100 жил
ДЭЛХИЙН ЦОМЫН ТЭМЦЭЭНЭЭС 4 МЕДАЛЬ ХҮРТЛЭЭ
ᠳᠡᠯᠡᢈᠡᠢ ᠶ᠋ᠢᠨ ᠴᠣᠮᠤ ᠶ᠋ᠢᠨ ᠲᠡᠮᠡᠴᠡᢉᠡᠨ ᠡᠴᠡ ᠔ ᠮᠧᠳᠠᠯ ᢈᠦᠷᠲᠡᠯᠡ
ᠪᠦᢉᠦᠳᠡ ᠨᠠᠶᠢᠷᠠᠮᠳᠠᠬᠤ ᠲᠦᠷᠻ ᠤᠯᠤᠰ ᠤ᠋ᠨ ᠪᠦᠷᠰᠠ ᠬᠣᠲᠠᠨᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠵᠤ ᠪᠤᠢ ᠨᠠᠰᠤᠨ ᠳ᠋ᠤ ᢈᠦᠷᠦᢉᠴᠢᠳ ᠦ᠋ᠨ ᠭᠠᠷᠳᠠᠨ ᠲᠤᠯᠤᠭᠠᠨ ᠤ᠋ ᠳᠡᠯᠡᢈᠡᠢ ᠶ᠋ᠢᠨ ᠴᠣᠮᠤ ᠶ᠋ᠢᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᢉᠡᠨ ᠳ᠋ᠦ ᠑᠕ ᠤᠯᠤᠰ ᠤ᠋ᠨ ᠓᠕᠐ ᠭᠠᠷᠤᠢ ᠲᠠᠮᠢᠷᠴᠢᠨ ᠬᠤᠷᠳᠤ ᢈᠦᠴᠦ᠂ᠤᠷᠠ ᠴᠢᠳᠠᠪᠤᠷᠢ ᠪᠠᠨ ᠰᠣᠷᠢᠨ ᠥᠷᠢᠰᠦᠯᠳᠦᠵᠦ ᠪᠠᠶᠢᠨᠠ᠃ ᠲᠤᠰ ᠲᠡᠮᠡᠴᠡᢉᠡᠨ ᠦ᠋ “ᠥᠪᠡᠷ ᠢ᠋ ᠪᠡᠨ ᠬᠠᠮᠠᠭᠠᠯᠠᠬᠤ” ᠲᠥᠷᠦᠯ ᠳ᠋ᠦ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠠᠯᠪᠠ ᠬᠠᠭᠠᠭᠴᠢᠳ ᠠᠮᠵᠢᠯᠲᠠᠲᠠᠢ ᠣᠷᠤᠯᠴᠠᠵᠤ᠂ ᠑ ᠮᠥᠩᢉᠦ᠂ ᠓ ᢈᠦᠷᠡᠯ ᠮᠧᠳᠠᠯ ᢈᠦᠷᠲᠡᢉᠰᠡᠨ ᠪᠠᠬᠠᠳᠤᠮᠠ ᠠᠮᠵᠢᠯᠲᠠ ᠭᠠᠷᠭᠠᠯᠠ᠃ ᠲᠣᠳᠤᠷᠠᠭᠤᠯᠪᠠᠯ:
ᠮᠥᠩᢉᠦᠨ ᠮᠧᠳᠠᠯ – ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠘᠐᠙ ᠳ᠋ᠦ᠋ᢉᠡᠷ ᠠᠩᢉᠢ ᠶ᠋ᠢᠨ ᠲᠤᠰᠬᠠᠢ ᠠᠵᠢᠯᠯᠠᠭᠠᠨ ᠤ᠋ ᠒ ᠳ᠋ᠤᠭᠠᠷ ᠰᠠᠯᠪᠤᠷᠢ ᠶ᠋ᠢᠨ ᠪᠦᠯᠦᢉ ᠦ᠋ᠨ ᠵᠠᢈᠢᠷᠤᠭᠴᠢ᠂ᠳᠡᠰᠯᠡᢉᠴᠢ ᠡ᠂ᠣᠶᠤᠨᢉᠡᠷᠡᠯ “ᠥᠪᠡᠷ ᠢ᠋ ᠪᠡᠨ ᠬᠠᠮᠠᠭᠠᠯᠠᠬᠤ ᠑+᠑” ᠲᠥᠷᠦᠯ ᠳ᠋ᠦ;
ᢈᠦᠷᠡᠯ ᠮᠧᠳᠠᠯ – ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠘᠑᠐ ᠳ᠋ᠤᠭᠠᠷ ᠠᠩᢉᠢ ᠶ᠋ᠢᠨ ᠴᠠᠭᠳᠠᠭᠠ ᠶ᠋ᠢᠨ ᠲᠠᠰᠤᠭ ᠤ᠋ᠨ ᠵᠥᠷᠢᠴᠡᠯ ᠦ᠋ᠨ ᠪᠠᠶᠢᠴᠠᠭᠠᠭᠴᠢ᠂ᠳᠡᠰᠯᠡᢉᠴᠢ ᠥ᠂ᠠᠴᠢᠲᠤᠪᠢᠯᠢᢉᠦᠨ ᠘᠐ ᠻᠭ᠆ᠤ᠋ᠨ ᠵᠢᠩ ᠳ᠋ᠦ;
ᢈᠦᠷᠡᠯ ᠮᠧᠳᠠᠯ – ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠘᠑᠐ ᠳ᠋ᠤᠭᠠᠷ ᠠᠩᢉᠢ ᠶ᠋ᠢᠨ ᠡᠷᢉᠢᢉᠦᠯ᠂ᢈᠢᠨᠠᠯᠲᠠ ᠰᠢᠯᠭᠠᠯᠲᠠ ᠶ᠋ᠢᠨ ᠣᠹᠢᠼᠧᠷ᠂ ᠳᠡᠰᠯᠡᢉᠴᠢ ᠮ᠂ᠬᠣᠣᠰᠪᠠᠶᠠᠷ ᠗᠐ ᠻᠭ᠆ᠤ᠋ᠨ ᠵᠢᠩ ᠳ᠋ᠦ;
