100 жил
105 жилийн бахархалт түүхийг хамтдаа бүтээсэн үе үеийн алба хаагчдын тэмдэглэлт өдөр тохиож байна
᠑᠐᠕ ᠵᠢᠯ ᠦ᠋ᠨ ᠪᠠᠬᠠᠷᠬᠠᠯᠲᠤ ᠲᠡᠦᢈᠡ ᠶ᠋ᠢ ᠬᠠᠮᠲᠤ ᠳ᠋ᠤ ᠪᠠᠨ ᠪᠦᠲᠦᢉᠡᢉᠰᠡᠨ ᠦᠶᠡ ᠦᠶᠡ ᠶ᠋ᠢᠨ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠲᠡᠮᠳᠡᢉᠯᠡᠯᠲᠦ ᠡᠳᠦᠷ ᠲᠣᢈᠢᠶᠠᠵᠤ ᠪᠠᠶᠢᠨᠠ
ᠮᠣᠩᠭᠣᠯ ᠤᠯᠤᠰ ᠲᠤ ᠣᠷᠴᠢᠨ ᠴᠠᠭ ᠤ᠋ᠨ ᠴᠠᠭᠳᠠᠭᠠ ᠶ᠋ᠢᠨ ᠪᠠᠶᠢᠭᠤᠯᠤᠯᠭᠠ ᠡᢉᠦᠰᠴᠦ ᢈᠥᢉᠵᠢᢉᠰᠡᠨ ᠦ᠋ ᠑᠐᠕ ᠵᠢᠯ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠑᠐᠔ ᠵᠢᠯ᠂ ᠨᠡᠶᠢᠰᠯᠡᠯ ᠦ᠋ᠨ ᠴᠠᠭᠳᠠᠭᠠ ᠶ᠋ᠢᠨ ᠤᠳᠤᠷᠢᠳᠬᠤ ᠭᠠᠵᠠᠷ ᠤ᠋ᠨ ᠑᠐᠐ ᠵᠢᠯ᠂ᠴᠠᠭᠳᠠᠭᠠ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠠᠬᠠᠮᠠᠳ ᠤ᠋ᠨ ᠬᠣᠷᠢᠶᠠᠨ ᠤ᠋ ᠖᠐ ᠵᠢᠯ ᠦ᠋ᠨ ᠣᠢ᠂ ︽ᠴᠠᠭᠳᠠᠭᠠ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠡᠳᠦᠷ"-ᠡᠶᠢ ᠶ᠋ᠢ ᠲᠣᢈᠢᠶᠠᠯᠳᠤᠭᠤᠯᠤᠭᠰᠠᠨ ᠶᠣᠰᠤᠯᠠᠯ ᠤ᠋ᠨ ᠵᠢᠭᠰᠠᠭᠠᠯ᠂ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠦᠵᠡᢉᠦᠯᢈᠦ ᠪᠣᠯᠤᠨ ᠤᠷᠠᠯᠢᠭ ᠤ᠋ᠨ ᠲᠣᠭᠯᠠᠯᠲᠠ ᠥᠨᠦᠳᠦᠷ /᠒᠐᠒᠖᠂᠐᠗᠂᠑᠗/ ᠲᠥᠪ ᠴᠡᠩᢉᠡᠯᠳᠦᢈᠦ ᢈᠦᠷᠢᠶᠡᠯᠡᠩ ᠳ᠋ᠦ ᠶᠣᠰᠤᠯᠠᠯ ᠲᠡᢉᠦᠯᠳᠡᠷ ᠪᠣᠯᠤᠯᠠ᠃ ᠲᠡᠦᢈᠡᠨ ᠣᠢ ᠶ᠋ᠢ ᠲᠣᢈᠢᠶᠠᠯᠳᠤᠭᠤᠯᠤᠨ ᠡᠨᠡ ᢈᠦ ᠠᠷᠭᠠ ᢈᠡᠮᠵᠢᠶᠡᠨ ᠳ᠋ᠦ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠶᠡᢈᠡ ᠬᠤᠷᠠᠯ᠂ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᢉᠡᠰᠢᢉᠦᠨ᠂ ᠬᠠᠤᠯᠢ ᠵᠦᠢ᠂ ᠳᠣᠲᠤᠭᠠᠳᠤ ᢈᠡᠷᠡᢉ ᠦ᠋ᠨ ᠰᠠᠶᠢᠳ ᠰᠠ᠂ᠠᠮᠤᠷᠰᠠᠶᠢᠬᠠᠨ᠂ ᠴᠠᠭᠳᠠᠭᠠ ᠶ᠋ᠢᠨ ᠶᠡᠷᠦᠩᢈᠡᠢ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠻᠣᠮᠮᠠᠨ᠋ᠳ᠋ᠯᠠᠭᠴᠢ᠂ᠬᠣᠰᠢᠭᠤᠴᠢ ᢉᠧᠨᠧᠷᠠᠯ ᠵᠠ᠂ᠪᠣᠯᠤᠳ᠂ ᠦᠶᠡ ᠦᠶᠡ ᠶ᠋ᠢᠨ ᠳᠠᠷᠤᠭᠠ ᠨᠠᠷ᠂ ᠠᠬᠠᠮᠠᠳ ᠠᠵᠢᠯᠲᠠᠨ ᠨᠤᠭᠤᠳ᠂ᠠᠯᠪᠠ ᠬᠠᠭᠠᠭᠴᠢᠳ᠂ ᠲᠡᠳᠡᠨ ᠦ᠋ ᢉᠡᠷ ᠪᠦᠯᠢ ᠶ᠋ᠢᠨ ᠲᠥᠯᠦᢉᠡᠯᠡᠯ ᢈᠦᠷᠦᠯᠴᠡᠨ ᠢᠷᠡᠵᠦ᠂ ᠴᠠᠭᠳᠠᠭᠠ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠪᠠᠬᠠᠷᠬᠠᠯᠲᠤ ᠲᠡᠦᢈᠡ᠂ ᠪᠠᠭᠠᠲᠤᠷᠯᠢᠭ ᠦᠶᠢᠯᠡᠰ ᠢ᠋ ᠬᠠᠮᠲᠤ ᠳ᠋ᠤ ᠪᠠᠨ ᠬᠤᠪᠢᠶᠠᠯᠴᠠᠯᠠ᠃ ᠠᠷᠭᠠ ᢈᠡᠮᠵᠢᠶᠡᠨ ᠦ᠋ ᢈᠦᠷᠢᠶᠡᠨ ᠳ᠋ᠦ ᠴᠠᠭᠳᠠᠭᠠ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠓᠔ ᠠᠩᢉᠢ᠂ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠑᠂᠙᠘᠔ ᠠᠯᠪᠠ ᠬᠠᠭᠠᠭᠴᠢ᠂ ᠔᠘ ᠠᠦ᠋ᠲ᠋ᠣᠮᠠᠱᠢᠨ᠋᠂ ᠔᠖ ᠮᠣᠷᠢᠲᠤ ᠪᠦᠷᠢᠯᠳᠦᢈᠦᠨ᠂ ᠔᠖ ᠠᠯᠪᠠᠨ ᠤ᠋ ᠨᠣᠬᠠᠢ ᠰᠦᠷ ᠵᠢᠪᠬᠤᠭᠠᠲᠠᠢ ᠪᠠᠷ ᠵᠢᠭᠰᠠᠵᠤ ᠲᠡᠦᢈᠡᠨ ᠣᠢ ᠳ᠋ᠤ ᠪᠠᠨ ᢈᠦᠨᠳᠦᠳᢈᠡᠯ ᠦᠵᠡᢉᠦᠯᠪᠡ᠃ ᠪᠠᠶᠠᠷ ᠤ᠋ᠨ ᢈᠥᠲᠦᠯᠪᠦᠷᠢ ᠶ᠋ᠢ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠦᠵᠡᢉᠦᠯᢈᠦ ᠲᠣᠭᠯᠠᠯᠲᠠ᠂ ᠠᠯᠪᠠᠨ ᠤ᠋ ᠨᠣᠬᠠᠢ ᠨᠤᠭᠤᠳ ᠤ᠋ᠨ ᠦᠵᠡᢉᠦᠯᠪᠦᠷᠢ ᠨᠦ᠋ᢉᠦᠳ ᠢ᠋ᠶᠡᠨ ᠲᠣᠯᠢᠯᠠᠭᠤᠯᠤᠯᠠ᠃
Монгол Улсад орчин цагийн Цагдаагийн байгууллага үүсэж хөгжсөний 105 жил, Дотоодын цэргийн 104 жил, Нийслэлийн цагдаагийн удирдах газрын 100 жил, Цагдаа, дотоодын цэргийн Ахмадын хорооны 60 жилийн ой, "Цагдаа, дотоодын цэргийн алба хаагчдын өдөр"-ийг тохиолдуулсан ёслолын жагсаал, алба хаагчдын үзүүлэх болон урлагийн тоглолт өнөөдөр /2026.07.17/ Төв цэнгэлдэх хүрээлэнд ёслол төгөлдөр боллоо.
Түүхэн ойг тохиолдуулан энэхүү арга хэмжээнд Монгол Улсын Их Хурал, Засгийн газрын гишүүн, Хууль зүй, дотоод хэргийн сайд С.Амарсайхан, Цагдаагийн ерөнхий газрын дарга, Дотоодын цэргийн командлагч, хошууч генерал Ж.Болд, үе үеийн дарга нар, ахмад ажилтнууд, алба хаагчид, тэдний гэр бүлийн төлөөлөл хүрэлцэн ирж, цагдаа, дотоодын цэргийн байгууллагын бахархалт түүх, баатарлаг үйлсийг хамтдаа хуваалцлаа.
Арга хэмжээний хүрээнд цагдаа, дотоодын цэргийн 34 анги, байгууллагын 1,984 алба хаагч, 48 автомашин, 46 морьт бүрэлдэхүүн, 46 албаны нохой сүр жавхаатайгаар жагсаж түүхэн ойдоо хүндэтгэл үзүүлэв. Баярын хөтөлбөрийг алба хаагчдын үзүүлэх тоглолт, албаны нохдын үзүүлбэрүүдээ толилууллаа.
