100 жил
УЛСЫН ОНЦ ЧУХАЛ ОБЪЕКТЫН ХАМГААЛАЛТЫН ЦОГЦ СИСТЕМИЙГ “ЭРДЭНЭТ ҮЙЛДВЭР”-Т ТАНИЛЦУУЛЛАА
ᠤᠯᠤᠰ ᠤ᠋ᠨ ᠣᠨᠴᠠ ᠴᠢᠬᠤᠯᠠ ᠣᠪᠶᠧᠻᠲ ᠤ᠋ᠨ ᠬᠠᠮᠠᠭᠠᠯᠠᠯᠲᠠ ᠶ᠋ᠢᠨ ᠴᠣᠭᠴᠠ ᠰᠢᠰᠲ᠋ᠧᠮ ᠢ᠋ “ᠡᠷᠳᠡᠨᠢᠲᠦ ᠦᠶᠢᠯᠡᠳᠪᠦᠷᠢ”᠆ᠲ ᠲᠠᠨᠢᠯᠴᠠᠭᠤᠯᠤᠯᠠ
ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ᠂ᠬᠤᠷᠠᠩᠳᠠ ᠨ᠂ᡀᠠᠭᠪᠠᠰᠠᠶᠢᠬᠠᠨ ᠣᠷᠬᠤᠨ ᠠᠶᠢᠮᠠᠭ ᠤ᠋ᠨ ᠘᠑᠖ ᠳ᠋ᠤᠭᠠᠷ ᠠᠩᢉᠢ ᠳ᠋ᠤ ᠡᠨᠡ ᠣᠨ ᠤ᠋ ᠐᠖ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠐᠔᠆ᠡᠴᠡ ᠐᠖᠆ᠤ᠋ ᠡᠳᠦᠷ ᠦ᠋ᠳ ᠲᠦ ᠠᠵᠢᠯᠯᠠᠵᠤ ᠪᠠᠶᠢᠨᠠ᠃ ᠡᠨᠡ ᠦᠶᠡ ᠪᠡᠷ “ᠡᠷᠳᠡᠨᠢᠲᠦ ᠦᠶᠢᠯᠡᠳᠪᠦᠷᠢ” ᠲᠥ᠂ᠦ᠂ᢉ᠆ᠤ᠋ᠨ ᠤᠳᠤᠷᠢᠳᠤᠯᠭᠠ ᠨᠤᠭᠤᠳ ᠲᠤ ᠤᠯᠤᠰ ᠤ᠋ᠨ ᠣᠨᠴᠠ ᠴᠢᠬᠤᠯᠠ ᠣᠪᠶᠧᠻᠲ ᠤ᠋ᠨ ᠬᠠᠮᠠᠭᠠᠯᠠᠯᠲᠠ ᠶ᠋ᠢᠨ ᠴᠣᠭᠴᠠ ᠰᠢᠰᠲ᠋ᠧᠮ ᠢ᠋ ᠲᠠᠨᠢᠯᠴᠠᠭᠤᠯᠬᠤ ᠠᠭᠤᠯᠵᠠᠯᠲᠠ ᠶ᠋ᠢ ᠥᠨᠦᠳᠦᠷ ᠡᠷᠳᠡᠨᠢᠲᠦ ᠦᠶᠢᠯᠡᠳᠪᠦᠷᠢ ᠶ᠋ᠢᠨ ᠪᠠᠶᠢᠷᠢᠯᠠᠯ ᠳ᠋ᠤ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ᠃ ᠠᠭᠤᠯᠵᠠᠯᠲᠠ ᠳ᠋ᠤ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ᠂ ᠬᠤᠷᠠᠩᠳᠠ ᠨ᠂ᡀᠠᠭᠪᠠᠰᠠᠶᠢᠬᠠᠨ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠘᠑᠖ ᠳ᠋ᠤᠭᠠᠷ ᠠᠩᢉᠢ ᠶ᠋ᠢᠨ ᠵᠠᢈᠢᠷᠤᠭᠴᠢ᠂ ᠬᠤᠷᠠᠩᠳᠠ ᠳ᠂ᠭᠠᠩᠲᠡᠮᠦᠷ᠂ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠰᠠᠩᢈᠦᠦ᠂ ᠠᠷᠤ ᠲᠠᠯᠠ ᠶ᠋ᠢᠨ ᢈᠡᠯᠲᠡᠰ ᠦ᠋ᠨ ᠳᠠᠷᠤᠭᠠ᠂ᠬᠣᠰᠢᠭᠤᠴᠢ ᠳ᠂ᠪᠠᠲᠤᢉᠡᠷᠡᠯ ᠪᠣᠯᠤᠨ “ᠡᠷᠳᠡᠨᠢᠲᠦ ᠦᠶᠢᠯᠡᠳᠪᠦᠷᠢ” ᠲᠥ᠂ᠦ᠂ᢉᠠ᠆ᠤ᠋ᠨ ᠵᠠᢈᠢᠷᠭᠠ᠂ ᠤᠳᠤᠷᠢᠳᠤᠯᠭᠠ᠂ ᠰᠠᠩᢈᠦᠦ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ ᠳ᠂ᠪᠠᠶᠠᠷᠪᠠᠲᠤ᠂ ᠦᠶᠢᠯᠡᠳᠪᠦᠷᠢᠯᠡᠯ᠂ ᠲᠧᢈᠨᠢᠻ ᠦ᠋ᠨ ᠪᠣᠳᠤᠯᠭᠠ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ ᠫ᠂ᠪᠠᠲᠤᠪᠣᠯᠤᠷ᠂ ᠬᠠᠤᠯᠢ ᠶ᠋ᠢᠨ ᢈᠡᠯᠲᠡᠰ ᠦ᠋ᠨ ᠳᠠᠷᠤᠭᠠ ᠬᠠ᠂ᠪᠣᠯᠤᠳᠪᠠᠭᠠᠲᠤᠷ ᠲᠡᠷᠢᢉᠦᠲᠡᠢ ᠬᠣᠯᠪᠤᠭᠳᠠᠬᠤ ᠨᠢᢉᠡᠴᠡ ᠶ᠋ᠢᠨ ᠤᠳᠤᠷᠢᠳᠤᠯᠭᠠ ᠨᠤᠭᠤᠳ ᠣᠷᠤᠯᠴᠠᠪᠠ᠃ ᠡᠨᠡ ᠦᠶᠡ ᠪᠡᠷ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠦᠨᠳᠦᠰᠦᠨ ᠵᠢᠷᠭᠤᠭᠠᠨ ᠴᠢᢉ ᠡᢉᠦᠷᢉᠡ ᠶ᠋ᠢᠨ ᢈᠦᠷᠢᠶᠡᠨ ᠳ᠋ᠦ ᠤᠯᠤᠰ ᠤ᠋ᠨ ᠣᠨᠴᠠ ᠴᠢᠬᠤᠯᠠ ᠣᠪᠶᠧᠻᠲ ᠤ᠋ᠨ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠬᠤ ᠠᠰᠠᠭᠤᠳᠠᠯ ᠳ᠋ᠤ ᠣᠨᠴᠤᠭᠤᠢ ᠠᠩᠬᠠᠷᠤᠯ ᠬᠠᠨᠳᠤᠭᠤᠯᠵᠤ ᠪᠤᠢ ᠶ᠋ᠢ ᠴᠣᠬᠤᠨ ᠲᠡᠮᠳᠡᢉᠯᠡᢉᠰᠡᠨ᠃ ᠳᠡᠯᠡᢈᠡᠢ ᠶ᠋ᠢᠨ ᠤᠯᠤᠰ ᠣᠷᠤᠨ ᠨᠤᠭᠤᠳ ᠤᠯᠤᠰ ᠤ᠋ᠨ ᠣᠨᠴᠠ ᠴᠢᠬᠤᠯᠠ ᠣᠪᠶᠧᠻᠲ ᠤ᠋ᠨ ᠬᠠᠮᠠᠭᠠᠯᠠᠯᠲᠠ ᠳ᠋ᠤ ᢈᠦᠮᠦᠨ ᠦ᠋ ᢈᠦᠴᠦᠨ ᠵᠦᠶᠢᠯ ᠡᠴᠡ ᠰᠢᠯᠲᠠᠭᠠᠯᠠᠬᠤ ᠤᠯᠠᠮᠵᠢᠯᠠᠯᠲᠤ ᠠᠷᠭᠠ ᢈᠡᠷᠡᢉᠯᠡᢈᠦ ᠡᠴᠡ ᠲᠠᠲᠠᠭᠠᠯᠵᠠᠵᠤ᠂ᢈᠢᠮᠡᠯ ᠣᠶᠤᠨ ᠤᠬᠠᠭᠠᠨ᠂ ᠳᠡᠪᠰᠢᠯᠲᠡᠲᠦ ᠲᠧᢈᠨᠢᠻ ᠲᠧᢈᠨᠣᠯᠣᢉᠢ᠂ ᠻᠠᠮᠧᠷᠵᠢᠭᠤᠯᠤᠯᠲᠠ᠂ ᠫᠧᠷᠢᠮᠧᠲ᠋ᠷ ᠦ᠋ᠨ ᠪᠣᠯᠤᠨ ᠷᠠᠳᠠᠷ ᠤ᠋ᠨ ᢈᠢᠨᠠᠯᠲᠠ ᠶ᠋ᠢᠨ ᠰᠢᠰᠲ᠋ᠧᠮ ᠢ᠋ ᠥᠷᢉᠡᠨ ᠢ᠋ᠶᠡᠷ ᠨᠡᠪᠲᠡᠷᠡᢉᠦᠯᠵᠦ ᠪᠠᠶᠢᠭᠠ ᠶ᠋ᠢ ᠲᠠᠨᠢᠯᠴᠠᠭᠤᠯᠤᠯᠠ᠃ ᠠ᠂ᠨᠢ᠂ᠤ᠂ ᠪᠦ᠂ᠨᠠ᠂ᠾᠠ᠂ᠣ᠂ ᠶᠡᢈᠡ ᠪᠷᠢᠲ᠋ᠠᠨ᠋᠂ ᠬᠣ᠂ᠪᠦ᠂ᠨᠠ᠂ᢉᠧ᠂ᠤ ᠵᠡᠷᢉᠡ ᠤᠯᠤᠰ ᠤ᠋ᠨ ᠲᠤᠷᠰᠢᠯᠭᠠ ᠠ᠋ᠴᠠ ᠬᠠᠷᠠᠬᠤ ᠳ᠋ᠤ ᠬᠠᠮᠠᠭᠠᠯᠠᠯᠲᠠ ᠶ᠋ᠢᠨ ᠤᠬᠠᠭᠠᠯᠢᠭ᠂ ᠨᠢᢉᠡᠳᠦᢉᠰᠡᠨ ᠰᠢᠰᠲ᠋ᠧᠮ ᠨᠢ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠢ᠋ ᠢᠯᠡᢉᠦᠦ ᠦᠷᠡ ᠳ᠋ᠦᠩᠲᠡᠢ ᠬᠠᠩᠭᠠᠬᠤ ᠪᠣᠯᠤᠮᠵᠢ ᠪᠦᠷᠢᠳᠦᢉᠦᠯᠵᠦ ᠪᠤᠢ ᠶ᠋ᠢ ᠣᠨᠴᠠᠯᠠᠪᠠ᠃ ᠲᠠᠯᠠ ᠨᠤᠭᠤᠳ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᢈᠥᠲᠦᠯᠪᠦᠷᠢ ᠳ᠋ᠦ ᠲᠤᠰᠬᠠᠭᠳᠠᠭᠰᠠᠨ “ᠤᠯᠤᠰ ᠤ᠋ᠨ ᠣᠨᠴᠠ ᠴᠢᠬᠤᠯᠠ ᠣᠪᠶᠧᠻᠲ ᠤ᠋ᠨ ᠬᠠᠮᠠᠭᠠᠯᠠᠯᠲᠠ ᠶ᠋ᠢᠨ ᠴᠣᠭᠴᠠ ᠰᠢᠰᠲ᠋ᠧᠮ” ᠲᠥᠰᠦᠯ ᠢ᠋ ᠰᠲ᠋ᠷᠠᠲ᠋ᠧᢉᠢ ᠲᠥᠯᠦᠪᠯᠡᠯᠲᠡ ᠶ᠋ᠢᠨ ᢈᠦᠷᠢᠶᠡᠨ ᠳ᠋ᠦ ᠦᠶᠡ ᠱᠠᠲᠤᠲᠠᠢ ᢈᠡᠷᠡᢉᠵᠢᢉᠦᠯᢈᠦ ᠨᠢ ᠵᠦᠶᠢᠲᠡᠢ ᢉᠡᠰᠡᠨ ᠪᠠᠶᠢᠷᠢ ᠰᠠᠭᠤᠷᠢᠲᠠᠢ ᠪᠠᠶᠢᠭᠠ ᠪᠠᠨ ᠢᠯᠡᠷᢈᠡᠶᠢᠯᠡᠯᠡ᠃ ᠲᠡᢉᠦᠨᠴᠢᠯᠡᠨ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠘᠑᠖ ᠳ᠋ᠤᠭᠠᠷ ᠠᠩᢉᠢ ᠶ᠋ᠢᠨ ᠠᠯᠪᠠ ᠬᠠᠭᠠᠭᠴᠢ ᠳ᠋ᠤ ᠬᠠᠤᠯᠢ ᠪᠠᠷ ᢈᠦᠯᠢᠶᠡᢉᠰᠡᠨ ᠡᢉᠦᠷᢉᠡ ᠪᠡᠨ ᠬᠠᠩᠭᠠᠯᠲᠠᠲᠠᠢ ᠰᠠᠶᠢᠨ ᢈᠡᠷᠡᢉᠵᠢᢉᠦᠯᠵᠦ ᠪᠠᠶᠢᠭᠠ ᠶ᠋ᠢ ᠦᠨᠡᠯᠡᠵᠦ᠂ᠴᠠᠭᠠᠰᠢᠳᠠ ᠲᠧᢈᠨᠢᠻ᠂ ᠲᠣᠨᠤᠭ ᠲᠥᢈᠦᢉᠡᠷᠦᠮᠵᠢ ᠶ᠋ᠢᠨ ᠰᠢᠨᠡᠴᠢᠯᠡᠯ ᢈᠢᢈᠦ᠂ ᠬᠠᠮᠠᠭᠠᠯᠠᠯᠲᠠ ᠶ᠋ᠢᠨ ᠳᠡᠪᠰᠢᠯᠲᠡᠲᠦ ᠴᠣᠭᠴᠠ ᠰᠢᠰᠲ᠋ᠧᠮ ᠢ᠋ ᠦᠶᠡ ᠱᠠᠲᠤᠲᠠᠢ ᠨᠡᠪᠲᠡᠷᠡᢉᠦᠯᢈᠦ ᠴᠢᢉᠯᠡᠯ ᠢ᠋ᠶᠡᠷ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠱᠠᠭᠠᠷᠳᠠᠯᠭᠠᠲᠠᠢ ᢉᠡᠳᠡᢉ ᠲᠦ ᠰᠠᠨᠠᠯ ᠨᠢᢉᠡᠳᠪᠡ᠃
Дотоодын цэргийн штабын дарга, хурандаа Н.Лхагвасайхан Орхон аймгийн 816 дугаар ангид энэ оны 06 дугаар сарын 04-өөс 06-ны өдрүүдэд ажиллаж байна.
Энэ үеэр “Эрдэнэт үйлдвэр” ТӨҮГ-ын удирдлагуудад Улсын онц чухал объектын хамгаалалтын цогц системийг танилцуулах уулзалтыг өнөөдөр Эрдэнэт үйлдвэрийн байрлалд зохион байгууллаа.
Уулзалтад Дотоодын цэргийн штабын дарга, хурандаа Н.Лхагвасайхан, Дотоодын цэргийн 816 дугаар ангийн захирагч, хурандаа Д.Гантөмөр, Дотоодын цэргийн штабын Санхүү, ар талын хэлтсийн дарга, хошууч Д.Батгэрэл болон “Эрдэнэт үйлдвэр” ТӨҮГ-ын Захиргаа, удирдлага, санхүүгийн газрын дарга Д.Баярбат, Үйлдвэрлэл, техникийн бодлогын газрын дарга П.Батболор, Хуулийн хэлтсийн дарга Х.Болдбаатар тэргүүтэй холбогдох нэгжийн удирдлагууд оролцов.
