News

“Энхийг сахиулагчид”-ын нэрэмжит “Цэрэгжлийн гимнастик”-ийн аварга шалгаруулах тэмцээн

Монгол Улсад Дотоодын цэрэг үүсэж хөгжсөний 100, Жанжин Д.Сүхбаатарын мэндэлсний 129, Монгол цэрэг Нэгдсэн Үндэстний байгууллагын “Энхийг сахиулах ажиллагаа”-нд оролцож эхэлсний 20 жилийн ойг угтаж Дотоодын цэргийн анги, байгууллагын алба хаагчдын дунд “Энхийг сахиулагчид”-ын нэрэмжит “Цэрэгжлийн гимнастик”-ийн аварга шалгаруулах тэмцээнийг энэ оны 01 дүгээр сарын 31-ний өдөр Дотоодын цэргийн 05 дугаар ангийн байрлалд зохион байгуулж явууллаа.

Тус тэмцээний нээлтийн ажиллагаанд Дотоодын цэргийн штабын дарга болон зөвлөлийн гишүүд, “Одонт хороо ахмадын зөвлөл”, “Энхийг сахиулагчид”-ын төлөөлөл Дотоодын цэргийн 05 дугаар ангид байрлах “Жанжин Д.Сүхбаатарын дурсгалын хөшөө”-нд цэцэг өргөх хүндэтгэлийн ажиллагаанд оролцлоо.

Цэрэгжлийн гимнастикийн аварга шалгаруулах тэмцээнд 11 анги, байгууллагын 25 алба хаагч “Модон моринд малгай тавьж харайх”, “Дүүжинд сонс эргэх”, “Дүүжинд татаж давах”, “Суга савлуурт 15, 16 дугаар дасгалыг гүйцэтгэх” 4 төрлөөр хурд хүч, авхаалж самбаа, ур чадвараа сорин өрсөлдлөө.

Модон моринд малгай тавьж харайх төрлөөр Тэргүүн байранд Дотоодын цэргийн 05 дугаар ангийн салааны захирагч, ахлах дэслэгч Г.Лхагвасүрэн, дэд байранд 810 дугаар ангийн харуулчин, дэд ахлагч Э.Насанжаргал, гутгаар байранд 805 дугаар ангийн харуулчин, дэд ахлагч М.Ганзориг;

Дүүжинд 10 дугаар дасгалыг хийж гүйцэтгэх төрлөөр Тэргүүн байранд 805 дугаар ангийн харуулчин, ахлах ахлагч О.Хонгор, дэд байранд 05 дугаар ангийн харуулчин, дэд ахлагч Ц.Эрдэнэсүх, гутгаар байранд Ховд аймаг дахь дотоодын цэргийн тусгай салбарын харуулчин, дэд ахлагч Б.Гантогтох;

Суга савлуурт 15, 16 дугаар дасгалыг гүйцэтгэх төрлөөр Тэргүүн байранд 05 дугаар ангийн салааны захирагч, дэслэгч Д.Дүгэррагчаа, дэд байранд 816 дугаар салбарын салааны захирагч, ахлах дэслэгч Л.Батбуян, гутгаар байранд 805 дугаар ангийн харуулчин, дэд ахлагч Х.Мөнх-Эрдэнэ;

Дүүжинд сонс эргэх төрлөөр Тэргүүн байранд 805 дугаар ангийн салааны захирагч, дэслэгч Э.Отгонболд, дэд байранд 05 дугаар ангийн харуулчин, дэд ахлагч Б.Гантулга, гутгаар байранд Говь-Алтай аймаг дах дотоодын цэргийн тусгай салбарын харуулчин, дэд ахлагч Б.Билгүүн;

Багийн нийлбэр дүнгээр тэргүүн байранд 05 дугаар анги, дэд байранд 805 дугаар анги, гутгаар байранд 810 дугаар анги тус тус шалгарлаа.