Дотоодын цэргийн штаб
АНГИ, БАЙГУУЛЛАГЫН ҮЙЛ АЖИЛЛАГААГ ӨМНӨГОВЬ АЙМГИЙН ЦОГТЦЭЦИЙ СУМЫН ИРГЭД, ОЛОН НИЙТЭД СУРТАЛЧЛАХ АЖИЛ, АРГА ХЭМЖЭЭ ҮЕ ШАТТАЙГААР ЗОХИОН БАЙГУУЛАГДАЖ БАЙНА.
Дотоодын цэргийн 810 дугаар ангийн үйл ажиллагааг Өмнөговь аймгийн Цогтцэций сумын иргэд, олон нийтэд сурталчлах, ерөнхий боловсролын сургуулийн сурагчид болон цэцэрлэгийн хүүхэд багачуудад "Цэрэг-эх оронч" хүмүүжлийг түгээн дэлгэрүүлэх, сурталчлах ажлыг энэ оны 03 дугаар сарын 06-ны өдрөөс эхлэн үе шаттайгаар зохион байгуулж байна.
Дээрх ажлын хүрээнд энэ оны 03 дугаар сарын 07-ны өдөр тус сумын Ерөнхий боловсролын 2 дугаар сургуулийн сурагчид, хүүхэд багачуудад “Үлээвэр найрал хөгжим”-ийн хэсэгчилсэн тоглолт, Монгол улсын Төрийн дуулал дуулах арга хэмжээг тус тус зохион байгууллаа.
Энэхүү арга хэмжээ нь сум, орон нутгийн иргэд, төрийн болон төрийн бус байгууллагуудын хэмжээнд энэ оны 03 дугаар сарын 18-ны өдрийг хүртэлх хугацаанд хэсэгчилсэн байдлаар үргэлжлэн зохион байгуулагдах юм.
