100 жил
Хууль зүй, дотоод хэргийн сайд С.Амарсайхан "Хүй долоон худаг"-т үүрэг гүйцэтгэж буй алба хаагчдын үүрэг гүйцэтгэлт, орчин нөхцөлтэй танилцлаа
ᠬᠠᠤᠯᠢ ᠵᠦᠢ᠂ ᠳᠣᠲᠤᠭᠠᠳᠤ ᢈᠡᠷᠡᢉ ᠦ᠋ᠨ ᠰᠠᠶᠢᠳ ᠰᠠ᠂ᠠᠮᠤᠷᠰᠠᠶᠢᠬᠠᠨ ︽ᢈᠦᠢ ᠳᠣᠯᠤᠭᠠᠨ ᠬᠤᠳᠳᠤᠭ«-ᠲ ᠡᢉᠦᠷᢉᠡ ᢉᠦᠶᠢᠴᠡᠳᢈᠡᠵᠦ ᠪᠤᠢ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠡᢉᠦᠷᢉᠡ ᢉᠦᠶᠢᠴᠡᠳᢈᠡᠯᠲᠡ᠂ᠣᠷᠴᠢᠨ ᠨᠥᢈᠦᠴᠡᠯ ᠲᠡᠢ ᠲᠠᠨᠢᠯᠴᠠᠯᠠ
ᠤᠯᠤᠰ ᠤ᠋ᠨ ᠶᠡᢈᠡ ᠬᠤᠷᠠᠯ ᠤ᠋ᠨ ᢉᠡᠰᠢᢉᠦᠨ᠂ ᠬᠠᠤᠯᠢ ᠵᠦᠢ᠂ᠳᠣᠲᠤᠭᠠᠳᠤ ᢈᠡᠷᠡᢉ ᠦ᠋ᠨ ᠰᠠᠶᠢᠳ ᠰᠠ᠂ᠠᠮᠤᠷᠰᠠᠶᠢᠬᠠᠨ ᠦᠨᠳᠦᠰᠦᠨ ᠦ᠋ ᠶᠡᢈᠡ ᠪᠠᠶᠠᠷ ᠨᠠᠭᠠᠳᠤᠮ ᠤ᠋ᠨ ᠬᠤᠷᠳᠤᠨ ᠮᠣᠷᠢᠨ ᠤ᠋ ᠤᠷᠤᠯᠳᠤᠭᠠᠨ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠵᠤ ᠪᠤᠢ «ᢈᠦᠢ ᠳᠣᠯᠤᠭᠠᠨ ᠬᠤᠳᠳᠤᠭ»-ᠲ ᠠᠵᠢᠯᠯᠠᠵᠤ᠂ᠬᠠᠮᠠᠭᠠᠯᠠᠯᠲᠠ᠂ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ᠂ ᠨᠡᠶᠢᠲᠡ ᠶ᠋ᠢᠨ ᢈᠡᠪ ᠵᠢᠷᠤᠮ ᠬᠠᠮᠠᠭᠠᠯᠠᠬᠤ᠂ ᠵᠣᢈᠢᠴᠠᠭᠤᠯᠤᠯᠲᠠ ᠶ᠋ᠢᠨ ᠡᢉᠦᠷᢉᠡ ᢉᠦᠶᠢᠴᠡᠳᢈᠡᠵᠦ ᠪᠤᠢ ᠴᠠᠭᠳᠠᠭᠠ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠦᠶᠢᠯᠡ ᠠᠵᠢᠯᠯᠠᠭᠠ ᠲᠠᠢ ᠲᠠᠨᠢᠯᠴᠠᠯᠠ᠃ ᠡᠨᠡ ᠦᠶᠡ ᠪᠡᠷ ᠰᠠᠶᠢᠳ ᠰᠠ᠂ᠠᠮᠤᠷᠰᠠᠶᠢᠬᠠᠨ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠬᠤᠭᠤᠴᠠᠭᠠᠲᠤ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠡᢉᠦᠷᢉᠡ ᢉᠦᠶᠢᠴᠡᠳᢈᠡᠵᠦ ᠪᠤᠢ ᠣᠷᠴᠢᠨ ᠨᠥᢈᠦᠴᠡᠯ ᠲᠡᠢ ᠲᠠᠨᠢᠯᠴᠠᠵᠤ᠂ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠰᠠᠨᠠᠯ ᢈᠦᠰᠡᠯᠲᠡ ᠶ᠋ᠢ ᠰᠣᠨᠤᠰᠪᠠ᠃ ᠲᠡᠷᠡ ᠪᠡᠷ ᠦᠨᠳᠦᠰᠦᠨ ᠦ᠋ ᠶᠡᢈᠡ ᠪᠠᠶᠠᠷ ᠨᠠᠭᠠᠳᠤᠮ ᠤ᠋ᠨ ᠦᠶᠡ ᠪᠡᠷ ᠢᠷᢉᠡᠳ ᠦ᠋ᠨ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠬᠤ᠂ᠨᠡᠶᠢᠲᠡ ᠶ᠋ᠢᠨ ᢈᠡᠪ ᠵᠢᠷᠤᠮ ᠰᠠᢈᠢᠭᠤᠯᠬᠤ᠂ ᠪᠠᠶᠠᠷ ᠨᠠᠭᠠᠳᠤᠮ ᠤ᠋ᠨ ᠦᠶᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᢈᠡᠪ ᠦ᠋ᠨ᠂ ᠠᠶᠤᠯ ᠦᢉᠡᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠳ᠋ᠤ ᠴᠠᠭᠳᠠᠭᠠ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᢉᠦᠶᠢᠴᠡᠳᢈᠡᠵᠦ ᠪᠤᠢ ᠡᢉᠦᠷᢉᠡ᠂ ᠣᠷᠤᠯᠴᠠᠭᠠ ᠴᠢᠬᠤᠯᠠ ᠪᠣᠯᠬᠤ ᠶ᠋ᠢ ᠣᠨᠴᠠᠯᠠᠨ ᠲᠡᠮᠳᠡᢉᠯᠡᠪᠡ᠃ ᠡᠨᠡ ᠦᠶᠡ ᠪᠡᠷ ᠰᠠᠶᠢᠳ ᠰᠠ᠂ᠠᠮᠤᠷᠰᠠᠶᠢᠬᠠᠨ:
