100 жил
Үндэсний сөрөн тэсвэрлэх чадавхыг бэхжүүлэх Төрийн цэргийн болон Дотоодын цэрэг, Хууль сахиулах байгууллагуудын хамтын ажиллагаа: " Онол - Практик - Чиг хандлага" эрдэм шинжилгээний хурал зохион байгуулагдлаа.
ᠦᠨᠳᠦᠰᠦᠨ ᠦ᠋ ᠰᠥᠷᠦᠨ ᠲᠡᠰᠪᠦᠷᠢᠯᠡᢈᠦ ᠴᠢᠳᠠᠪᢈᠢ ᠶ᠋ᠢ ᠪᠡᢈᠢᠵᠢᢉᠦᠯᢈᠦ ᠲᠥᠷᠦ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠣᠯᠤᠨ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ᠂ᠬᠠᠤᠯᠢ ᠰᠠᢈᠢᠭᠤᠯᠬᠤ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠤ᠋ᠨ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠ: ︽ ᠣᠨᠤᠯ ᠊ ᠫᠷᠠᠻᠲ᠋ᠢᠻ ᠊ ᠴᠢᢉ ᠬᠠᠨᠳᠤᠯᠭᠠ︾
ᠡᠷᠳᠡᠮ ᠰᠢᠨᠵᠢᠯᠡᢉᠡᠨ ᠦ᠋ ᠬᠤᠷᠠᠯ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠯᠠ᠃ ᠬᠤᠷᠠᠯ ᠳ᠋ᠤ ᠦᠨᠳᠦᠰᠦᠨ ᠦ᠋ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠤ᠋ᠨ ᠵᠥᠪᠯᠡᠯ ᠦ᠋ᠨ ᠠᠵᠢᠯ ᠤ᠋ᠨ ᠠᠯᠪᠠ᠂ᠵᠡᠪᠰᠡᢉᠲᠦ ᢈᠦᠴᠦᠨ ᠦ᠋ ᠵᠠᠩᠵᠤᠨ ᠱᠲ᠋ᠠᠪ᠂ ᠴᠠᠭᠳᠠᠭᠠ ᠶ᠋ᠢᠨ ᠶᠡᠷᠦᠩᢈᠡᠢ ᠭᠠᠵᠠᠷ᠂ᠲᠠᠩᠨᠠᠭᠤᠯ ᠤ᠋ᠨ ᠶᠡᠷᠦᠩᢈᠡᠢ ᠭᠠᠵᠠᠷ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ᠂ ᢈᠢᠯᠢ ᠬᠠᠮᠠᠭᠠᠯᠠᠬᠤ ᠶᠡᠷᠦᠩᢈᠡᠢ ᠭᠠᠵᠠᠷ᠂ᠣᠨᠴᠤᠭᠤᠢ ᠪᠠᠶᠢᠳᠠᠯ ᠤ᠋ᠨ ᠶᠡᠷᠦᠩᢈᠡᠢ ᠭᠠᠵᠠᠷ᠂ ᠰᠢᢉᠦᢈᠦ ᠶ᠋ᠢᠨ ᠰᠢᠢᠳᠪᠦᠷᠢ ᢉᠦᠶᠢᠴᠡᠳᢈᠡᢈᠦ ᠶᠡᠷᠦᠩᢈᠡᠢ ᠭᠠᠵᠠᠷ᠂ᠰᠢᢉᠦᢈᠦ ᠰᠢᠨᠵᠢᠯᠡᢉᠡᠨ ᠦ᠋ ᠶᠡᠷᠦᠩᢈᠡᠢ ᠭᠠᠵᠠᠷ᠂ ᠭᠠᠳᠠᠭᠠᠳᠤ ᠶ᠋ᠢᠨ ᠢᠷᢉᠡᠨ᠂ ᠬᠠᠷᠢᠶᠠᠲᠤ ᠶ᠋ᠢᠨ ᠭᠠᠵᠠᠷ᠂ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠠᠩᢉᠢ᠂ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ᠂ ᠮᠥᠨ ᠳᠣᠲᠤᠭᠠᠳᠤ ᢈᠡᠷᠡᢉ ᠦ᠋ᠨ ᠶᠡᢈᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠡᠷᠳᠡᠮᠲᠡᠨ ᠪᠠᠭᠰᠢ᠂ᠰᠤᠳᠤᠯᠤᠭᠠᠴᠢ᠂ ᠰᠣᠨᠤᠰᠤᠭᠴᠢ᠂ ᠣᠶᠤᠲᠠᠨ ᠨᠤᠭᠤᠳ ᠤ᠋ᠨ ᠲᠥᠯᠦᢉᠡᠯᠡᠯ ᠥᠷᢉᠡᠨ ᠢ᠋ᠶᠡᠷ ᠣᠷᠤᠯᠴᠠᠵᠤ ᠡᠷᠳᠡᠮᠲᠡᠨ ᠰᠤᠳᠤᠯᠤᠭᠠᠴᠢ᠂ᠫᠷᠠᠻᠲ᠋ᠢᠻ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠠᠯᠪᠠ ᠬᠠᠭᠠᠭᠴᠢ᠂ ᠠᠵᠢᠯᠲᠠᠨ ᠨᠤᠭᠤᠳ ᠠ᠋ᠴᠠ ᠢᠷᠡᢉᠦᠯᠦᢉᠰᠡᠨ ᠔᠐ ᠭᠠᠷᠤᠢ ᠡᠷᠳᠡᠮ ᠰᠢᠨᠵᠢᠯᠡᢉᠡᠨ ᠦ᠋ ᠢᠯᠡᠳᢈᠡᠯ ᠦ᠋ᠳ ᠡᠴᠡ ᠰᠢᠯᠭᠠᠷᠠᠭᠰᠠᠨ ᠳᠠᠷᠠᠭᠠᢈᠢ ᠘ ᠢᠯᠡᠳᢈᠡᠯ ᠢ᠋ ᢈᠡᠯᠡᠯᠴᠡᢉᠦᠯᠪᠡ᠃ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ᠂ ᠳ᠋ᠣᠻᠲ᠋ᠣᠷ (Ph. D),ᠬᠤᠷᠠᠩᠳᠠ ᠨᠠ᠂ᡀᠠᠭᠪᠠᠰᠠᠶᠢᠬᠠᠨ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠦᠨᠳᠦᠰᠦᠨ ᠦ᠋ ᠰᠥᠷᠦᠨ ᠲᠡᠰᠪᠦᠷᠢᠯᠡᢈᠦ ᠴᠢᠳᠠᠪᢈᠢ: ᠲᠥᠷᠦ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠣᠯᠤᠨ ᠬᠠᠤᠯᠢ ᠰᠠᢈᠢᠭᠤᠯᠬᠤ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠤ᠋ᠨ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠ᠂ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠡᢉᠦᠷᢉᠡ ᠣᠷᠤᠯᠴᠠᠭᠠ
ᠳᠡ᠂ᠬᠤ᠂ᠢ᠂ᠰᠤ᠂ ᠡᠰᠢ ᢈᠦᠷᠢᠶᠡᠯᠡᠩ ᠦ᠋ᠨ ᠰᠤᠳᠤᠯᠤᠭᠠᠴᠢ᠂ᠪᠷᠢᠭᠠᠳ᠋ ᠤ᠋ᠨ ᢉᠧᠨᠧᠷᠠᠯ ᠲ᠂ᢈᠦᠷᠡᠯᠪᠠᠭᠠᠲᠤᠷ ᠲᠥᠷᠦ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠣᠯᠤᠨ ᠬᠠᠤᠯᠢ ᠰᠠᢈᠢᠭᠤᠯᠬᠤ ᠪᠠᠶᠢᠭᠤᠯᠤᠯᠭᠠ᠂ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠬᠠᠷᠢᠯᠴᠠᠨ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠᠨ ᠤ᠋ ᠲᠡᠦᢈᠡᠨ ᠲᠤᠷᠰᠢᠯᠭᠠ᠂
