢᠵᠢᢉᠦᠯᢈᠦ᠂ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠦᠶᠢᠯᠡ ᠠᠵᠢᠯᠯᠠᠭᠠᠨ ᠤ᠋ ᠢᠯᠡ ᠲᠣᠳᠤ᠂ ᠨᠡᢉᠡᢉᠡᠯᠲᠡᠲᠡᠢ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠬᠤ᠂ ᠢᠷᢉᠡᠳ ᠦ᠋ᠨ ᠢᠲᠡᢉᠡᠯ ᠢ᠋ ᠨᠡᠮᠡᢉᠳᠡᢉᠦᠯᢈᠦ ᠳ᠋ᠦ ᠴᠢᢉᠯᠡᢉᠰᠡᠨ ᠦᠷᠡ ᠳ᠋ᠦᠩᠲᠡᠢ ᠠᠵᠢᠯ ᠪᠣᠯᠤᠭᠰᠠᠨ ᠶᠤᠮ᠃
Дотоодын цэргийн 05 дугаар ангийн хугацаат цэргийн алба хаагчдыг ар гэрийнхэнтэй нь уулзуулах, алба хааж буй орчин нөхцөлийг танилцуулах зорилгоор “Хугацаат цэргийн албанд хамтдаа нэг өдөр” нээлттэй хаалганы өдөрлөгийг зохион байгууллаа.
Арга хэмжээний хүрээнд хугацаат цэргийн алба хаагчдын ар гэрийн төлөөллийг хүлээн авч уулзан, Дотоодын цэргийн байгууллагын түүхэн замнал, ангийн алба, үйл ажиллагааг танилцуулж, Монгол Улсад хүчин төгөлдөр мөрдөгдөж буй хууль тогтоомж, Цэргийн нийтлэг дүрэм, хугацаат цэргийн албаны талаарх ойлголт, алба хаагчдын эрүүл мэнд, хоол хүнсний хангалтын талаар дэлгэрэнгүй мэдээлэл өгч, цэргийн байр, гал тогоо, хугацаат цэргийн алба хаагчдын өдөр тутмын үйл ажиллагаа, хувцас хэрэгсэл, хоол хүнс, албанд хэрэглэгддэг зэвсэг, тусгай хэрэгслийн үзэсгэлэнг танилцууллаа.
Мөн хугацаат цэргийн алба хаагчдын бэлтгэсэн урлагийн хэсэгчилсэн тоглолтыг толилуулж, Монгол Улсын Соёлын тэргүүний ажилтан Цэндсүрэн болон тус ангийн харуулын ротын байлдагч Э.Тэмүүлэн ээжийн хамт алба хаагчдын ар гэрийн төлөөлөлд зориулан ая дууны мэндчилгээ дэвшүүлсэн юм.
Өдөрлөгийн үеэр хугацаат цэргийн алба хаагчид ар гэрийн төлөөллийн хамт хооллож, “Чанга шивнээ”, “Шагай шүүрэх”, “Хөгжөөнт буухиа” тэмцээнүүдэд оролцон, тэмцээнд амжилттай оролцсон хугацаат цэргийн алба хаагчдыг шагнаж урамшууллаа.
Энэхүү арга хэмжээ нь ар гэр–алба хаагч–байгууллагын хамтын ажиллагааг бэхжүүлэх, байгууллагын үйл ажиллагааны ил тод, нээлттэй байдлыг хангах, иргэдийн итгэлийг нэмэгдүүлэхэд чиглэсэн үр дүнтэй ажил болсон юм.
