ЭРДЭМ ШИНЖИЛГЭЭНИЙ БАГА ХУРАЛ ЗОХИОН БАЙГУУЛЛАА
ᠡᠷᠳᠡᠮ ᠰᠢᠨᠵᠢᠯᠡᢉᠡᠨ ᠦ᠋ ᠪᠠᠭᠠ ᠬᠤᠷᠠᠯ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ᠃
ᠳᠣᠲᠤᠭᠠᠳᠤ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ᠂ ᠴᠠᠭᠳᠠᠭᠠ ᠶ᠋ᠢᠨ ᠶᠡᠷᠦᠩᢈᠡᠢ ᠭᠠᠵᠠᠷ ᠤ᠋ᠨ ᠰᠲ᠋ᠷᠠᠲ᠋ᠧᢉᠢ ᠪᠣᠳᠤᠯᠭᠠ᠂ᠢᠨ᠋ ᠨ᠋ᠣᠸᠠᠼ ᢈᠥᢉᠵᠢᠯ ᠦ᠋ᠨ ᠠᠯᠪᠠᠨ ᠤ᠋ ᠰᠲ᠋ᠷᠠᠲ᠋ᠧᢉᠢ ᠰᠤᠳᠤᠯᠭᠠᠨ ᠤ᠋ ᠲᠥᠪ᠂ ᠳᠣᠲᠤᠭᠠᠳᠤ ᢈᠡᠷᠡᢉ ᠦ᠋ᠨ ᠶᠡᢈᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠴᠠᠭᠳᠠᠭᠠ ᠶ᠋ᠢᠨ ᠰᠤᠷᠭᠠᠭᠤᠯᠢ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠠᠯᠪᠠᠨ ᠤ᠋ ᠲᠢᠩᢈᠢᠮ ᠲᠡᠢ ᠬᠠᠮᠲᠤᠷᠠᠨ “ᠡᠷᠦᠰᠳᠡᠯ ᠦ᠋ᠨ ᠦᠨᠡᠯᠡᢉᠡᠨ ᠳ᠋ᠦ ᠦᠨᠳᠦᠰᠦᠯᠡᠨ ᠤᠯᠤᠰ ᠤ᠋ᠨ ᠣᠨᠴᠠ ᠴᠢᠬᠤᠯᠠ ᠣᠪᠶᠧᠻᠲ ᠤ᠋ᠨ ᠬᠠᠮᠠᠭᠠᠯᠠᠯᠲᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ: ᠣᠨᠤᠯ᠂ ᠫᠷᠠᠻᠲ᠋ᠢᠭ ᠤ᠋ᠨ ᠴᠢᢉ ᠬᠠᠨᠳᠤᠯᠭᠠ” ᠰᠡᠳᠦᠪᠲᠦ ᠡᠷᠳᠡᠮ ᠰᠢᠨᠵᠢᠯᠡᢉᠡᠨ ᠦ᠋ ᠪᠠᠭᠠ ᠬᠤᠷᠠᠯ ᠢ᠋ 2026᠂11᠂12-ᠨᠢ ᠡᠳᠦᠷ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ᠃
ᠡᠷᠳᠡᠮ ᠰᠢᠨᠵᠢᠯᠡᢉᠡᠨ ᠦ᠋ ᠬᠤᠷᠠᠯ ᠢ᠋ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠱᠲ᠋ᠠᠪ ᠤ᠋ᠨ ᠳᠠᠷᠤᠭᠠ᠂ᠳ᠋ᠣᠻᠲ᠋ᠣᠷ (Ph᠃ D)᠂ ᠪᠷᠢᠭᠠᠳ᠋ ᠤ᠋ᠨ ᢉᠧᠨᠧᠷᠠᠯ ᠨ᠂ ᡀᠠᠭᠪᠠᠰᠠᠶᠢᠬᠠᠨ ᠨᠡᢉᠡᢉᠡᠵᠦ ᠦᢉᠡ ᢈᠡᠯᠡᢈᠦ ᠳ᠋ᠦ ᠪᠡᠨ ᠤᠭ ᠪᠠᠭᠠ ᠬᠤᠷᠠᠯ ᠨᠢ ᠴᠠᠭᠳᠠᠭᠠ᠂ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠠ᠋ᠴᠠ 2026 ᠣᠨ ᠳ᠋ᠤ ᠳᠡᠪᠰᠢᢉᠦᠯᠦᢉᠰᠡᠨ ᠵᠣᠷᠢᠯᠲᠠ᠂ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠰᠲ᠋ᠷᠠᠲ᠋ᠧᢉᠢ᠂ ᠪᠣᠳᠤᠯᠭᠠ᠂ ᠲᠡᠷᠢᢉᠦᠯᠡᢈᠦ ᠴᠢᢉᠯᠡᠯ ᠢ᠋ ᢈᠡᠷᠡᢉᠵᠢᢉᠦᠯᢈᠦ᠂ “ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠰᠤᠳᠤᠯᠤᠯ”- ᠤ᠋ᠨ ᠪᠦᠲᠦᢉᠡᠯ᠂ ᠰᠤᠳᠤᠯᠭᠠᠨ ᠤ᠋ ᠠᠵᠢᠯ ᠤ᠋ᠨ ᠲᠣᠭᠠ ᠶ᠋ᠢ ᠨᠡᠮᠡᢉᠳᠡᢉᠦᠯᢈᠦ᠂ ᠠᠯᠪᠠ ᠬᠠᠭᠠᠭᠴᠢᠳ ᠠ᠋ᠴᠠ ᠳᠡᠪᠰᠢᢉᠦᠯᠦᢉᠰᠡᠨ ᠰᠠᠨᠠᠯ᠂ ᠰᠠᠨᠠᠭᠠᠴᠢᠯᠭᠠ ᠶ᠋ᠢ ᠳᠡᠮᠵᠢᢈᠦ᠂ ᠬᠤᠷᠠᠯ ᠠ᠋ᠴᠠ ᠭᠠᠷᠤᠭᠰᠠᠨ ᠰᠠᠨᠠᠯ᠂ ᠵᠥᠪᠯᠡᠮᠵᠢ ᠶ᠋ᠢ ᠦᠢᠯᠡ ᠠᠵᠢᠯᠯᠠᠭᠠᠨ ᠳ᠋ᠤ ᠪᠠᠨ ᠨᠡᠪᠲᠡᠷᠡᢉᠦᠯᢈᠦ ᠣᠨᠴᠤᠭᠤᠢ ᠠᠴᠢ ᠬᠣᠯᠪᠤᠭᠳᠠᠯ ᠲᠠᠢ ᠶ᠋ᠢ ᠣᠨᠴᠠᠯᠠᠵᠤ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠠ᠋ᠴᠠ ᢈᠡᠷᠡᢉᠵᠢᢉᠦᠯᠵᠦ ᠪᠤᠢ “ᠤᠯᠤᠰ ᠤ᠋ᠨ ᠣᠨᠴᠠ ᠴᠢᠬᠤᠯᠠ ᠣᠪᠶᠧᠻᠲ ᠤ᠋ᠨ ᠬᠠᠮᠠᠭᠠᠯᠠᠯᠲᠠ ᠶ᠋ᠢᠨ ᠴᠣᠭᠴᠠ ᠰᠢᠰᠲ᠋ᠧᠮ”᠂ᠤ᠂ ᠹ᠂᠂ “ᠮᠡᠳᠡᢉᠡᠯᠡᠯ ᠦ᠋ᠨ ᠨᠢᢉᠡᠳᠦᢉᠰᠡᠨ ᠰᠢᠰᠲ᠋ᠧᠮ”-ᠡᠶᠢᠨ ᠲᠥᠰᠦᠯ᠂ ᢈᠥᠲᠦᠯᠪᠦᠷᠢ ᠶ᠋ᠢ ᠦᠶᠡ ᠱᠠᠲᠤᠲᠠᠢ ᢈᠡᠷᠡᢉᠵᠢᢉᠦᠯᢈᠦ ᠳ᠋ᠦ ᠶᠡᢈᠡᢈᠡᠨ ᠲᠦᠯᢈᠢᠴᠡ ᠪᠣᠯᠤᠨᠠ ᢉᠡᠳᠡᢉ ᠲᠦ ᠢᠲᠡᢉᠡᠯ ᠲᠡᢉᠦᠰ ᠪᠠᠶᠢᠭᠠ ᠪᠠᠨ ᠢᠯᠡᠷᢈᠡᠶᠢᠯᠡᢉᠰᠡᠨ ᠶᠤᠮ᠃
ᠡᠨᠡ ᢈᠦ ᠬᠤᠷᠠᠯ ᠨᠢ ᠳᠣᠲᠤᠭᠠᠳᠤ ᠶ᠋ᠢᠨ ᠴᠡᠷᠢᢉ ᠦ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᢈᠡᠮᠵᠢᠶᠡᠨ ᠳ᠋ᠦ ᠠᠩᠬᠠ ᠤᠳᠠᠭᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠪᠥᢉᠡᠳ ᠠᠩᢉᠢ᠂ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠠᠯᠪᠠ ᠬᠠᠭᠠᠭᠴᠢᠳ ᠠ᠋ᠴᠠ 38 ᠢᠯᠡᠳᢈᠡᠯ ᠢᠷᠡᢉᠦᠯᠵᠦ᠂ ᠰᠢᢉᠦᢉᠴᠢᠳ ᠦ᠋ᠨ ᠪᠦᠷᠢᠯᠳᠦᢈᠦᠨ 8 ᠢᠯᠡᠳᢈᠡᠯ ᠢ᠋ ᠰᠢᠯᠭᠠᠷᠠᠭᠤᠯᠤᠨ ᠲᠠᠩᢈᠢᠮ ᠪᠣᠯᠤᠨ ᠴᠠᢈᠢᠮ ᢈᠡᠯᠪᠡᠷᠢ ᠪᠡᠷ 2 ᠦᠶᠡ ᠱᠠᠲᠤ ᠲᠠᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ᠂ ᢈᠡᠯᠡᠯᠴᠡᢉᠦᠯᠦᠯᠡ᠃
Дотоод цэргийн штаб, Цагдаагийн ерөнхий газрын Стратеги бодлого, инновац хөгжлийн албаны Стратеги судалгааны төв, Дотоод хэргийн их сургуулийн Цагдаагийн сургууль, Дотоодын цэргийн албаны тэнхимтэй хамтран “Эрсдэлийн үнэлгээнд үндэслэн улсын онц чухал объектын хамгаалалт зохион байгуулах: онол, практикийн чиг хандлага” сэдэвт эрдэм шинжилгээний бага хурлыг 2026.11.12-ны өдөр зохион байгууллаа.







Эрдэм шинжилгээний хурлыг Дотоодын цэргийн штабын дарга, доктор (Ph.D), бригадын генерал Н.Лхагвасайхан нээж үг хэлэхдээ уг бага хурал нь Цагдаа, дотоодын цэргийн байгууллагаас 2026 онд дэвшүүлсэн зорилт, байгууллагын стратеги, бодлого, тэргүүлэх чиглэлийг хэрэгжүүлэх, “Дотоодын цэрэг судлал”-ын бүтээл, судалгааны ажлын тоог нэмэгдүүлэх, алба хаагчдаас дэвшүүлсэн санал, санаачилгыг дэмжих, хурлаас гарсан санал, зөвлөмжийг үйл ажиллагаандаа нэвтрүүлэх онцгой ач холбогдолтойг онцолж, Дотоодын цэргийн байгууллагаас хэрэгжүүлж буй “Улсын онц чухал объектын хамгаалалтын цогц систем”, “Мэдээллийн нэгдсэн систем”-ийн төсөл, хөтөлбөрийг үе шаттай хэрэгжүүлэхэд ихээхэн түлхэц болно гэдэгт итгэл төгс байгаагаа илэрхийлсэн юм.
Энэхүү хурал нь Дотоодын цэргийн байгууллагын хэмжээнд анх удаа зохион байгуулагдсан бөгөөд анги, байгууллагын алба хаагчдаас 38 илтгэл ирүүлж, шүүгчдийн бүрэлдэхүүн 8 илтгэлийг шалгаруулан танхим болон цахим хэлбэрээр 2 үе шаттай зохион байгуулж, хэлэлцүүллээ.
100 жил
