100 жил
АХМАДУУДАД ХҮНДЭТГЭЛ ҮЗҮҮЛЭХ АРГА ХЭМЖЭЭ ЗОХИОН БАЙГУУЛАГДЛАА
ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠘᠐᠕ ᠳ᠋ᠤᠭᠠᠷ ᠠᠩᢉᠢ ᠠ᠋ᠴᠠ ᠠᠬᠠᠮᠠᠳ ᠤ᠋ᠨ ᠪᠠᠶᠠᠷ ᠢ᠋ ᠲᠣᢈᠢᠶᠠᠯᠳᠤᠭᠤᠯᠤᠨ ᠦᠶᠡ ᠦᠶᠡ ᠶ᠋ᠢᠨ ᠠᠬᠠᠮᠠᠳ ᠠᠵᠢᠯᠲᠠᠨ ᠨᠤᠭᠤᠳ ᠤ᠋ᠨ ᠢ᠋ᠶᠠᠨ ᠠᠯᠳᠠᠷ ᠭᠠᠪᠢᠶᠠ ᠶ᠋ᠢ ᠠᠯᠳᠠᠷᠰᠢᠭᠤᠯᠬᠤ᠂ᠲᠡᠳᠡᠨ ᠦ᠋ ᢈᠥᠳᠡᠯᠮᠦᠷᠢ ᠵᠢᠳᢈᠦᠯ᠂ ᠦᠨᠡᠲᠡᠢ ᠲᠤᠷᠰᠢᠯᠭᠠ ᠠ᠋ᠴᠠ ᠰᠤᠷᠤᠯᠴᠠᠬᠤ᠂ᠵᠠᠯᠭᠠᠮᠵᠢ ᠬᠣᠶᠢᠴᠢ ᠦᠶᠡ ᠳ᠋ᠦ ᠪᠡᠨ ᠦᠯᠢᢉᠡᠷ ᠳᠠᠭᠤᠷᠢᠶᠠᠯᠠᠯ ᠪᠣᠯᠭᠠᠨ ᠰᠤᠷᠲᠠᠯᠴᠢᠯᠠᠨ ᠲᠠᠨᠢᠭᠤᠯᠬᠤ ᠵᠣᠷᠢᠯᠭᠠ ᠪᠠᠷ ᠠᠩᢉᠢ ᠳ᠋ᠤ ᠠᠵᠢᠯᠯᠠᠵᠤ ᠪᠠᠶᠢᠭᠰᠠᠨ ᠦᠶᠡ ᠦᠶᠡ ᠶ᠋ᠢᠨ ᠤᠳᠤᠷᠢᠳᠤᠯᠭᠠ᠂ ᠠᠬᠠᠮᠠᠳ ᠠᠵᠢᠯᠲᠠᠨ ᠨᠤᠭᠤᠳ ᠲᠤ ᢈᠦᠨᠳᠦᠳᢈᠡᠯ ᠦᠵᠡᢉᠦᠯᢈᠦ ᠠᠷᠭᠠ ᢈᠡᠮᠵᠢᠶᠡ ᠶ᠋ᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ᠃ ᠠᠷᠭᠠ ᢈᠡᠮᠵᠢᠶᠡᠨ ᠦ᠋ ᢈᠦᠷᠢᠶᠡᠨ ᠳ᠋ᠦ ᠪᠠᠲᠤᠯᠠᠭᠳᠠᠭᠰᠠᠨ ᢈᠥᠲᠦᠯᠪᠦᠷᠢ ᠶ᠋ᠢᠨ ᠳᠠᠭᠠᠭᠤ ᠠᠩᢉᠢ ᠶ᠋ᠢᠨ ᠪᠠᠶᠢᠯᠳᠤᠭᠠᠨ ᠤ᠋ ᠲᠤᠭ ᠢ᠋ ᢈᠦᠨᠳᠦᠳᢈᠡᠨ ᠵᠠᠯᠠᠵᠤ᠂ᠠᠬᠠᠮᠠᠳ ᠠᠵᠢᠯᠲᠠᠨ᠂ ᠪᠡᠯᠡᠳᢈᠡᠯ ᠳᠡᠳ᠋ ᠬᠤᠷᠠᠩᠳᠠ ᠰ᠂ᠡᠷᠳᠡᠨᠢᠪᠢᠯᠢᢉ ᠦ᠋ᠨ ᢈᠥᠳᠡᠯᠮᠦᠷᠢ ᠶ᠋ᠢᠨ ᠠᠯᠳᠠᠷ ᠢ᠋ ᠲᠡᠮᠳᠡᢉᠯᠡᠵᠦ ᠠᠯᠳᠠᠷ ᠭᠠᠪᠢᠶᠠ᠂ ᠠᠵᠢᠯ ᢈᠥᠳᠡᠯᠮᠦᠷᠢ ᠶ᠋ᠢᠨ ᠵᠠᠮᠨᠠᠯ ᠢ᠋ ᠲᠣᠪᠴᠢ ᠲᠠᠨᠢᠯᠴᠠᠭᠤᠯᠤᠨ᠂ ᠪᠠᠶᠢᠯᠳᠤᠭᠠᠨ ᠤ᠋ ᠲᠤᠭᠠᠨ ᠳ᠋ᠤ ᢈᠦᠨᠳᠦᠳᢈᠡᠯ ᠦᠵᠡᢉᠦᠯᠦᠯᠡ᠃ ᠮᠥᠨ ᠠᠩᢉᠢ ᠶ᠋ᠢᠨ ᠤᠳᠤᠷᠢᠳᠤᠯᠭᠠ᠂ ᠠᠬᠠᠮᠠᠳ ᠤ᠋ᠨ ᠵᠥᠪᠯᠡᠯ ᠡᠴᠡ ᠠᠬᠠᠮᠠᠳ ᠤ᠋ᠳ ᠲᠤ ᠪᠠᠶᠠᠷ ᠤ᠋ᠨ ᠮᠡᠨᠳᠦᠴᠢᠯᠡᢉᠡ ᠳᠡᠪᠰᠢᢉᠦᠯᠵᠦ᠂ ᠭᠠᠷ ᠤ᠋ᠨ ᠪᠡᠯᠡᢉ ᠭᠠᠷᠳᠠᠭᠤᠯᠤᠨ᠂ ᠠᠬᠠᠮᠠᠳ ᠤ᠋ᠨ ᠲᠥᠯᠦᢉᠡᠯᠡᠯ ᠢ᠋ ᠠᠩᢉᠢ ᠶ᠋ᠢᠨ ᢈᠦᠨᠳᠦᠲᠦ ᠲᠡᠮᠳᠡᢉ ᠢ᠋ᠶᠡᠷ ᠱᠠᠩᠨᠠᠵᠤ ᠤᠷᠮᠠᠰᠢᠭᠤᠯᠪᠠ᠃ ᠮᠥᠨ ᢈᠥᠲᠦᠯᠪᠦᠷᠢ ᠶ᠋ᠢᠨ ᠳᠠᠭᠠᠭᠤ ᠠᠬᠠᠮᠠᠳ ᠤ᠋ᠳ ᠢ᠋ᠶᠠᠨ ᠡᠳᠦᠷ ᠦ᠋ᠨ ᠵᠣᠭᠤᠭ ᠲᠤ ᠤᠷᠢᠵᠤ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ ᠠᠬᠠᠮᠠᠳ ᠤ᠋ᠳ ᠲᠤ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠠ᠋ᠴᠠ ᢈᠢᠵᠦ ᢈᠡᠷᠡᢉᠵᠢᢉᠦᠯᠵᠦ ᠪᠤᠢ ᠦᠶᠢᠯᠡ ᠠᠵᠢᠯᠯᠠᠭᠠ᠂ᠠᠷᠭᠠ ᢈᠡᠮᠵᠢᠶᠡ ᠨᠦ᠋ᢉᠦᠳ ᠦ᠋ᠨ ᠲᠠᠯᠠᠭᠠᠷ ᠲᠣᠪᠴᠢ ᠲᠠᠨᠢᠯᠴᠠᠭᠤᠯᠭᠠ ᢈᠢᠵᠦ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ “ᠰᠡᠷᠡᠮᠵᠢ” ᠬᠠᠮᠲᠤᠯᠢᠭ ᠤ᠋ᠨ ᠤᠷᠠᠨ ᠪᠦᠲᠦᢉᠡᠯ᠂ ᠤᠷᠠᠯᠢᠭ ᠤ᠋ᠨ ᠲᠣᠭᠯᠠᠯᠲᠠ ᠶ᠋ᠢ ᠰᠣᠨᠢᠷᠬᠠᠭᠤᠯᠤᠭᠰᠠᠨ ᠢ᠋ᠶᠠᠷ ᢈᠦᠨᠳᠦᠳᢈᠡᠯ ᠦ᠋ᠨ ᠠᠷᠭᠠ ᢈᠡᠮᠵᠢᠶᠡ ᠥᠨᠳᠦᠷᠯᠡᠯᠡ
Дотоодын цэргийн 805 дугаар ангиас ахмадын баярыг тохиолдуулан үе үеийн ахмад ажилтнуудынхаа алдар гавьяаг алдаршуулах, тэдний хөдөлмөр зүтгэл, үнэтэй туршлагаас суралцах, залгамж хойч үедээ үлгэр дуурайлал болгон сурталчлан таниулах зорилгоор ангид ажиллаж байсан үе үеийн удирдлага, ахмад ажилтнуудад хүндэтгэл үзүүлэх арга хэмжээг зохион байгууллаа.
Арга хэмжээний хүрээнд батлагдсан хөтөлбөрийн дагуу ангийн байлдааны тугийг хүндэтгэн залж, ахмад ажилтан, бэлтгэл дэд хурандаа С.Эрдэнэбилэгийн хөдөлмөрийн алдрыг тэмдэглэж алдар гавьяа, ажил хөдөлмөрийн замналыг товч танилцуулан, байлдааны туганд хүндэтгэл үзүүллээ. Мөн ангийн удирдлага, ахмадын зөвлөлөөс ахмадуудад баярын мэндчилгээ дэвшүүлж, гарын бэлэг гардуулан, ахмадын төлөөллийг ангийн хүндэт тэмдгээр шагнаж урамшуулав.
Мөн хөтөлбөрийн дагуу ахмадуудаа өдрийн зоогт урьж Дотоодын цэргийн штабын дарга ахмадуудад дотоодын цэргийн байгууллагаас хийж хэрэгжүүлж буй үйл ажиллагаа, арга хэмжээнүүдийн талаар товч танилцуулга хийж Дотоодын цэргийн байгууллагын “Сэрэмж” хамтлагийн уран бүтээл, урлагийн тоглолтыг сонирхуулснаар хүндэтгэлийн арга хэмжээ өндөрлөлөө
