100 жил
ДОТООДЫН ЦЭРГИЙН БАЙГУУЛЛАГЫН ДУНД ШАТНЫ УДИРДАХ АЛБАН ТУШААЛТНУУДЫН НЭГДСЭН ЗӨВЛӨГӨӨН - 2026"-ын нээлт боллоо
ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠳᠤᠮᠳᠠ ᠱᠠᠲᠤᠨ ᠤ᠋ ᠤᠳᠤᠷᠢᠳᠬᠤ ᠠᠯᠪᠠᠨ ᠲᠤᠰᠢᠶᠠᠯᠲᠠᠨ ᠨᠤᠭᠤᠳ ᠤ᠋ᠨ ᠨᠢᢉᠡᠳᠦᢉᠰᠡᠨ ᠵᠥᠪᠯᠡᢉᠡᠨ ᠆᠒᠐᠒᠖"-ᠤ᠋ᠨ ᠨᠡᢉᠡᢉᠡᠯᠲᠡ ᠪᠣᠯᠤᠯᠠ
ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ᠂ᠠᠩᢉᠢ᠂ ᠲᠤᠰᠬᠠᠢ ᠰᠠᠯᠪᠤᠷᠢ ᠶ᠋ᠢᠨ ᠳᠤᠮᠳᠠ ᠱᠠᠲᠤᠨ ᠤ᠋ ᠤᠳᠤᠷᠢᠳᠬᠤ ᠠᠯᠪᠠᠨ ᠲᠤᠰᠢᠶᠠᠯᠲᠠᠨ ᠨᠤᠭᠤᠳ ᠲᠤ ᠴᠠᠭᠳᠠᠭᠠ᠂ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠠ᠋ᠴᠠ ᠒᠐᠒᠖ ᠣᠨ ᠳ᠋ᠤ ᠳᠡᠪᠰᠢᢉᠦᠯᠦᢉᠰᠡᠨ ᠵᠣᠷᠢᠯᠲᠠ ᠶ᠋ᠢᠨ ᢈᠡᠷᠡᢉᠵᠢᠯᠲᠡ ᠶ᠋ᠢ ᠬᠠᠩᠭᠠᠬᠤ᠂ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠦᠶᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠰᠠᠶᠢᠵᠢᠷᠠᠭᠤᠯᠬᠤ᠂ ᠰᠠᢈᠢᠯᠭᠠ᠂ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠤᠬᠠᠮᠰᠠᠷᠯᠠᠵᠤ᠂ᠬᠠᠨᠳᠤᠯᠭᠠ᠂ ᠶᠣᠰᠤ ᠵᠦᠢ ᠪᠡᠨ ᠳᠡᢉᠡᢉᠰᠢᠯᠡᢉᠦᠯᢈᠦ᠂ ᢈᠦᠮᠦᠨ ᠦ᠋ ᠡᠷᢈᠡ ᠶ᠋ᠢᠨ ᠲᠤᠬᠠᠢ ᠣᠶᠢᠯᠠᠭᠠᠯᠲᠠ᠂ᢉᠡᠮᠲᠦ ᢈᠡᠷᠡᢉ᠂ ᠵᠥᠷᠢᠴᠡᠯ ᠳ᠋ᠦ ᠬᠣᠯᠪᠤᠭᠳᠠᠬᠤ ᠠ᠋ᠴᠠ ᠤᠷᠢᠳᠴᠢᠯᠠᠨ ᠰᠡᠷᢉᠡᠶᠢᠯᠡᢈᠦ᠂ᠤᠳᠤᠷᠢᠳᠬᠤ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢ ᠳᠡᢉᠡᢉᠰᠢᠯᠡᢉᠦᠯᢈᠦ᠂ ᠰᠢᠨᠡ ᠶ᠋ᠢ ᠡᠷᠢᠯᢈᠢᠯᠡᠨ᠂ ᠳᠡᠪᠰᠢᠯᠲᠡᠲᠦ ᠲᠧᢈᠨᠢᠻ ᠲᠧᢈᠨᠣᠯᠣᢉᠢ ᠶ᠋ᠢᠨ ᠣᠯᠤᠯᠲᠠ ᠶ᠋ᠢ ᠦᠶᠢᠯᠡ ᠠᠵᠢᠯᠯᠠᠭᠠᠨ ᠳ᠋ᠤ ᠨᠡᠪᠲᠡᠷᠡᢉᠦᠯᠵᠦ᠂ᠠᠩᢉᠢ᠂ ᠰᠠᠯᠪᠤᠷᠢ ᠶ᠋ᠢᠨ ᠦᠶᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠲᠥᠯᠦᠪᠯᠡᠨ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠮᠡᠳᠡᠯᢉᠡ᠂ᠳᠠᠳᠤᠯᠭᠠ᠂ ᠲᠤᠷᠰᠢᠯᠭᠠ᠂ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢ ᠨᠡᠮᠡᢉᠳᠡᢉᠦᠯᢈᠦ ᠵᠣᠷᠢᠯᠭᠠ ᠲᠠᠢ «ᠳ᠋ᠢᠵᠢᠲ᠋ᠠᠯ ᠰᠢᠢᠳᠦᠯ ᠆ᠠᠶᠤᠯ ᠦᢉᠡᠢ ᠨᠡᠶᠢᢉᠡᠮ» ᠤᠷᠢᠶᠠ ᠲᠠᠢ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠳᠤᠮᠳᠠ ᠱᠠᠲᠤᠨ ᠤ᠋ ᠤᠳᠤᠷᠢᠳᠬᠤ ᠠᠯᠪᠠᠨ ᠲᠤᠰᠢᠶᠠᠯᠲᠠᠨ ᠨᠤᠭᠤᠳ ᠤ᠋ᠨ ᠓ ᠬᠣᠨᠤᠭ ᠤ᠋ᠨ ᠬᠤᠭᠤᠴᠠᠭᠠᠲᠠᠢ (᠒᠐᠒᠖᠂᠐᠓᠂᠑᠐᠆᠒᠐᠑᠖᠂᠐᠓᠂᠑᠒) ᠨᠢᢉᠡᠳᠦᢉᠰᠡᠨ ᠰᠤᠷᠭᠠᠯᠲᠠ᠂ᠵᠥᠪᠯᠡᢉᠡᠨ ᠦ᠋ ᠨᠡᢉᠡᢉᠡᠯᠲᠡ ᠥᠨᠦᠳᠦᠷ (᠒᠐᠒᠖᠂᠐᠓᠂᠑᠑) ᠮᠣᠩᠭᠣᠯ ᠪᠠᠩᠻᠢ ᠶ᠋ᠢᠨ ᠬᠤᠷᠠᠯ ᠤ᠋ᠨ ᠲᠠᠩᢈᠢᠮ ᠳ᠋ᠤ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠯᠠ᠃ ᠰᠤᠷᠭᠠᠯᠲᠠ ᠶ᠋ᠢᠨ ᠨᠡᢉᠡᢉᠡᠯᠲᠡ ᠶ᠋ᠢᠨ ᠦᠶᠢᠯᠡ ᠠᠵᠢᠯᠯᠠᠭᠠᠨ ᠳ᠋ᠤ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ᠂ᠬᠤᠷᠠᠩᠳᠠ ᠨ᠂ᡀᠠᠭᠪᠠᠰᠠᠶᠢᠬᠠᠨ᠂ ᠳᠡᠳ᠋ ᠪᠥᢉᠡᠳ ᠠᠵᠢᠯᠯᠠᠭᠠᠨ ᠤ᠋ ᠤᠳᠤᠷᠢᠳᠤᠯᠭᠠ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ᠂ ᠬᠤᠷᠠᠩᠳᠠ ᠵᠠ᠂ᠮᠦᠩᢈᠡᠰᠣᠯᠤᠩᠭᠠ ᠪᠣᠯᠤᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ ᠶ᠋ᠢᠨ ᠵᠥᠪᠯᠡᠯ ᠦ᠋ᠨ ᢉᠡᠰᠢᢉᠦᠳ᠂ ᠠᠩᢉᠢ᠂ ᠲᠤᠰᠬᠠᠢ ᠰᠠᠯᠪᠤᠷᠢ ᠶ᠋ᠢᠨ ᠤᠳᠤᠷᠢᠳᠬᠤ ᠠᠵᠢᠯᠲᠠᠨ ᠤ᠋ ᠲᠥᠯᠦᢉᠡᠯᠡᠯ ᠣᠷᠤᠯᠴᠠᠯᠠ᠃ ᠡᠨᠡ ᢈᠦ ᠨᠢᢉᠡᠳᠦᢉᠰᠡᠨ ᠵᠥᠪᠯᠡᢉᠡᠨ ᠳ᠋ᠦ ᠤᠷᠢᠯᠭᠠ ᠪᠠᠷ ᠤᠰᠤᠨ ᠤ᠋ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ ᠵᠠ᠂ᠪᠠᠲᠤᠪᠠᠶᠠᠷ᠂ ᠦᠨᠳᠦᠰᠦᠨ ᠦ᠋ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠬᠤ ᠶ᠋ᠢᠨ ᠶᠡᢈᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠬᠤ ᠶ᠋ᠢᠨ ᠤᠳᠤᠷᠢᠳᠤᠯᠭᠠ ᠶ᠋ᠢᠨ ᠠᠻᠠᠳᠧᠮᠢ ᠶ᠋ᠢᠨ ᠵᠠᢈᠢᠷᠤᠯ᠂ᠪᠷᠢᠭᠠᠳ᠋ ᠤ᠋ᠨ ᢉᠧᠨᠧᠷᠠᠯ ᠯ᠂ᠣᠨᠴᠤᠭᠤᠶᠢᠪᠠᠶᠠᠷ᠂ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠬᠤ ᠶ᠋ᠢᠨ ᠶᠠᠮᠤᠨ ᠤ᠋ ᠣᠷᠤᠨ ᠨᠤᠲᠤᠭ ᠤ᠋ᠨ ᠬᠠᠮᠠᠭᠠᠯᠠᠯᠲᠠ᠂ᠳᠠᠶᠢᠴᠢᠯᠠᠭᠠᠨ ᠤ᠋ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ᠂ ᠬᠤᠷᠠᠩᠳᠠ ᠷ᠂ᠡᠩᢈᠡᠪᠣᠯᠤᠳ᠂ ᠡᠷᠡᢉᠦᠦ ᠰᠢᢉᠦᠯᠲᠡ ᠡᠴᠡ ᠤᠷᠢᠳᠴᠢᠯᠠᠨ ᠰᠡᠷᢉᠡᠶᠢᠯᠡᢈᠦ ᠦᠨᠳᠦᠰᠦᠨ ᠦ᠋ ᠠᠵᠢᠯᠯᠠᠭᠠᠨ ᠤ᠋ ᠰᠤᠷᠭᠠᠯᠲᠠ ᠬᠠᠷᠢᠭᠤᠴᠠᠭᠰᠠᠨ ᠠᠬᠠᠯᠠᠬᠤ ᠷᠧᠹᠧᠷᠧᠨ᠋ᠲ ᠨ᠂ᠮᠠᠩᠯᠠᠶᠢᠪᠠᠭᠠᠲᠤᠷ᠂ᠤᠮᠳᠠᠨ ᠤ᠋ ᠤᠰᠤᠨ ᠤ᠋ ᠡᢈᠡ ᠡᢉᠦᠰᠪᠦᠷᠢ᠂ ᠱᠤᠭᠤᠮ ᠤ᠋ᠨ ᠬᠠᠮᠠᠭᠠᠯᠠᠯᠲᠠ ᠶ᠋ᠢᠨ ᠪᠦᠰᠡ ᠶ᠋ᠢᠨ ᠳᠢᢉᠯᠢᠮ ᠬᠠᠷᠢᠭᠤᠴᠠᠭᠰᠠᠨ ᢈᠢᠨᠠᠯᠲᠠ ᠶ᠋ᠢᠨ ᠮᠡᠷᢉᠡᠵᠢᠯᠲᠡᠨ ᠪ᠂ᠣᠳᠤᢉᠡᠷᠡᠯ ᠪᠣᠯᠤᠨ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠰᠡᠳᢈᠢᠯ ᠵᠦᠢ ᠶ᠋ᠢᠨ ᠪᠠᠭ ᠤ᠋ᠨ ᢉᠡᠰᠢᢉᠦᠳ ᠠᠯᠪᠠ ᠬᠠᠭᠠᠭᠴᠢᠳ ᠲᠤ ᠰᠤᠷᠭᠠᠯᠲᠠ᠂ ᠮᠡᠳᠡᢉᠡᠯᠡᠯ ᢈᠦᠷᢉᠡᠯᠡ᠃
Дотоодын цэргийн штаб, анги, тусгай салбарын дунд шатны удирдах албан тушаалтнуудад Цагдаа, дотоодын цэргийн байгууллагаас 2026 онд дэвшүүлсэн зорилтын хэрэгжилтийг хангах, байгууллагын үйл ажиллагааг сайжруулах, сахилга, хариуцлагаа ухамсарлаж, хандлага, ёс зүйгээ дээшлүүлэх, хүний эрхийн тухай ойлголт, гэмт хэрэг, зөрчилд холбогдохоос урьдчилан сэргийлэх, удирдах ур чадварыг дээшлүүлэх, шинийг эрэлхийлэн, дэвшилтэт техник технологийн ололтыг үйл ажиллагаанд нэвтрүүлж, анги, салбарын үйл ажиллагааг төлөвлөн зохион байгуулах