100 жил
АЛБА ХААГЧДАД ЦОЛ, ШАГНАЛ ГАРДУУЛЛАА
ᠠᠯᠪᠠ ᠬᠠᠭᠠᠭᠴᠢᠳ ᠲᠤ ᠴᠣᠯᠠ᠂ ᠱᠠᠩᠨᠠᠯ ᠭᠠᠷᠳᠠᠭᠤᠯᠤᠯᠠ
ᠲᠤᠯᠭᠤᠷ ᠲᠥᠷᠦ ᠶ᠋ᠢᠨ ᠒᠒᠓᠕᠂ ᠶᠡᢈᠡ ᠮᠣᠩᠭᠣᠯ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ᠋ ᠘᠒᠐᠂ ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯ ᠤ᠋ᠨ ᠑᠐᠕᠂ᠴᠠᠭᠳᠠᠭᠠ ᠶ᠋ᠢᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠑᠐᠕᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠑᠐᠔ ᠵᠢᠯ ᠦ᠋ᠨ ᠣᠢ᠂ᠦᠨᠳᠦᠰᠦᠨ ᠦ᠋ ᠶᠡᢈᠡ ᠪᠠᠶᠠᠷ ᠨᠠᠭᠠᠳᠤᠮ ᠢ᠋ ᠲᠣᢈᠢᠶᠠᠯᠳᠤᠭᠤᠯᠤᠨ ᠬᠠᠤᠯᠢ ᠪᠠᠷ ᢈᠦᠯᠢᠶᠡᢉᠰᠡᠨ ᠡᢉᠦᠷᢉᠡ ᠪᠡᠨ ᠨᠡᠷᠡ ᠲᠥᠷᠦᠲᠡᠢ ᠪᠡᠶᠡᠯᠡᢉᠦᠯᠵᠦ᠂ᠠᠵᠢᠯ᠂ ᠮᠡᠷᢉᠡᠵᠢᠯ ᠳ᠋ᠦ ᠪᠡᠨ ᠢᠳᠡᠪᢈᠢ ᠵᠢᠳᢈᠦᠯ᠂ ᠦᠷᠡ ᠪᠦᠲᠦᢉᠡᠯ ᠭᠠᠷᠭᠠᠨ᠂ ᠬᠠᠮᠲᠤ ᠣᠯᠠᠨ ᠢ᠋ᠶᠠᠨ ᠮᠠᠩᠯᠠᠶᠢᠯᠠᠨ ᠠᠵᠢᠯᠯᠠᠭᠰᠠᠨ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᢈᠥᠳᠡᠯᠮᠦᠷᠢ ᠶ᠋ᠢ ᠲᠥᠷᠦ᠂ ᠵᠠᠰᠠᠭ ᠠ᠋ᠴᠠ ᠥᠨᠳᠦᠷ ᠢ᠋ᠶᠡᠷ ᠦᠨᠡᠯᠡᠵᠦ᠂ ᠱᠠᠩᠨᠠᠯ ᠭᠠᠷᠳᠠᠭᠤᠯᠬᠤ ᠦᠶᠢᠯᠡ ᠠᠵᠢᠯᠯᠠᠭᠠ ᠶᠣᠰᠤᠯᠠᠯ ᠲᠡᢉᠦᠯᠳᠡᠷ ᠪᠣᠯᠤᠯᠠ᠃ ᠡᠨᠡ ᢈᠦ ᠦᠶᠢᠯᠡ ᠠᠵᠢᠯᠯᠠᠭᠠ ᠥᠨᠦᠳᠦᠷ /᠒᠐᠒᠖᠂᠐᠗᠂᠐᠘/ ᠨᠡᠶᠢᠰᠯᠡᠯ ᠦ᠋ᠨ ᠴᠠᠭᠳᠠᠭᠠ ᠶ᠋ᠢᠨ ᠤᠳᠤᠷᠢᠳᠬᠤ ᠭᠠᠵᠠᠷ ᠤ᠋ᠨ ᠲᠥᠪ ᠲᠠᠯᠠᠪᠠᠢ᠂ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠘᠐᠕ ᠳ᠋ᠤᠭᠠᠷ ᠠᠩᢉᠢ ᠶ᠋ᠢᠨ ᠪᠠᠶᠢᠷᠢᠯᠠᠯ ᠳ᠋ᠤ ᠪᠣᠯᠵᠤ᠂ ᠴᠠᠭᠳᠠᠭᠠ ᠶ᠋ᠢᠨ ᠶᠡᠷᠦᠩᢈᠡᠢ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ᠂ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠻᠣᠮᠮᠠᠨ᠋ᠳ᠋ᠯᠠᠭᠴᠢ᠂ ᠬᠣᠰᠢᠭᠤᠴᠢ ᢉᠧᠨᠧᠷᠠᠯ ᠵᠠ᠂ᠪᠣᠯᠤᠳ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ᠂ ᠪᠷᠢᠭᠠᠳ᠋ ᠤ᠋ᠨ ᢉᠧᠨᠧᠷᠠᠯ ᠨᠠ᠂ᡀᠠᠭᠪᠠᠰᠠᠶᠢᠬᠠᠨ ᠪᠣᠯᠤᠨ ᠳᠠᠷᠤᠭᠠ ᠶ᠋ᠢᠨ ᠵᠥᠪᠯᠡᠯ ᠦ᠋ᠨ ᢉᠡᠰᠢᢉᠦᠳ ᠣᠷᠤᠯᠴᠠᠪᠠ᠃ ᠡᠨᠡ ᢈᠦ ᠲᠡᠦᢈᠡᠨ ᠡᠳᠦᠷ ᠢ᠋ ᠲᠣᢈᠢᠶᠠᠯᠳᠤᠭᠤᠯᠤᠨ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠪᠡᠶᠡ ᠪᠦᠷᠢᠯᠳᠦᢈᠦᠨ ᠡᠴᠡ ᠬᠠᠤᠯᠢ ᠵᠦᠢ᠂ᠳᠣᠲᠤᠭᠠᠳᠤ ᢈᠡᠷᠡᢉ ᠦ᠋ᠨ ᠶᠠᠮᠤᠨ ᠤ᠋ ᠱᠠᠩᠨᠠᠯ ᠢ᠋ᠶᠠᠷ ᠓᠔᠂ ᠴᠠᠭᠳᠠᠭᠠ ᠶ᠋ᠢᠨ ᠶᠡᠷᠦᠩᢈᠡᠢ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ᠂ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠻᠣᠮᠮᠠᠨ᠋ᠳ᠋ᠯᠠᠭᠴᠢ ᠶ᠋ᠢᠨ ᠱᠠᠩᠨᠠᠯ ᠢ᠋ᠶᠠᠷ ᠔᠘᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ ᠶ᠋ᠢᠨ ᠱᠠᠩᠨᠠᠯ ᠢ᠋ᠶᠠᠷ ᠑᠓᠙᠂ᠨᠡᠶᠢᠲᠡ ᠒᠒᠑ ᠠᠯᠪᠠ ᠬᠠᠭᠠᠭᠴᠢ ᠱᠠᠩᠨᠠᠭᠳᠠᠵᠤ᠂ ᠬᠤᠭᠤᠴᠠᠭᠠᠨ ᠤ᠋ ᠳᠡᠳ᠋ ᠬᠤᠷᠠᠩᠳᠠ ᠴᠣᠯᠠ ᠪᠠᠷ ᠑᠐᠂ᠴᠠᠭᠳᠠᠭᠠ ᠶ᠋ᠢᠨ ᠳᠡᠳ᠋ ᠬᠤᠷᠠᠩᠳᠠ ᠴᠣᠯᠠ ᠪᠠᠷ ᠑᠂ ᠬᠣᠰᠢᠭᠤᠴᠢ ᠴᠣᠯᠠ ᠪᠠᠷ ᠑᠑᠂ᠠᠬᠠᠮᠠᠳ ᠴᠣᠯᠠ ᠪᠠᠷ ᠑᠗᠂ ᠠᠬᠠᠯᠠᠬᠤ ᠳᠡᠰᠯᠡᢉᠴᠢ ᠴᠣᠯᠠ ᠪᠠᠷ ᠒᠐᠂ ᠴᠠᠭᠳᠠᠭᠠ ᠶ᠋ᠢᠨ ᠠᠬᠠᠯᠠᠬᠤ ᠳᠡᠰᠯᠡᢉᠴᠢ ᠴᠣᠯᠠ ᠪᠠᠷ ᠑᠂ᠣᠹᠢᠼᠧᠷ ᠤ᠋ᠨ ᠪᠦᠷᠢᠯᠳᠦᢈᠦᠨ ᠳ᠋ᠦ ᠣᠷᠤᠭᠤᠯᠵᠤ᠂ ᠳᠡᠰᠯᠡᢉᠴᠢ ᠴᠣᠯᠠ ᠪᠠᠷ ᠑᠂ ᠰᠤᠷᠭᠠᠭᠴᠢ ᠠᠬᠠᠯᠠᠭᠴᠢ ᠴᠣᠯᠠ ᠪᠠᠷ ᠒᠂ᠠᠬᠠᠯᠠᠬᠤ ᠠᠬᠠᠯᠠᠭᠴᠢ ᠴᠣᠯᠠ ᠪᠠᠷ ᠓᠗᠂ ᠠᠬᠠᠯᠠᠭᠴᠢ ᠴᠣᠯᠠ ᠪᠠᠷ ᠔᠔᠂ ᠤᠷᠢᠳᠠ ᢈᠡᠷᠡᢉᠯᠡᠵᠦ ᠪᠠᠶᠢᠭᠰᠠᠨ ᠠᠬᠠᠯᠠᠭᠴᠢ ᠴᠣᠯᠠ ᠶ᠋ᠢ ᠓ ᠠᠯᠪᠠ ᠬᠠᠭᠠᠭᠴᠢ ᠳ᠋ᠤ ᠰᠡᠷᢉᠦᢉᠡᠵᠦ᠂ ᠨᠡᠶᠢᠲᠡ ᠑᠔᠗ ᠠᠯᠪᠠ ᠬᠠᠭᠠᠭᠴᠢ ᠳ᠋ᠤ ᠴᠣᠯᠠ ᠣᠯᠭᠤᠭᠰᠠᠨ ᠶᠤᠮ᠃
Тулгар төрийн 2235, Их Монгол Улс байгуулагдсаны 820, Ардын хувьсгалын 105, Цагдаагийн байгууллагын 105, Дотоодын цэргийн 104 жилийн ой, Үндэсний их баяр наадмыг тохиолдуулан хуулиар хүлээсэн үүргээ нэр төртэй