Энэ үеэр Дотоодын цэргийн байгууллагын үндсэн зургаан чиг үүргийн хүрээнд Улсын онц чухал объектын аюулгүй байдлыг хангах асуудалд онцгой анхаарал хандуулж буйг цохон тэмдэглэсэн.
Дэлхийн улс орнууд Улсын онц чухал объектын хамгаалалтад хүний хүчин зүйлээс шалтгаалах уламжлалт арга хэрэглэхээс татгалзаж, хиймэл оюун ухаан, дэвшилтэт техник технологи, камержуулалт, периметрийн болон радарын хяналтын системийг өргөнөөр нэвтрүүлж байгааг танилцууллаа. АНУ, БНХАУ, ОХУ, Их Британи, ХБНГУ зэрэг улсын туршлагаас харахад хамгаалалтын ухаалаг, нэгдсэн систем нь аюулгүй байдлыг илүү үр дүнтэй хангах боломж бүрдүүлж буйг онцлов.
Талууд Монгол Улсын Засгийн газрын хөтөлбөрт тусгагдсан “Улсын онц чухал объектын хамгаалалтын цогц систем” төслийг стратеги төлөвлөлтийн хүрээнд үе шаттай хэрэгжүүлэх нь зүйтэй гэсэн байр суурьтай байгаагаа илэрхийллээ. Түүнчлэн Дотоодын цэргийн 816 дугаар ангийн алба хаагчид хуулиар хүлээсэн үүргээ хангалттай сайн хэрэгжүүлж байгааг үнэлж, цаашид техник, тоног төхөөрөмжийн шинэчлэл хийх, хамгаалалтын дэвшилтэт цогц системийг үе шаттай нэвтрүүлэх чиглэлээр хамтран ажиллах шаардлагатай гэдэгт санал нэгдэв.