мэдлэг, дадлага, туршлага, ур чадварыг нэмэгдүүлэх зорилготой "Дижитал шийдэл - Аюулгүй нийгэм" уриатай Дотоодын цэргийн байгууллагын дунд шатны удирдах албан тушаалтнуудын 3 хоногийн хугацаатай (2026.03.10-2016.03.12) нэгдсэн сургалт, зөвлөгөөний нээлт өнөөдөр (2026.03.11) Монгол банкны хурлын танхимд зохион байгуулагдлаа.
Сургалтын нээлтийн үйл ажиллагаанд Дотоодын цэргийн штабын дарга, хурандаа Н.Лхагвасайхан, Дэд бөгөөд Ажиллагааны удирдлагын газрын дарга, хурандаа Ж.Мөнхсолонго болон штабын даргын зөвлөлийн гишүүд, анги, тусгай салбарын удирдах ажилтны төлөөлөл оролцлоо.
Энэхүү нэгдсэн зөвлөгөөнд урилгаар Усны газрын дарга З.Батбаяр, Үндэсний батлан хамгаалахын их сургуулийн Батлан хамгаалахын удирдлагын академийн захирал, бригадын генерал Л.Онцгойбаяр, Батлан хамгаалахын яамны Орон нутгийн хамгаалалт, дайчилгааны газрын дарга, хурандаа Р.Энхболд, Эрүү шүүлтээс урьдчилан сэргийлэх үндэсний ажиллагааны сургалт хариуцсан ахлах референт Н.Манлайбаатар, Ундны усны эх үүсвэр, шугамын хамгаалалтын бүсийн дэглэм хариуцсан хяналтын мэргэжилтэн Б.Одгэрэл болон Дотоодын цэргийн сэтгэл зүйн багийн гишүүд алба хаагчдад сургалт, мэдээлэл хүргэлээ.
