100 жил
АВЛИГЫН ЭСРЭГ СУРГАЛТ, МЭДЭЭЛЛИЙН ҮЙЛ АЖИЛЛАГАА ЗОХИОН БАЙГУУЛЛАА
ᠠᠪᠯᠢᠭᠠ ᠶ᠋ᠢᠨ ᠡᠰᠡᠷᢉᠦ ᠰᠤᠷᠭᠠᠯᠲᠠ᠂ ᠮᠡᠳᠡᢉᠡᠯᠡᠯ ᠦ᠋ᠨ ᠦᠶᠢᠯᠡ ᠠᠵᠢᠯᠯᠠᠭᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ
“ᠠᠪᠯᠢᠭᠠ ᠲᠠᠢ ᠲᠡᠮᠡᠴᠡᢈᠦ ᠦᠨᠳᠦᠰᠦᠨ ᠦ᠋ ᢈᠥᠲᠦᠯᠪᠦᠷᠢ ᠒᠐᠒᠓–᠒᠐᠓᠐”, ᠬᠠᠤᠯᠢ ᠵᠦᠢ᠂ ᠳᠣᠲᠤᠭᠠᠳᠤ ᢈᠡᠷᠡᢉ ᠦ᠋ᠨ ᠰᠠᠶᠢᠳ ᠤ᠋ᠨ ᠐᠒ ᠳ᠋ᠤᠭᠠᠷ ᠠᠯᠪᠠᠨ ᠳᠠᠭᠠᠭᠠᠯᠭᠠᠪᠤᠷᠢ ᠶ᠋ᠢᠨ ᠬᠣᠯᠪᠤᠭᠳᠠᠬᠤ ᠵᠢᠭᠠᠯᠲᠠ ᠶ᠋ᠢᠨ ᢈᠡᠷᠡᢉᠵᠢᠯᠲᠡ ᠶ᠋ᠢ ᠬᠠᠩᠭᠠᠬᠤ ᠠᠵᠢᠯ ᠤ᠋ᠨ ᢈᠦᠷᠢᠶᠡᠨ ᠳ᠋ᠦ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠪᠠᠶᠢᠷᠢᠯᠠᠯ ᠳ᠋ᠤ “ᠠᠪᠯᠢᠭᠠ᠂ᠠᠰᠢᠭ ᠰᠣᠨᠢᠷᠬᠠᠯ ᠤ᠋ᠨ ᠵᠥᠷᠢᠴᠡᠯ ᠡᠴᠡ ᠤᠷᠢᠳᠴᠢᠯᠠᠨ ᠰᠡᠷᢉᠡᠶᠢᠯᠡᢈᠦ ᠨᠢ” ᠰᠡᠳᠦᠪᠲᠦ ᠰᠤᠷᠭᠠᠯᠲᠠ᠂ ᠮᠡᠳᠡᢉᠡᠯᠡᠯ ᠦ᠋ᠨ ᠦᠶᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠥᠨᠦᠳᠦᠷ ( ᠒᠐᠒᠖᠂᠐᠘᠂᠑᠔) ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ᠃ ᠰᠤᠷᠭᠠᠯᠲᠠ ᠶ᠋ᠢ ᠠᠪᠯᠢᠭᠠ ᠲᠠᠢ ᠲᠡᠮᠡᠴᠡᢈᠦ ᠭᠠᠵᠠᠷ ᠤ᠋ᠨ ᠤᠷᠢᠳᠴᠢᠯᠠᠨ ᠰᠡᠷᢉᠡᠶᠢᠯᠡᢈᠦ᠂ᠰᠣᠶᠤᠨ ᢉᠡᢉᠡᠷᠡᢉᠦᠯᢈᠦ ᢈᠡᠯᠲᠡᠰ ᠦ᠋ᠨ ᠠᠵᠢᠯᠲᠠᠨ᠂ ᠻᠣᠮᠢᠰᠰᠠᠷ ᠷ᠂ᠲᠥᠷᠦᠪᠤᠯᠠᠭ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ᠂ ᠠᠯᠪᠠ ᠬᠠᠭᠠᠭᠴᠢᠳ ᠲᠤ ᠠᠪᠯᠢᠭᠠ᠂ ᠠᠰᠢᠭ ᠰᠣᠨᠢᠷᠬᠠᠯ ᠤ᠋ᠨ ᠵᠥᠷᠢᠴᠡᠯ ᠡᠴᠡ ᠤᠷᠢᠳᠴᠢᠯᠠᠨ ᠰᠡᠷᢉᠡᠶᠢᠯᠡᢈᠦ ᠴᠢᢉᠯᠡᠯ ᠢ᠋ᠶᠡᠷ ᠮᠡᠳᠡᢉᠡᠯᠡᠯ ᠥᢉᢉᠦᠯᠡ᠃ ᠲᠤᠰ ᠰᠤᠷᠭᠠᠯᠲᠠ᠂ ᠮᠡᠳᠡᢉᠡᠯᠡᠯ ᠦ᠋ᠨ ᠦᠶᠢᠯᠡ ᠠᠵᠢᠯᠯᠠᠭᠠᠨ ᠳ᠋ᠤ:
ᠲᠠᠩᢈᠢᠮ ᠢ᠋ᠶᠠᠷ – ᠔᠐ ᠠᠯᠪᠠ ᠬᠠᠭᠠᠭᠴᠢ
ᠴᠠᢈᠢᠮ ᠢ᠋ᠶᠠᠷ – ᠔᠖᠑ ᠠᠯᠪᠠ ᠬᠠᠭᠠᠭᠴᠢ
ᠨᠡᠶᠢᠲᠡ – ᠕᠐᠑ ᠠᠯᠪᠠ ᠬᠠᠭᠠᠭᠴᠢ ᠬᠠᠮᠤᠷᠤᠭᠳᠠᠯᠠ᠃ ᠡᠨᠡ ᢈᠦ ᠦᠶᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠢ᠋ᠶᠠᠷ ᠠᠯᠪᠠ ᠬᠠᠭᠠᠭᠴᠢᠳ ᠤ᠋ᠨ ᠠᠪᠯᠢᠭᠠ᠂ᠠᠰᠢᠭ ᠰᠣᠨᠢᠷᠬᠠᠯ ᠤ᠋ᠨ ᠵᠥᠷᠢᠴᠡᠯ ᠦ᠋ᠨ ᠲᠠᠯᠠᠭᠠᠷᢈᠢ ᠡᠷᢈᠡ ᠵᠦᠢ ᠶ᠋ᠢᠨ ᠮᠡᠳᠡᠯᢉᠡ᠂ ᠣᠶᠢᠯᠠᠭᠠᠯᠲᠠ ᠶ᠋ᠢ ᠨᠡᠮᠡᢉᠳᠡᢉᠦᠯᠵᠦ᠂ᠵᠥᠷᠢᠴᠡᠯ ᠳ᠋ᠦ ᢈᠦᠷᢉᠡᠵᠦ ᠪᠣᠯᠵᠤᠰᠢ ᠦᢉᠡᠢ ᠡᠷᠦᠰᠳᠡᠯ ᠢ᠋ ᠤᠷᠢᠳᠴᠢᠯᠠᠨ ᠲᠠᠨᠢᠵᠤ᠂ ᠰᠡᠷᢉᠡᠶᠢᠯᠡᢈᠦ ᠮᠡᠳᠡᠯᢉᠡ᠂ ᠴᠢᠳᠠᠪᠤᠷᠢ᠂ ᠵᠥᠪ ᠬᠠᠨᠳᠤᠯᠭᠠ ᠶ᠋ᠢ ᠲᠥᠯᠦᠪᠰᠢᢉᠦᠯᢈᠦ ᠳ᠋ᠦ ᠴᠢᠬᠤᠯᠠ ᠠᠴᠢ ᠬᠣᠯᠪᠤᠭᠳᠠᠯᠲᠠᠢ ᠪᠣᠯᠤᠯᠠ᠃ ᠠᠪᠯᠢᠭᠠ ᠦᢉᠡᠢ ᠨᠡᠶᠢᢉᠡᠮ ᠦ᠋ᠨ ᠲᠥᠯᠦᢉᠡ ᠬᠠᠮᠲᠤ ᠳ᠋ᠤ ᠪᠠᠨ!
“Авлигатай тэмцэх үндэсний хөтөлбөр 2023–2030”, Хууль зүй, дотоод хэргийн сайдын 02 дугаар албан даалгаврын холбогдох заалтын хэрэгжилтийг хангах ажлын хүрээнд Дотоодын цэргийн штабын байрлалд “Авлига, ашиг сонирхлын зөрчлөөс урьдчилан сэргийлэх нь” сэдэвт сургалт, мэдээллийн үйл ажиллагааг өнөөдөр ( 2026.08.14) зохион байгууллаа.
Сургалтыг Авлигатай тэмцэх газрын Урьдчилан сэргийлэх, соён гэгээрүүлэх хэлтсийн ажилтан, комиссар Р.Төрбулаг зохион байгуулж, алба хаагчдад авлига, ашиг сонирхлын зөрчлөөс урьдчилан сэргийлэх чиглэлээр мэдээлэл өглөө.
Тус сургалт, мэдээллийн үйл ажиллагаанд:
Танхимаар – 40 алба хаагч
Цахимаар – 461 алба хаагч
Нийт – 501 алба хаагч хамрагдлаа.
Энэхүү үйл ажиллагааг зохион байгуулснаар алба хаагчдын авлига, ашиг сонирхлын зөрчлийн талаарх эрх зүйн мэдлэг, ойлголтыг нэмэгдүүлж, зөрчилд хүргэж болзошгүй эрсдэлийг урьдчилан таньж, сэргийлэх мэдлэг, чадвар, зөв хандлагыг төлөвшүүлэхэд чухал ач холбогдолтой боллоо.
Авлигагүй нийгмийн төлөө хамтдаа!