ᢈᠦᠷᠡᠯ ᠮᠧᠳᠠᠯ – ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠘᠑᠐ ᠳ᠋ᠤᠭᠠᠷ ᠠᠩᢉᠢ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠷᠣᠲ ᠤ᠋ᠨ ᠰᠠᠯᠠᠭᠠᠨ ᠤ᠋ ᠵᠠᢈᠢᠷᠤᠭᠴᠢ᠂ᠳᠡᠰᠯᠡᢉᠴᠢ ᠮ᠂ᠰᠢᠵᠢᠷᠪᠠᠲᠤ᠆᠙᠐ ᠻᠭ᠆ᠤ᠋ᠨ ᠵᠢᠩ ᠳ᠋ᠦ ᠲᠤᠰ ᠲᠤᠰ ᠮᠧᠳᠠᠯ ᢈᠦᠷᠲᠡᠵᠦ᠂ ᠣᠯᠠᠨ ᠤᠯᠤᠰ ᠤ᠋ᠨ ᠲᠠᠪᠴᠠᠩ ᠳ᠋ᠤ ᠮᠡᠷᢉᠡᠵᠢᠯ ᠦ᠋ᠨ ᠤᠷᠠ ᠴᠢᠳᠠᠪᠤᠷᠢ᠂ ᠲᠡᠰᠪᠦᠷᠢ ᠬᠠᠲᠠᠭᠤᠵᠢᠯ᠂ ᠪᠡᠶᠡ ᠪᠢᠯᠳᠠᠷ ᠤ᠋ᠨ ᠪᠡᠯᠡᠳᢈᠡᠯ ᠢ᠋ᠶᠡᠨ ᠠᠮᠵᠢᠯᠲᠠᠲᠠᠢ ᠬᠠᠷᠠᠭᠤᠯᠤᠯᠠ᠃
Бүгд Найрамдах Турк Улсын Бурса хотноо зохион байгуулагдаж буй насанд хүрэгчдийн гардан тулааны Дэлхийн цомын аварга шалгаруулах тэмцээнд 15 улсын 350 гаруй тамирчин хурд хүч, ур чадвараа сорин өрсөлдөж байна.
Тус тэмцээний “Өөрийгөө хамгаалах” төрөлд Дотоодын цэргийн байгууллагын алба хаагчид амжилттай оролцож, 1 мөнгө, 3 хүрэл медаль хүртсэн бахдам амжилт гаргалаа.
Тодруулбал:
МӨНГӨН МЕДАЛЬ – Дотоодын цэргийн 809 дүгээр ангийн Тусгай ажиллагааны 2 дугаар салбарын бүлгийн захирагч, дэслэгч Э.Оюунгэрэл “Өөрийгөө хамгаалах 1+1” төрөлд;
ХҮРЭЛ МЕДАЛЬ – Дотоодын цэргийн 810 дугаар ангийн Цагдаагийн тасгийн зөрчлийн байцаагч, дэслэгч Ө.Ачитбилгүүн 80 кг-ын жинд;
ХҮРЭЛ МЕДАЛЬ – Дотоодын цэргийн 810 дугаар ангийн эргүүл, хяналт шалгалтын офицер, дэслэгч М.Хосбаяр 70 кг-ын жинд;
ХҮРЭЛ МЕДАЛЬ – Дотоодын цэргийн 810 дугаар ангийн Цэргийн ротын салааны захирагч, дэслэгч М.Шижирбат -90 кг-ын жинд тус тус медаль хүртэж, олон улсын тавцанд мэргэжлийн ур чадвар, тэсвэр хатуужил, бие бялдрын бэлтгэлээ амжилттай харууллаа.
