100 жил
АЛБА ХААГЧИЙН ГЭР БҮЛД БАЙШИН БАРЬЖ, ХҮЛЭЭЛГЭН ӨГЛӨӨ
ᠠᠯᠪᠠ ᠬᠠᠭᠠᠭᠴᠢ ᠶ᠋ᠢᠨ ᢉᠡᠷ ᠪᠦᠯᠢ ᠳ᠋ᠦ ᠪᠠᠶᠢᠰᠢᠩ ᠪᠠᠷᠢᠵᠤ᠂ ᢈᠦᠯᠢᠶᠡᠯᢉᠡᠨ ᠥᢉᢉᠦᠯᠡ
ᠴᠡᠷᠢᢉ ᠦ᠋ᠨ ᠭᠠᠪᠢᠶᠠᠨ ᠤ᠋ ᠤᠯᠠᠭᠠᠨ ᠲᠤᠭ ᠤ᠋ᠨ ᠣᠳᠤᠨᠲᠤ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠘᠑᠖ ᠳ᠋ᠤᠭᠠᠷ ᠠᠩᢉᠢ ᠠ᠋ᠴᠠ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠢ᠋ᠶᠠᠨ ᠨᠡᠶᠢᢉᠡᠮ ᠦ᠋ᠨ ᠠᠰᠠᠭᠤᠳᠠᠯ ᠢ᠋ ᠰᠢᠢᠳᠪᠦᠷᠢᠯᠡᢈᠦ᠂ᠠᠷᠤ ᢉᠡᠷ ᠢ᠋ ᠨᠢ ᠳᠡᠮᠵᠢᢈᠦ ᠵᠣᠷᠢᠯᠭᠠ ᠪᠠᠷ “ᠳᠡᠮ ᠳᠡᠮ ᠳ᠋ᠦ ᠪᠡᠨ” ᠰᠠᠶᠢᠨ ᠦᠶᠢᠯᠡᠰ ᠦ᠋ᠨ ᠠᠶᠠᠨ ᠢ᠋ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ᠃ ᠠᠶᠠᠨ ᠤ᠋ ᢈᠦᠷᠢᠶᠡᠨ ᠳ᠋ᠦ ᠨᠢᢉᠡᠳᠦᢉᠡᠷ ᠰᠠᠯᠪᠤᠷᠢ ᠶ᠋ᠢᠨ ᠬᠠᠮᠠᠭᠠᠯᠠᠯᠲᠠ ᠶ᠋ᠢᠨ ᠠᠵᠢᠯᠲᠠᠨ᠂ ᠳᠡᠳ᠋ ᠠᠬᠠᠯᠠᠭᠴᠢ ᠬᠠ᠂ᠤᠤᠭᠠᠨᠪᠠᠶᠠᠷ ᠤ᠋ᠨ ᢉᠡᠷ ᠪᠦᠯᠢ ᠳ᠋ᠦ ᠵᠣᠷᠢᠭᠤᠯᠤᠨ ᠬᠠᠰᠢᠶᠠ᠂ ᠪᠠᠶᠢᠰᠢᠩ ᠪᠠᠷᠢᠵᠤ᠂ ᠠᠰᠢᠭᠯᠠᠯᠲᠠ ᠳ᠋ᠤ ᠣᠷᠤᠭᠤᠯᠤᠨ ᢈᠦᠯᠢᠶᠡᠯᢉᠡᠨ ᠥᢉᢈᠦ ᠦᠶᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠶᠤᠮ᠃ ᠦᠶᠢᠯᠡ ᠠᠵᠢᠯᠯᠠᠭᠠᠨ ᠳ᠋ᠤ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ᠂ ᠬᠤᠷᠠᠩᠳᠠ ᠨ᠂ᡀᠠᠭᠪᠠᠰᠠᠶᠢᠬᠠᠨ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠘᠑᠖ ᠳ᠋ᠤᠭᠠᠷ ᠠᠩᢉᠢ ᠶ᠋ᠢᠨ ᠵᠠᢈᠢᠷᠤᠭᠴᠢ᠂ ᠬᠤᠷᠠᠩᠳᠠ ᠳ᠂ᠭᠠᠩᠲᠡᠮᠦᠷ ᠪᠣᠯᠤᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ ᠶ᠋ᠢᠨ ᠵᠥᠪᠯᠡᠯ ᠦ᠋ᠨ ᢉᠡᠰᠢᢉᠦᠳ ᠠᠯᠪᠠ ᠬᠠᠭᠠᠭᠴᠢᠳ ᠣᠷᠤᠯᠴᠠᠯᠠ᠃ ᠳᠡᠳ᠋ ᠠᠬᠠᠯᠠᠭᠴᠢ ᠬᠠ᠂ᠤᠤᠭᠠᠨᠪᠠᠶᠠᠷ ᠨᠢ ᠐᠆᠗ ᠨᠠᠰᠤᠨ ᠤ᠋ ᠵᠢᠷᠭᠤᠭᠠᠨ ᢈᠡᠦᢈᠡᠳ ᠦ᠋ᠨ ᠠᠪᠤ ᠪᠥᢉᠡᠳ ᠠᠵᠢᠯ ᠦᠶᠢᠯᠡᠰ ᠢ᠋ᠶᠡᠷ ᠢ᠋ᠶᠡᠨ ᠬᠠᠮᠲᠤ ᠣᠯᠠᠨ ᠢ᠋ᠶᠠᠨ ᠮᠠᠩᠯᠠᠶᠢᠯᠠᠭᠰᠠᠨ᠂ ᠵᠠᠯᠠᠭᠤ ᠦᠶᠡ ᠶ᠋ᠢᠨ ᠰᠢᠯᠢᠳᠡᢉ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠨᠢᢉᠡ ᠶᠤᠮ᠃ ᠡᠨᠡ ᢈᠦ ᠰᠠᠶᠢᠨ ᠦᠶᠢᠯᠡᠰ ᠦ᠋ᠨ ᠠᠶᠠᠨ ᠨᠢ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠢ᠋ᠶᠠᠨ ᠠᠵᠢᠯᠯᠠᠬᠤ᠂ ᠠᠮᠢᠳᠤᠷᠠᠬᠤ ᠨᠥᢈᠦᠴᠡᠯ ᠢ᠋ ᠰᠠᠶᠢᠵᠢᠷᠠᠭᠤᠯᠬᠤ᠂ ᢉᠡᠷ ᠪᠦᠯᠢ ᠳ᠋ᠦ ᠨᠢ ᠪᠣᠳᠠᠲᠤ ᠳᠡᠮᠵᠢᠯᢉᠡ ᠦᠵᠡᢉᠦᠯᢈᠦ ᠳ᠋ᠦ ᠴᠢᢉᠯᠡᢉᠰᠡᠨ ᠪᠥᢉᠡᠳ ᠬᠠᠮᠲᠤ ᠣᠯᠠᠨ ᠤ᠋ ᠡᠪ ᠨᠢᢉᠡᠳᠦᠯ᠂ ᢈᠦᠮᠦᠨᠯᠢᢉ ᠰᠡᠳᢈᠢᠯ ᠦ᠋ᠨ ᠢᠯᠡᠷᢈᠡᠶᠢᠯᠡᠯ ᠪᠣᠯᠤᠯᠠ᠃
Цэргийн гавьяаны Улаан тугийн одонт Дотоодын цэргийн 816 дугаар ангиас алба хаагчдынхаа нийгмийн асуудлыг шийдвэрлэх, ар гэрийг нь дэмжих зорилгоор “Дэм дэмэндээ” сайн үйлсийн аяныг зохион байгууллаа.
Аяны хүрээнд Нэгдүгээр салбарын хамгаалалтын ажилтан, дэд ахлагч Х.Ууганбаярын гэр бүлд зориулан хашаа, байшин барьж, ашиглалтад оруулан хүлээлгэн өгөх үйл ажиллагааг зохион байгуулсан юм.
Үйл ажиллагаанд Дотоодын цэргийн штабын дарга, хурандаа Н.Лхагвасайхан, дотоодын цэргийн 816 дугаар ангийн захирагч, хурандаа Д.Гантөмөр болон штабын даргын зөвлөлийн гишүүд алба хаагчид оролцлоо.
Дэд ахлагч Х.Ууганбаяр нь 0-7 насны зургаан хүүхдийн аав бөгөөд ажил үйлсээрээ хамт олноо манлайлсан, залуу үеийн шилдэг алба хаагчдын нэг юм.
Энэхүү сайн үйлсийн аян нь алба хаагчдынхаа ажиллах, амьдрах нөхцөлийг сайжруулах, гэр бүлд нь бодит дэмжлэг үзүүлэхэд чиглэсэн бөгөөд хамт олны эв нэгдэл, хүмүүнлэг сэтгэлийн илэрхийлэл боллоо.
