БНМАУ-ын Дотоод явдлын яамны сайдын 1945 оны 08 дугаар 29-ний өдрийн 321 тоот тушаалаар Дотоодын цэргийн тусгай салааг байгуулснаар “Дотоодын цэргийн 805 дугаар анги”-ийн үндэс суурь нь анх тавигдаж байжээ. 1988 онд Улсын онц чухал объектыг хамгаалах, нийгмийн хэв журам сахиулах, цагийн байдлын онцгой нөхцөлд үүрэг гүйцэтгүүлэх зорилгоор НАХЯ-ны сайдын тушаалаар Хилийн ба Дотоодын цэргийн 0229 дүгээр ангийг, Цагдан сэргийлэхийн 0230 дугаар ангитай нэгтгэж Нийслэл хотод нийгмийн хэв журам сахиулах, эргүүл шалгалт хийх үүрэгтэй өвөрмөц үйл ажиллагаатай  тусгай анги үүрэг гүйцэтгэж эхэлсэн байна.