︽ᠦᠨᠳᠦᠰᠦᠨ ᠦ᠋ ᠶᠡᢈᠡ ᠪᠠᠶᠠᠷ ᠨᠠᠭᠠᠳᠤᠮ ᠤ᠋ᠨ ᠦᠶᠡ ᠪᠡᠷ ᠲᠥᠷᠦ ᠶ᠋ᠢᠨ ᠲᠤᠰᠬᠠᠢ ᠴᠢᢉ ᠡᢉᠦᠷᢉᠡ ᠶ᠋ᠢ ᢈᠡᠷᠡᢉᠵᠢᢉᠦᠯᠵᠦ᠂ᠢᠷᢉᠡᠳ ᠦ᠋ᠨ ᠠᠮᠤᠷ ᠲᠠᠶᠢᠪᠤᠩ᠂ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠬᠤ ᠶ᠋ᠢᠨ ᠲᠥᠯᠦᢉᠡ ᠬᠠᠷᠢᠭᠤᠴᠠᠯᠭᠠᠲᠠᠢ ᠪᠠᠷ ᠡᢉᠦᠷᢉᠡ ᢉᠦᠶᠢᠴᠡᠳᢈᠡᠵᠦ ᠪᠤᠢ ᠨᠡᠶᠢᠲᠡ ᠠᠯᠪᠠ ᠬᠠᠭᠠᠭᠴᠢᠳ ᠲᠤ ᠪᠠᠨ ᠲᠠᠯᠠᠷᠬᠠᠯ ᠢᠯᠡᠷᢈᠡᠶᠢᠯᠡᠶᠡ᠃ ᠲᠠ ᠪᠦᢈᠦᠨ ᠬᠠᠤᠯᠢ᠂ ᠳᠦᠷᠢᠮ ᠵᠢᠷᠤᠮ ᠢ᠋ᠶᠠᠨ ᠴᠢᠩᠳᠠ ᠮᠥᠷᠳᠡᠵᠦ᠂ ᠰᠣᠨᠤᠷ ᠰᠡᠷᠡᠮᠵᠢᠲᠡᠢ᠂ ᠰᠠᢈᠢᠯᠭᠠ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠥᠨᠳᠦᠷᠵᠢᢉᠦᠯᠦᠨ ᠠᠵᠢᠯᠯᠠᠬᠤ ᠨᠢ ᠢᠷᢉᠡᠳ ᠦ᠋ᠨ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠬᠤ ᠦᠨᠳᠦᠰᠦ ᠶᠤᠮ︽ ᢈᠡᠮᠡᠨ ᠣᠨᠴᠠᠯᠠᠯᠠ᠃
Улсын Их Хурлын гишүүн, Хууль зүй, дотоод хэргийн сайд С.Амарсайхан Үндэсний их баяр наадмын хурдан морины уралдаан зохион байгуулагдаж буй "Хүй долоон худаг"-т ажиллаж, хамгаалалт, аюулгүй байдал, нийтийн хэв журам хамгаалах, зохицуулалтын үүрэг гүйцэтгэж буй цагдаа, дотоодын цэргийн алба хаагчдын үйл ажиллагаатай танилцлаа.
Энэ үеэр сайд С.Амарсайхан Дотоодын цэргийн хугацаат цэргийн алба хаагчдын үүрэг гүйцэтгэж буй орчин нөхцөлтэй танилцаж, алба хаагчдын санал хүсэлтийг сонсов.
Тэрээр Үндэсний их баяр наадмын үеэр иргэдийн аюулгүй байдлыг хангах, нийтийн хэв журам сахиулах, баяр наадмын үйл ажиллагааг хэвийн, аюулгүй зохион байгуулахад цагдаа, дотоодын цэргийн байгууллагын гүйцэтгэж буй үүрэг, оролцоо чухал болохыг онцлон тэмдэглэв.
Энэ үеэр сайд С.Амарсайхан:
"Үндэсний их баяр наадмын үеэр төрийн тусгай чиг үүргийг хэрэгжүүлж, иргэдийн амар тайван, аюулгүй байдлыг хангахын төлөө хариуцлагатайгаар үүрэг гүйцэтгэж буй нийт алба хаагчдадаа талархал илэрхийлье. Та бүхэн хууль, дүрэм журмаа чанд мөрдөж, сонор сэрэмжтэй, сахилга хариуцлагаа өндөржүүлэн ажиллах нь иргэдийн аюулгүй байдлыг хангах үндэс юм" хэмээн онцоллоо.