биелүүлж, ажил, мэргэжилдээ идэвх зүтгэл, үр бүтээл гарган, хамт олноо манлайлан ажилласан алба хаагчдын хөдөлмөрийг төр, засгаас өндрөөр үнэлж, шагнал гардуулах үйл ажиллагаа ёслол төгөлдөр боллоо.
Энэхүү үйл ажиллагаа өнөөдөр /2026.07.08/ Нийслэлийн цагдаагийн удирдах газрын төв талбай, дотоодын цэргийн 805 дугаар ангийн байрлалд болж, Цагдаагийн ерөнхий газрын дарга, Дотоодын цэргийн командлагч, хошууч генерал Ж.Болд, Дотоодын цэргийн штабын дарга, бригадын генерал Н.Лхагвасайхан болон даргын зөвлөлийн гишүүд оролцов.
Энэхүү түүхэн өдрийг тохиолдуулан дотоодын цэргийн байгууллагын бие бүрэлдэхүүнээс Хууль зүй, дотоод хэргийн яамны шагналаар 34, Цагдаагийн ерөнхий газрын дарга, Дотоодын цэргийн командлагчийн шагналаар 48, Дотоодын цэргийн штабын даргын шагналаар 139, нийт 221 алба хаагч шагнагдаж, хугацааны дэд хурандаа цолоор 10, цагдаагийн дэд хурандаа цолоор 1, хошууч цолоор 11, ахмад цолоор 17, ахлах дэслэгч цолоор 20, цагдаагийн ахлах дэслэгч цолоор 1, офицерын бүрэлдэхүүнд оруулж, дэслэгч цолоор 1, сургагч ахлагч цолоор 2, ахлах ахлагч цолоор 37, ахлагч цолоор 44, урьд хэрэглэж байсан ахлагч цолыг 3 алба хаагчид сэргээж, нийт 147 алба хаагчид цол олгосон юм.
