100 жил
"БИДНИЙ НӨХӨРЛӨЛ" спортын цогцолбор тэмцээн амжилттай зохион байгуулагдлаа
︽ᠪᠢᠳᠡᠨ ᠦ᠋ ᠨᠥᢈᠦᠷᠯᠡᠯ︾ ᠰᠫᠣᠷᠲ ᠤ᠋ᠨ ᠴᠣᠭᠴᠠᠯᠠᠪᠤᠷᠢ ᠲᠡᠮᠡᠴᠡᢉᠡᠨ ᠠᠮᠵᠢᠯᠲᠠᠲᠠᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠯᠠ
ᠮᠣᠩᠭᠣᠯ ᠤᠯᠤᠰ ᠲᠤ ᠵᠡᠪᠰᠡᢉᠲᠦ ᢈᠦᠴᠦᠨ ᠡᢉᠦᠰᠦᠨ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ᠋ ᠑᠐᠕ ᠵᠢᠯ ᠦ᠋ᠨ ᠣᠢ᠂ “ᠮᠣᠩᠭᠣᠯ ᠴᠡᠷᠢᢉ ᠦ᠋ᠨ ᠡᠳᠦᠷ”᠆ᠶ᠋ᠢ ᠤᠭᠲᠤᠵᠤ ᠲᠥᠷᠦ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠣᠯᠤᠨ ᠬᠠᠤᠯᠢ ᠰᠠᢈᠢᠭᠤᠯᠬᠤ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠤ᠋ᠨ ᠤᠳᠤᠷᠢᠳᠬᠤ ᠪᠦᠷᠢᠯᠳᠦᢈᠦᠨ ᠦ᠋ ᠳᠤᠮᠳᠠ ᠵᠢᠯ ᠪᠦᠷᠢ ᠤᠯᠠᠮᠵᠢᠯᠠᠯ ᠪᠣᠯᠭᠠᠨ ᠶᠠᠪᠤᠭᠳᠠᠳᠠᠭ “ᠪᠢᠳᠡᠨ ᠦ᠋ ᠨᠥᢈᠦᠷᠯᠡᠯ᠆᠒᠐᠒᠖” ᠰᠫᠣᠷᠲ ᠤ᠋ᠨ ᠴᠣᠭᠴᠠᠯᠠᠪᠤᠷᠢ ᠲᠡᠮᠡᠴᠡᢉᠡᠨ ᠐᠓ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠑᠒᠆᠑᠓᠆ᠤ᠋ ᠡᠳᠦᠷ ᠦ᠋ᠳ ᠲᠦ ᠠᠮᠵᠢᠯᠲᠠᠲᠠᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠵᠢ᠂ᠠᠪᠤᠷᠭᠤ ᠨᠤᠭᠤᠳ ᠢ᠋ᠶᠠᠨ ᠲᠣᠳᠤᠷᠠᠭᠤᠯᠤᠯᠠ᠃ ᠵᠡᠪᠰᠡᢉᠲᠦ ᢈᠦᠴᠦᠨ ᠦ᠋ ᠵᠠᠩᠵᠤᠨ ᠱᠲ᠋ᠠᠪ ᠠ᠋ᠴᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠲᠤᠰ ᠲᠡᠮᠡᠴᠡᢉᠡᠨ ᠳ᠋ᠦ ᠲᠥᠷᠦ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠣᠯᠤᠨ ᠬᠠᠤᠯᠢ ᠰᠠᢈᠢᠭᠤᠯᠬᠤ ᠑᠓ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠑᠘᠐ ᠭᠠᠷᠤᠢ ᠤᠳᠤᠷᠢᠳᠬᠤ ᠠᠯᠪᠠᠨ ᠲᠤᠰᠢᠶᠠᠯᠲᠠᠨ ᠬᠣᠶᠠᠷ ᠡᠳᠦᠷ ᠦ᠋ᠨ ᠲᠤᠷᠰᠢ ᠪᠤᠤᠳᠠᠯᠭᠠ᠂ᠪᠢᠯᠯᠢᠠᠷᠳ᠋᠂ ᠸᠣᠯᠧᠶᠢᠪᠣᠯ ᠤ᠋ᠨ ᠲᠥᠷᠦᠯ ᠢ᠋ᠶᠡᠷ ᠠᠪᠬᠠᠯᠵᠢ ᠰᠠᠮᠪᠠᠭᠠ᠂ ᠴᠡᠴᠡ ᠮᠡᠷᢉᠡᠨ ᠢ᠋ᠶᠡᠨ ᠰᠣᠷᠢᠨ ᠥᠷᠢᠰᠦᠯᠳᠦᢉᠰᠡᠨ ᠶᠤᠮ᠃ ᠡᠨᠡ ᢈᠦ ᠲᠡᠮᠡᠴᠡᢉᠡᠨ ᠦ᠋ ᠪᠢᠯᠯᠢᠠᠷᠳ᠋ ᠤ᠋ᠨ ᠲᠥᠷᠦᠯ ᠳ᠋ᠦ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠐᠕ ᠳ᠋ᠤᠭᠠᠷ ᠠᠩᢉᠢ ᠶ᠋ᠢᠨ ᠵᠠᢈᠢᠷᠤᠭᠴᠢ᠂ᠳᠡᠳ᠋ ᠬᠤᠷᠠᠩᠳᠠ ᠪ᠂ᠴᠢᠩᠵᠣᠷᠢᠭ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠘᠑᠖ ᠳ᠋ᠤᠭᠠᠷ ᠠᠩᢉᠢ ᠶ᠋ᠢᠨ ᠵᠠᢈᠢᠷᠤᠭᠴᠢ᠂ ᠬᠤᠷᠠᠩᠳᠠ ᠳ᠂ᠭᠠᠩᠲᠡᠮᠦᠷ ᠨᠠᠷ ᠲᠤᠰ ᠲᠤᠰ «ᠭᠤᠲᠤᠭᠠᠷ ᠪᠠᠶᠢᠷᠢ"-ᠨᠳᠠ ᠰᠢᠯᠭᠠᠷᠠᠭᠰᠠᠨ ᠠᠮᠵᠢᠯᠲᠠᠲᠠᠢ ᠣᠷᠤᠯᠴᠠᠯᠠ᠃ ᠵᠢᠯ ᠪᠣᠯᠭᠠᠨ ᠤᠯᠠᠮᠵᠢᠯᠠᠯ ᠪᠣᠯᠭᠠᠨ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠳᠠᠭ ᠲᠤᠰ ᠲᠡᠮᠡᠴᠡᢉᠡᠨ ᠢ᠋ ᠒᠐᠒᠗ ᠣᠨ ᠳ᠋ᠤ ᢈᠢᠯᠢ ᠬᠠᠮᠠᠭᠠᠯᠠᠬᠤ ᠶᠡᠷᠦᠩᢈᠡᠢ ᠭᠠᠵᠠᠷ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠪᠠᠷ ᠪᠣᠯᠤᠭᠰᠠᠨ ᠶᠤᠮ᠃
Монгол Улсад Зэвсэгт хүчин үүсэн байгуулагдсаны 105 жилийн ой, “Монгол цэргийн өдөр”-ийг угтаж Төрийн цэргийн болон хууль сахиулах байгууллагуудын удирдах бүрэлдэхүүний дунд жил бүр уламжлал болгон явагддаг “Бидний нөхөрлөл-2026” спортын цогцолбор тэмцээн 03 дугаар сарын 12-13-ны өдрүүдэд амжилттай зохион байгуулагдаж, аваргуудаа тодрууллаа.
Зэвсэгт хүчний Жанжин штабаас зохион байгуулсан тус тэмцээнд төрийн цэргийн болон хууль сахиулах 13 байгууллагын 180 гаруй удирдах албан тушаалтан хоёр өдрийн турш буудлага, биллиард, волейболын төрлөөр авхаалж самбаа, цэц мэргэнээ сорин өрсөлдсөн юм.
Энэхүү тэмцээний биллиардын төрөлд Дотоодын цэргийн 05 дугаар ангийн захирагч, дэд хурандаа Б.Чинзориг, Дотоодын цэргийн 816 дугаар ангийн захирагч, хурандаа Д.Гантөмөр нар тус тус "Гутгаар байр"-нд шалгарсан амжилттай оролцлоо.
Жил болгон уламжлал болгон зохион байгуулагддаг тус тэмцээнийг 2027 онд Хил хамгаалах ерөнхий газар зохион байгуулахаар болсон юм.