ᠵᠠ᠂ᠬᠠ᠂ᠵᠠ᠂ᠰᠢ᠆ᠶ᠋ᠢᠨ ᠵᠠᢈᠢᠷᠭᠠᠨ ᠤ᠋ ᠤᠳᠤᠷᠢᠳᠤᠯᠭᠠ ᠲᠥᠯᠦᠪᠯᠡᠯᠲᠡ ᠶ᠋ᠢᠨ ᠠᠬᠠᠯᠠᠬᠤ ᠮᠡᠷᢉᠡᠵᠢᠯᠲᠡᠨ᠂ᠬᠣᠰᠢᠭᠤᠴᠢ ᠡ᠂ᠪᠠᠲᠤᠲᠦ᠋ᠪᠰᠢᠨ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠲᠥᠷᠦ ᠡᠴᠡ ᠦᠨᠳᠦᠰᠦᠨ ᠦ᠋ ᠰᠥᠷᠦᠨ ᠲᠡᠰᠪᠦᠷᠢᠯᠡᢈᠦ ᠴᠢᠳᠠᠪᢈᠢ ᠶ᠋ᠢᠨ ᠲᠠᠯᠠᠭᠠᠷ ᠪᠠᠷᠢᠮᠲᠠᠯᠠᠵᠤ ᠪᠤᠢ ᠪᠣᠳᠤᠯᠭᠠ᠂ᢈᠥᢉᠵᠢᠯ ᠦ᠋ᠨ ᠴᠢᢉ ᠬᠠᠨᠳᠤᠯᠭᠠ᠂
ᠣ᠂ᠪᠠ᠂ᠡ᠂ᠭᠠ᠆ᠤ᠋ᠨ ᠰᠲ᠋ᠷᠠᠲ᠋ᠧᢉᠢ ᠶ᠋ᠢᠨ ᠪᠣᠳᠤᠯᠭᠠ᠂ ᠲᠥᠯᠦᠪᠯᠡᠯᠲᠡ ᠶ᠋ᠢᠨ ᢈᠡᠯᠲᠡᠰ ᠦ᠋ᠨ ᠳᠠᠷᠤᠭᠠ᠂ᠳ᠋ᠣᠻᠲ᠋ᠣᠷ (Ph. D), ᠳᠡᠳ᠋ ᠫᠷᠣᠹᠧᠰᠰᠣᠷ ᠬᠤᠷᠠᠩᠳᠠ ᠳ᠂ᠰᠡᠷᠵᠢᠮᠢᠳᠠᠭ ᠦᠨᠳᠦᠰᠦᠨ ᠦ᠋ ᠰᠥᠷᠦᠨ ᠲᠡᠰᠪᠦᠷᠢᠯᠡᢈᠦ ᠴᠢᠳᠠᠪᢈᠢ: ᠭᠠᠮᠰᠢᢉ ᠢ᠋ ᠳᠠᠪᠠᠨ ᠲᠤᠭᠤᠯᠬᠤ ᠴᠢᠳᠠᠪᢈᠢ ᠶ᠋ᠢ ᠪᠡᢈᠢᠵᠢᢉᠦᠯᢈᠦ ᠳ᠋ᠦ ᠲᠥᠷᠦ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠣᠯᠤᠨ ᠬᠠᠤᠯᠢ ᠰᠠᢈᠢᠭᠤᠯᠬᠤ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠣᠷᠤᠯᠴᠠᠭᠠ᠂ᠠᠩᠬᠠᠷᠬᠤ ᠠᠰᠠᠭᠤᠳᠠᠯ
ᠴᠡ᠂ᠶᠡ᠂ᢉᠡ᠆ᠶ᠋ᠢᠨ ᠨᠡᠶᠢᠲᠡ ᠶ᠋ᠢᠨ ᢈᠡᠪ ᠵᠢᠷᠤᠮ ᠬᠠᠮᠠᠭᠠᠯᠠᠬᠤ᠂ᠣᠯᠠᠨ ᠨᠡᠶᠢᠲᠡ ᠶ᠋ᠢᠨ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠬᠤ ᠠᠯᠪᠠᠨ ᠤ᠋ ᠣᠯᠠᠨ ᠨᠡᠶᠢᠲᠡ ᠶ᠋ᠢᠨ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠬᠤ ᢈᠡᠯᠲᠡᠰ ᠦ᠋ᠨ ᠴᠢᢉᠯᠡᠯ ᠦ᠋ᠨ ᠠᠬᠠᠯᠠᠬᠤ ᠪᠠᠶᠢᠴᠠᠭᠠᠭᠴᠢ᠂ᠴᠠᠭᠳᠠᠭᠠ ᠶ᠋ᠢᠨ ᠳᠡᠳ᠋ ᠬᠤᠷᠠᠩᠳᠠ ᠴ᠂ᠠᠮᠤᠷᠵᠠᠮᠴᠣ᠂ ᠡ᠂ᠳᠠᠰᠢᠭᠠᠳᠠᠨ ᠦᠨᠳᠦᠰᠦᠨ ᠦ᠋ ᠰᠥᠷᠦᠨ ᠲᠡᠰᠪᠦᠷᠢᠯᠡᢈᠦ ᠴᠢᠳᠠᠪᢈᠢ ᠶ᠋ᠢ ᠬᠠᠩᠭᠠᠬᠤ ᠲᠥᠷᠦ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠣᠯᠤᠨ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ᠂ᠬᠠᠤᠯᠢ ᠰᠠᢈᠢᠭᠤᠯᠬᠤ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠤ᠋ᠨ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠ ᢈᠦᠷᠢᠶᠡᠨ ᠳ᠋ᠦ ᠠᠶᠤᠯᠲᠠᠢ ᠠᠴᠢᠶᠠ ᠲᠡᢉᠡᢉᠡᠪᠦᠷᠢᠯᠡᠯᠲᠡ
ᠲᠡᢉ᠆ᠶ᠋ᠢᠨ ᠦ᠂ᠲᠡ᠂ᠶᠡ᠂ᠰᠤ᠆ᠶ᠋ᠢᠨ ᠳ᠋ᠣᠻᠲ᠋ᠣᠷ (Ph. D), ᠫ᠂ᠤᠶᠠᠩᠭᠠ᠂ ᠮᠠᢉᠢᠰᠲ᠋ᠷᠠᠨ᠋ᠲ ᠳ᠂ᠸᠴᠢᠷᠪᠠᠲᠤ ᠦᠨᠳᠦᠰᠦᠨ ᠦ᠋ ᠰᠥᠷᠦᠨ ᠲᠡᠰᠪᠦᠷᠢᠯᠡᢈᠦ ᠴᠢᠳᠠᠪᢈᠢ: ᠨᠠᠷᠻᠣ᠆ᠲᠧᠷᠷᠣᠷᠢᠰᠮ ᠤ᠋ᠨ ᠠᠶᠤᠯ᠂ᠵᠠᠨᠤᠯ
ᠰᠢᢉᠦᢈᠦ ᠶ᠋ᠢᠨ ᠰᠢᠢᠳᠪᠦᠷᠢ ᢉᠦᠶᠢᠴᠡᠳᢈᠡᢈᠦ ᠶᠡᠷᠦᠩᢈᠡᠢ ᠭᠠᠵᠠᠷ ᠤ᠋ᠨ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠤ᠋ᠨ ᢈᠡᠯᠲᠡᠰ ᠦ᠋ᠨ ᠳᠠᠷᠤᠭᠠ᠂ᠳ᠋ᠣᠻᠲ᠋ᠣᠷᠠᠨ᠋ᠲ᠂ ᠬᠣᠰᠢᠭᠤᠴᠢ ᠡ᠂ᠵᠠᠮᠪᠠᠯᠷᠠᠭᠴᠠ ᠦᠨᠳᠦᠰᠦᠨ ᠦ᠋ ᠰᠥᠷᠦᠨ ᠲᠡᠰᠪᠦᠷᠢᠯᠡᢈᠦ ᠴᠢᠳᠠᠪᢈᠢ ᠶ᠋ᠢ ᠪᠡᢈᠢᠵᠢᢉᠦᠯᢈᠦ ᠳ᠋ᠦ ᠰᠢᢉᠦᢈᠦ ᠶ᠋ᠢᠨ ᠰᠢᠢᠳᠪᠦᠷᠢ ᢉᠦᠶᠢᠴᠡᠳᢈᠡᢈᠦ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠣᠷᠤᠯᠴᠠᠭᠠ
ᠳᠡ᠂ᠬᠤ᠂ᠢ᠂ᠰᠤ᠆ᠶ᠋ᠢᠨ ᠴᠠᠭᠳᠠᠭᠠ ᠶ᠋ᠢᠨ ᠰᠤᠷᠭᠠᠭᠤᠯᠢ᠂ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠠᠯᠪᠠᠨ ᠤ᠋ ᠲᠢᠩᢈᠢᠮ ᠦ᠋ᠨ ᠠᠬᠠᠯᠠᠬᠤ ᠪᠠᠭᠰᠢ᠂ ᠳᠡᠳ᠋ ᠬᠤᠷᠠᠩᠳᠠ ᠭ᠂ᠮᠡᠨᠳᠦᠪᠠᠶᠠᠷ ᠦᠨᠳᠦᠰᠦᠨ ᠦ᠋ ᠰᠥᠷᠦᠨ ᠲᠡᠰᠪᠦᠷᠢᠯᠡᢈᠦ ᠴᠢᠳᠠᠪᢈᠢ ᠶ᠋ᠢ ᠪᠡᢈᠢᠵᠢᢉᠦᠯᢈᠦ ᠳ᠋ᠦ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠡᢉᠦᠷᢉᠡ ᠣᠷᠤᠯᠴᠠᠭᠠ ᠰᠡᠳᠦᠪ ᠦ᠋ᠳ ᠢ᠋ᠶᠡᠷ ᠲᠤᠰ ᠲᠤᠰ ᠢᠯᠡᠳᢈᠡᠯ ᢈᠡᠯᠡᠯᠴᠡᢉᠦᠯᠦᠯᠡ᠃ ᠲᠤᠰ ᠡᠷᠳᠡᠮ ᠰᠢᠨᠵᠢᠯᠡᢉᠡᠨ ᠦ᠋ ᠬᠤᠷᠠᠯ ᠢ᠋ᠶᠠᠷ ᠦᠨᠳᠦᠰᠦᠨ ᠦ᠋ ᠰᠥᠷᠦᠨ ᠲᠡᠰᠪᠦᠷᠢᠯᠡᢈᠦ ᠴᠢᠳᠠᠪᢈᠢ ᠶ᠋ᠢ ᠪᠡᢈᠢᠵᠢᢉᠦᠯᢈᠦ ᠳ᠋ᠦ ᠴᠢᢉᠯᠡᢉᠰᠡᠨ ᠲᠥᠷᠦ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠣᠯᠤᠨ ᠬᠠᠤᠯᠢ ᠰᠠᢈᠢᠭᠤᠯᠬᠤ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠤ᠋ᠨ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠᠨ ᠤ᠋ ᠣᠨᠤᠯ᠂ᠫᠷᠠᠻᠲ᠋ᠢᠻ ᠤ᠋ᠨ ᠴᠢᢉ ᠬᠠᠨᠳᠤᠯᠭᠠ ᠶ᠋ᠢ ᠲᠣᠳᠤᠷᠬᠠᠶᠢᠯᠠᠭᠰᠠᠨ ᠶᠤᠮ᠃ ᠮᠥᠨ ᠲᠤᠯᠭᠠᠮᠳᠠᠵᠤ ᠪᠤᠢ ᠠᠰᠠᠭᠤᠳᠠᠯ ᠤ᠋ᠳ ᠢ᠋ ᠣᠯᠠᠨ ᠥᠨᠴᠦᢉ ᠡᠴᠡ ᢈᠡᠯᠡᠯᠴᠡᢈᠦ᠂ᠲᠡᠳᠡᢉᠡᠷ ᠢ᠋ ᠰᠢᠢᠳᠪᠦᠷᠢᠯᠡᢈᠦ ᠣᠨᠤᠪᠴᠢᠲᠠᠢ ᠠᠷᠭᠠ ᠵᠠᠮ ᠢ᠋ ᠲᠣᠳᠤᠷᠬᠠᠶᠢᠯᠠᠬᠤ ᠳ᠋ᠤ ᠴᠢᢉᠯᠡᢉᠰᠡᠨ ᠡᠷᠳᠡᠮ ᠰᠢᠨᠵᠢᠯᠡᢉᠡ᠂ ᠰᠤᠳᠤᠯᠭᠠᠨ ᠤ᠋ ᠠᠵᠢᠯ ᠤ᠋ᠨ ᠦᠷᠡ ᠳ᠋ᠦᠩ ᠢ᠋ ᢈᠡᠯᠡᠯᠴᠡᢉᠰᠡᠨ᠂ ᠣᠨᠤᠯ᠂ ᠫᠷᠠᠻᠲ᠋ᠢᠻ ᠬᠣᠣᠰᠯᠠᠭᠰᠠᠨ ᠬᠤᠷᠠᠯ ᠪᠣᠯᠤᠭᠰᠠᠨ ᠢ᠋ ᠬᠤᠷᠠᠯ ᠳ᠋ᠤ ᠣᠷᠤᠯᠴᠠᠭᠴᠢᠳ ᠣᠨᠴᠠᠯᠠᠯᠠ᠃
Хуралд Үндэсний аюулгүй байдлын зөвлөлийн Ажлын алба, Зэвсэгт хүчний жанжин штаб, Цагдаагийн ерөнхий газар, Тагнуулын ерөнхий газар, Дотоодын цэргийн штаб, Хил хамгаалах ерөнхий газар, Онцгой байдлын ерөнхий газар, Шүүхийн шийдвэр гүйцэтгэх ерөнхий газар, Шүүх шинжилгээний ерөнхий газар, Гадаадын иргэн, харьяатын газар, Дотоодын цэргийн анги, байгууллагууд, мөн Дотоод хэргийн их сургуулийн эрдэмтэн багш, судлаач, сонсогч, оюутнуудын төлөөлөл өргөнөөр оролцож эрдэмтэн судлаач, практик байгууллагын алба хаагч, ажилтнуудаас ирүүлсэн 40 гаруй эрдэм шинжилгээний илтгэлүүдээс шалгарсан дараах 8 илтгэлийг хэлэлцүүлэв.
Дотоодын цэргийн штабын дарга, доктор (Ph.D), хурандаа Н.Лхагвасайхан Монгол Улсын үндэсний сөрөн тэсвэрлэх чадавх: Төрийн цэргийн болон хууль сахиулах байгууллагуудын хамтын ажиллагаа, дотоодын цэргийн үүрэг оролцоо
ДХИС, ЭШ Хүрээлэнгийн судлаач, Бригадын генерал Т.Хүрэлбаатар Төрийн цэргийн болон хууль сахиулах байгууллага, дотоодын цэргийн харилцан хамтын ажиллагааны түүхэн туршлага,
ЗХЖШ-н Захиргааны удирдлага төлөвлөлтийн ахлах мэргэжилтэн, хошууч Э.Баттүвшин Монгол Улсын төрөөс үндэсний сөрөн тэсвэрлэх чадавхын талаар баримталж буй бодлого, хөгжлийн чиг хандлага,
ОБЕГ-ын Стратегийн бодлого, төлөвлөлтийн хэлтсийн дарга, доктор (Ph.D), дэд профессор хурандаа Д.Сэржмядаг Үндэсний сөрөн тэсвэрлэх чадавх: гамшгийг даван туулах чадавхыг бэхжүүлэхэд төрийн цэргийн болон хууль сахиулах байгууллагын оролцоо, анхаарах асуудал
ЦЕГ-н Нийтийн хэв журам хамгаалах, олон нийтийн аюулгүй байдлыг хангах албаны Олон нийтийн аюулгүй байдлыг хангах хэлтсийн чиглэлийн ахлах байцаагч, цагдаагийн дэд хурандаа Ц.Амаржамц, Э.Дашгаадан Үндэсний сөрөн тэсвэрлэх чадавхыг хангах төрийн цэргийн болон дотоодын цэрэг, хууль сахиулах байгууллагуудын хамтын ажиллагаа хүрээнд аюултай ачаа тээвэрлэлт
ТЕГ-ын ҮТИС-ийн доктор (Ph.D), П.Уянга, магистрант Д.Очирбат Үндэсний сөрөн тэсвэрлэх чадавх: нарко-терроризмын аюул, занал
Шүүхийн шийдвэр гүйцэтгэх ерөнхий газрын Аюулгүй байдлын хэлтсийн дарга, докторант, хошууч Э.Жамбалрагчаа Үндэсний сөрөн тэсвэрлэх чадавхыг бэхжүүлэхэд Шүүхийн шийдвэр гүйцэтгэх байгууллагын оролцоо
ДХИС-н Цагдаагийн сургууль, Дотоодын цэргийн албаны тэнхимийн ахлах багш, дэд хурандаа Г.Мэндбаяр Үндэсний сөрөн тэсвэрлэх чадавхыг бэхжүүлэхэд Дотоодын цэргийн үүрэг оролцоо сэдвүүдээр тус тус илтгэл хэлэлцүүллээ.
Тус эрдэм шинжилгээний хурлаар Үндэсний сөрөн тэсвэрлэх чадавхыг бэхжүүлэхэд чиглэсэн төрийн цэргийн болон хууль сахиулах байгууллагуудын хамтын ажиллагааны онол, практикийн чиг хандлагыг тодорхойлсон юм.
Мөн тулгамдаж буй асуудлуудыг олон өнцгөөс хэлэлцэх, тэдгээрийг шийдвэрлэх оновчтой арга замыг тодорхойлоход чиглэсэн эрдэм шинжилгээ, судалгааны ажлын үр дүнг хэлэлцсэн, онол, практик хосолсон хурал болсныг хуралд оролцогчид онцоллоо.
